Publications
Перцепции, ставови и предизвици на младите во Северна Македонија- Истражување за млади и безбедност
Publishing date: 2 септември 2024
Content type: Извештај
Where we are: Мисија на ОБСЕ во Скопје
What we do: Млади
Publisher: Организацијата за безбедност и соработка во Европа
Истражувањето за млади и безбедност дава преглед на перцепциите, погледите и ставовите на младите за безбедноста и сигурноста во Северна Македонија, нивното учество во формални и неформални мировни процеси, мировната и безбедносната агенда и прашања поврзани со борба против и спречување насилен екстремизам во Северна Македонија. Истражувањето опфати младинско насилство, сајбер-малтретирање, исклучување и маргинализација на сите нивоа, недостаток на доверба во властите и односите меѓу заедниците во изминатата деценија. Истражувањето има за цел: 1. Процена на перцепциите, ставовите и предизвиците на младите во однос на безбедноста и сигурноста во Република Северна Македонија; 2. Истражување на безбедносните прашања и предизвици со кои се соочуваат младите луѓе во тековниот општествено-политички контекст; 3. Да се испитаат начините на кои младите се погодени од безбедносните политики и како може да се зголеми практиката на значајно младинско учество во безбедносните политики и програми; 4. Истражување на изворите на насилство меѓу младите, потенцијалниот придонес на младите во безбедноста, сигурноста и градењето отпорност во нивните заедници; 5. Истражување на факторите што влијаат на меѓуетничките односи и кохезијата меѓу младите во земјата; 6. Собирање информации што го поддржуваат стратегиското планирање на Мисијата. Целна група на ова истражување беа млади од 15 до 29 години од Република Северна Македонија. Во примерокот беа вклучени вкупно 1 235 испитаници преку телефонската анкета. Дополнително, истражувачкиот тим спроведе пет (5) полуструктурирани интервјуа со засегнатите страни и осум (8) дискусии во фокус-групи во осумте плански региони во градовите Скопје, Битола, Тетово, Свети Николе, Штип, Струмица и Струга со вкупно 63 учесници. Истражувањето беше спроведено во периодот од 27 септември до 10 октомври 2023 година, додека дискусиите во фокус-групите се одржаа од 4 до 26 октомври 2023 година. Истражувањето е достапно на англиски, македонски и албански јазик.
Информативна брошура за млади гласачи- лесно разбирлив формат
Publishing date: 15 октомври 2021
Content type: Водич / Прирачник
Where we are: Мисија на ОБСЕ во Скопје
What we do: Избори, Добро владеење , Млади
Publisher: Организацијата за безбедност и соработка во Европа
Брошурата за млади гласачи ја претставува содржината на Прирачникот за млади гласачи, подготвена од Државната изборна комисија (ДИК) на Република Северна Македонија и Мисијата на ОБСЕ во Скопје, во лесен формат за читање. Истиот има за цел да ги презентира информациите поврзани со политичкото и изборното учество на младите во земјата, зошто изборите и гласањето се важни за младите жени и мажи, значењето на инклузивните избори и упатствата за процесот на гласање во формат достапен за лицата со потешкотии во учењето.
Прирачник за млади гласачи- второ издание
Publishing date: 15 октомври 2021
Content type: Водич / Прирачник
Where we are: Мисија на ОБСЕ во Скопје
What we do: Избори, Добро владеење , Млади
Publisher: Организацијата за безбедност и соработка во Европа
Прирачникот, подготвен од Државната изборна комисија (ДИК) и Мисијата на ОБСЕ во Скопје, има за цел да го поттикне политичкото и изборното учество на младите во земјата. Исто така ги објаснува моделите и телата за младинско политичко учество; зошто изборите и гласањето се важни за младите жени и мажи и значењето на инклузивните избори. Публикацијата, исто така, дава инструкции чекор-по-чекор за процесот на гласање. Прирачникот првично беше објавен во 2020 година. Ова е второ издание изменето во согласност со најновите измени на Изборниот законик.
