News and press releases

Misioni në Kosovë i OSBE-së dhe Zyra e Bashkimit Evropian në Kosovë organizuan një ngjarje onlajn në 21 korrik 2021 për lansimin e projektin rajonal tre-vjeçar të financuar nga BE të titulluar "Mbështetja e administrimit më efektiv të drejtësisë në rastet e korrupsionit dhe krimit të organizuar në Ballkanin Perëndimor përmes monitorimit gjyqësor”. Në ngjarje morën pjesë përfaqësues të organizatave të shoqërisë civile dhe gazetarë.

TIRANË, 16 korrik 2021 – Prezenca e OSBE-së në Shqipëri do të bashkëpunojë me Autoritetin Kombëtar italian Kundër Korrupsionit (ANAC) për të forcuar kapacitetet e Kontrollit të Lartë të Shtetit (KLSH) në kryerjen e auditimeve të prokurimeve publike dhe përmirësimin e cilësisë së tyre. Takimi i parë për përcaktimin e nevojave të KLSH-së dhe për hartimin e programit të trajnimit u zhvillua, sot, online.

PRISHTINË, 8 korrik 2021 — Kryesuesja e radhës e OSBE-së Ann Linde, njëherësh Ministre e Punëve të Jashtme e Suedisë, e përmbylli sot vizitën e realizuar në Kosovë së bashku me Ndihmëssekretaren e Përgjithshme të Kombeve të Bashkuara dhe Zëvendësdrejtoren Ekzekutive të UN Women, Åsa Regnér. Programi i vizitës përfshiu takime me Misionin e OSBE-së në Kosovë, autoritetet e Kosovës dhe shoqërinë civile. Linde i inkurajoi autoritetet që të kenë dhe më tej në fokus barazinë gjinore dhe gëzimin e të drejtave të njeriut nga gratë dhe vajzat, në veçanti zbatimin e agjendës “Gratë, paqja dhe siguria”. Kryesia suedeze synon që ta bëjë agjendën “Gratë, paqja dhe siguria” pjesë të punës së përditshme të strukturave të OSBE-së...

Më 5 korrik 2021, Prezenca e OSBE-së në Shqipëri organizoi, në Pogradec, një takim ndërkufitar të zyrtarëve nga Shqipëria dhe Maqedonia e Veriut për të diskutuar për bashkëpunimin kundër ekstremizmit të dhunshëm.

Nga 24 qershor deri më 2 korrik 2021, Prezenca e OSBE-së në Shqipëri organizoi një trajnim online për bizneset lidhur me sinjalizimin dhe mbrojtjen e sinjalizuesve. Kursi theksoi sinjalizimin si një mekanizëm i rëndësishëm në ruajtjen e integritetit dhe kontrollin e korrupsionit. Veprimtaria u organizua në bashkëpunim me Inspektoratin e Lartë të Deklarimit dhe Kontrollit të Pasurive dhe Konfliktit të Interesave (ILDKPKI).

Më 2 korrik 2021, Prezenca e OSBE-së në Shqipëri, në partneritet me Delegacionin e Bashkimit Evropian në Shqipëri, organizuan takimin e parë me organizata të shoqërisë civile për të paraqitur një projekt të financuar nga Komisioni Evropian me titull “Mbështetje për një administrim më efektiv të drejtësisë në çështjet e korrupsionit dhe krimit të organizuar në Shqipëri përmes monitorimit të proceseve gjyqësore”.

Më 1 dhe 2 korrik, Prezenca e OSBE-së në Shqipëri mbështeti organizimin e seminarit përmbyllës me Aleancën e Grave Deputete dhe Nënkomisionin për Barazinë Gjinore dhe Parandalimin e Dhunës ndaj Grave, me rastin e përfundimit të legjislaturës së tanishme.