Конкурс за есеи

Отворен за: студенти на дипломски и постдипломски студии на Универзитетот „Св. Кирил и Методиј“ во Скопје, Универзитетот „Гоце Делчев“ во Штип, Универзитетот „Св. Климент Охридски“ во Битола, Југоисточен Европски Универзитет и Универзитет Американ Колеџ Скопје. Вработените, консултантите или практикантите на ОБСЕ, како и членовите на нивните најблиски семејства, немаат право на учество.

Краен рок за поднесување на есеите: 21 ноември 2025

Награди: Авторите на трите најдобри есеи ќе добијат ваучери за ИТ опрема

Мисијата на ОБСЕ во Скопје има за цел да го унапреди владеењето на правото и човековите права преку спроведување на применливите меѓународни стандарди и обврските преземени во рамки на ОБСЕ во областите на правосудството и фундаменталните права, во согласност со стратешките приоритети на Северна Македонија. Мисијата се осврнува на различни предизвици во домените на независноста и непристрасноста на судството, кривичната правда, борбата против корупцијата, недискриминацијата, родовата еднаквост и основните права во Северна Македонија, идентификувани во различни владини стратешки документи и меѓународни експертски проценки.

Паралелно со серијата мастер-класови за антикорупција, организирани во соработка со пет национални универзитети (Универзитет Американ Колеџ Скопје, Универзитет „Св. Кирил и Методиј“ во Скопје, Универзитет „Гоце Делчев“ – Штип, Универзитет „Св. Климент Охридски“ – Битола и Универзитет на Југоисточна Европа), Мисијата на ОБСЕ во Скопје го поздравува силниот интерес и ангажман покажан од студентите. Градејќи врз овој ентузијазам, Мисијата со задоволство го објавува натпреварот за пишување есеј за студенти. Целта на натпреварот е дополнително да се поттикне активното учество во антикорупциски иницијативи, врз основа на увидите што студентите ги стекнаа од предавањата на повеќе од десетина експерти, научници и активисти во областа на борбата против корупцијата за време на серијата мастер-класови.

Натпреварот ќе биде отворен до 21 ноември 2025 година.

Есеите треба да демонстрираат добро информирано разбирање на сложената природа на корупцијата и да предложат реалистични идеи за нејзино намалување. Авторите треба да развијат една или повеќе аргументации поврзани со избраната тема на анализа, кои ќе бидат елаборирани и поткрепени со веродостојни извори од академската, правната или политичката литература. Авторите се охрабруваат да го изразат сопственото мислење, но треба да се осигураат дека тоа мислење е засновано на кредибилни и убедливи докази. Есеите треба да бидат јасно и добро структуирани, со соодветна употреба на јазик.

Есеите треба да се засноваат на една од следните општи теми:

• Интегритет и употреба на вештачка интелигенција
• Корупција и крипто-валути
• Кривични аспекти на корупцијатаКорупција и родКорупција и медиуми

Овие теми претставуваат општа насока, дозволувајќи им на авторите да ги развијат своите есеи поспецифично, се додека останат усогласени со една од петте општи теми.

Комисија за евалуација составена од три професори ќе ги оценува анонимно доставените есеи според следните критериуми:

• Тема и релевантност на есејот (максимум 25 поени)
• Креативност и оригиналност на предложените аргументи и решенија (максимум 25 поени)
• Аргументација и употреба на докази и извори (максимум 25 поени) 
• Јазик, структура и јасност (максимум 25 поени)

Есеите треба да бидат напишани на англиски јазик, со фонт Times New Roman, големина 12, и проред 1.5. Вкупната должина треба да биде помеѓу 1.400 и 1.600 зборови (приближно 3 страници). Есеите кои ќе ја надминат оваа должина нема да бидат разгледани.

Сите есеи мора да бидат оригинална работа на авторите. Секој случај на плагијат, вклучително и употребата на алатки за вештачка интелигенција како ChatGPT, ќе резултира со дисквалификација од натпреварот.

Инфо-сесијаЗа заинтересираните студенти, Мисијата на ОБСЕ во Скопје ќе организира онлајн инфо-сесија со попрецизни насоки за тоа како да се подготви конкурентен есеј, една недела пред крајниот рок за поднесување на есеи. За информации во врска со точниот датум и време на сесијата и за добивање на Zoom линк, испратете е-пошта на Ana.DespotovskaBogevska@osce.org и наведете ги вашите контакт податоци.

Процес на аплицирање

Упатствата за натпреварот за пишување есеј се достапни и на македонски и на албански јазик.Авторите треба да ги достават своите есеи во PDF формат на адресата Ana.DespotovskaBogevska@osce.org најдоцна до 21 ноември 2025 година. За да се обезбеди анонимна евалуација, авторите треба да го наведат своето име, презиме и називот на универзитетот во телото на пораката, но нивните имиња не смеат да се појавуваат во самиот документ на есејот.

Ништо во или во врска со овој натпревар не треба да се толкува како откажување, експлицитно или имплицитно, од кој било имунитет или привилегија на ОБСЕ.