Publications

Broshura Informative për Votuesit e Rinj paraqet përmbajtjen e Doracakut për Votuesit e Rinj, të përgatitur nga Komisioni Shtetëror i Zgjedhjeve (KSHZ) i Republikës së Maqedonisë së Veriut dhe Misioni i OSBE-së në Shkup, në një format lehtë të lexueshëm. I njejti synon të paraqesë informacionin lidhur me pjesëmarrjen politike dhe elektorale të të rinjve në vend, pse zgjedhjet dhe votimi janë të rëndësishme për gratë dhe burrat e rinj, rëndësinë e zgjedhjeve përfshirëse, si dhe përfshin udhëzimet për procesin e votimit në format të lehtë për personat me vështirësi në mësim.

Doracaku, i përgatitur nga Komisioni Shtetëror i Zgjedhjeve (KSHZ) dhe Misioni i OSBE-së në Shkup, synon të inkurajojë pjesëmarrjen politike dhe elektorale të të rinjve në vend. Ai shpjegon modelet dhe organet për pjesëmarrjen politike të të rinjve; pse zgjedhjet dhe votimi janë të rëndësishme për të rinjtë, si dhe rëndësinë e zgjedhjeve përfshirëse. Doracaku gjithashtu jep udhëzime hap pas hapi për procesin e votimit. Doracaku u botua fillimisht në vitin 2020. Ky është botimi i dytë i ndryshuar në përputhje me ndryshimet më të fundit të Kodit Zgjedhor.

Doracaku për Këshillat Rinore Lokale, i përgatitur në partneritet të ngushtë me Agjencinë për Rini dhe Sport, është një mjet praktik dhe i vlefshëm si për zyrtarët komunal ashtu edhe për të rinjtë lidhur me angazhimin e tyre në Këshillat Rinore Lokale. Ai synon të inkurajojë pjesëmarrjen lokale të të rinjve në këto organe në përputhje me Ligjin për pjesëmarrjen e të rinjve dhe politikat rinore. Doracaku përmban hapa praktikë se si të themelohet Këshilli Rinor Lokal, cakton rolet dhe përgjegjësitë për zyrtarët komunalë dhe anëtarët e këshillit rinor, si dhe procesin e dorëzimit ndërmjet udhëheqjes në largim dhe atij pasardhës. Ai u përgatit në gjuhën maqedonase dhe u përkthye në gjuhët angleze, shqipe, turke, serbe dhe rome.

Doracaku, i përgatitur nga Komisioni Shtetëror i Zgjedhjeve (KSHZ) i Republikës së Maqedonisë së Veriut dhe Misioni i OSBE-së në Shkup, ka për qëlliim të inkurajojë pjesëmarrjen politike dhe elektorale të të rinjve në vend. Ai shpjegon modelet dhe organet për pjesëmarrjen politike të të rinjve; pse zgjedhjet dhe votimi janë të rëndësishme për gratë dhe burrat e rinj, si dhe shpjegon domethënien e zgjedhjeve gjithëpërfshirëse. Publikimi gjithashtu ofron udhëzime hap pas hapi për vetë procesin e votimit. Doracaku është hartuar gjithashtu që të ndihmojë KSHZ-në dhe organizatat rinore në mbarë vendin në programet e tyre trajnuese.

Strategjia e parë rinore e Komunës së Kërçovës 2017-2022 u përpilua nga Këshilli Rinor i Kërçovës me mbështetjen e Misionit të OSBE-së në Shkup. Strategjia, e miratuar unanimisht nga Këshilli i komunës së Kërçovës më 23 nëntor 2016, është dokument për përkrahje publike që synon përforcimin e angazhimit strategjik të Komunës së Kërçovës dhe Këshillit Rinor të komunës për të punuar në promovimin e çështjeve rinore.

Publikimi është një studim i kryer nga Misioni Vëzhgues i OSBE-së në Shkup në mesin e 4,000 nxënësve nga 40 shkolla të mesme në mbarë vendin në vitin 2009.