Прирачник за локални младински совети
Publishing date: 28 јуни 2021
Content type: Водич / Прирачник
Where we are: Мисија на ОБСЕ во Скопје
What we do: Добро владеење , Млади
Publisher: Организацијата за безбедност и соработка во Европа
Прирачникот за локални младински совети, подготвен во тесно партнерство со Агенцијата за млади и спорт, е практична и вредна алатка и за општинските службеници и за младите во врска со нивниот ангажман во локалните младински совети. Има за цел да го поттикне локалното учество на младите во овие тела во согласност со Законот за младинско учество и младински политики. Прирачникот содржи практични чекори како да се воспостави локален младински совет, улоги и одговорности и за општинските службеници и за членовите на младинскиот совет и за процесот на примопредавање помеѓу раководството во заминување и новото раководство. Подготвен е на македонски јазик и преведен на англиски, албански, турски, српски и ромски јазик.
Прирачник за млади гласачи
Publishing date: 7 април 2021
Content type: Водич / Прирачник
Where we are: Мисија на ОБСЕ во Скопје
What we do: Демократизација, Избори, Млади
Publisher: Организацијата за безбедност и соработка во Европа
Прирачникот, подготвен од Државната изборна комисија (ДИК) на Република Северна Македонија и Мисијата на ОБСЕ во Скопје, има за цел да го поттикне политичкото и изборното учество на младите во земјата. Ги објаснува моделите и телата за младинско политичко учество; зошто изборите и гласањето се важни за младите жени и мажи и значењето на инклузивните избори. Публикацијата, исто така, дава чекор по чекор упатства за самиот процес на гласање. Прирачникот е исто така дизајниран да им помогне на ДИК и на младинските организации низ целата земја во нивните програми за обука.
Младинска стратегија на општина Кичево 2017-2022
Publishing date: 24 јануари 2018
Content type: Водич / Прирачник
Where we are: Мисија на ОБСЕ во Скопје
What we do: Демократизација, Образование , Добро владеење , Млади
Publisher: Организацијата за безбедност и соработка во Европа
Првата Младинска стратегија на општина Кичево 2017-2022 беше развиена од Младинскиот совет на Кичево со поддршка на Мисијата на ОБСЕ во Скопје. Стратегијата, која беше едногласно усвоена од страна на Кичевскиот општински совет на 23 ноември 2016 година, е документ за застапување кој има цел да ја утврди стратешката определба на општина Кичево и Младинскиот совет за промоција на младинските прашања.
Прирачник за остварување на права од областа на социјалната и детската заштита
Publishing date: 15 ноември 2011
Content type: Водич / Прирачник
Where we are: Мисија на ОБСЕ во Скопје
What we do: Рома и Синти , Млади
Publisher: Организацијата за безбедност и соработка во Европа
Прирачникот е наменет пред се за вработените во Рома-информативните центри (РИЦ) со цел да биде корисна алатка преку која ќе се обезбеди еднаквост и достапност на корисниците од Ромската заедница до процесот за остварување права од социјалната и детската заштита. Истиот е изработен со цел да креира заеднички пристап на сите учесници во процесот за остварување права од социјална и детска заштита, да го подобри разбирањето за процесот на остварување права и да обезбеди детали за процесот на остварување на правата од областа на социјалната и детската заштита.
Возраст, контакт, перцепции: Како училиштата ги оформуваат односите помеѓу етничките заедници
Publishing date: 1 јануари 2010
Content type: Извештај
Where we are: Мисија на ОБСЕ во Скопје
What we do: Образование , Млади
Publisher: Организацијата за безбедност и соработка во Европа
Публикацијата е студија спроведена од страна на Набљудувачката мисија на ОБСЕ во Скопје меѓу 4.000 ученици од 40 средни училишта низ целата земја во 2009 година. Оваа студија се фокусира првенствено на улогата на училиштата во обликувањето на перцепциите и развојот на свеста за другите етнички групи, на позитивните и негативните чувства кон другите етнички групи, како и на коментарите на наставниците за другите етнички заедници и ставовите на студентите околу причините за тензии меѓу етничките групи во училиштата.