News and press releases

Nga data 18 deri më 21 nëntor 2024, Prezenca e OSBE-së në Shqipëri organizoi një sërë trajnimesh që synojnë forcimin e kapaciteteve të prokurorëve, oficerëve të policisë dhe inspektorëve të mjedisit në trajtimin e krimeve mjedisore. Trajnimi, që u ndoq nga 52 pjesëmarrës nga Shkodra, Lezha, Kukësi, Berati, Korça dhe Elbasani, u fokusua në identifikimin, hetimin dhe ndjekjen penale të shkeljeve mjedisore.

Nga data 19 deri më 21 nëntor 2024, Prezenca e OSBE-së në Shqipëri, në bashkëpunim me Drejtorinë e Përgjithshme të Burgjeve, organizoi një seminar trajnimi të trajnerëve për 35 punonjës të lartë të burgjeve. Fokusi ishte te Rregullat e Nelson Mandelës, standardet e rishikuara të OKB-së për trajtimin e të burgosurve, të cilat synojnë të mbrojnë të drejtat e personave të privuar nga liria, duke përfshirë mbrojtjen nga tortura dhe keqtrajtimi.

Në funksion të zgjedhjeve të ardhshme parlamentare të vitit 2025, Prezenca e OSBE-së dhe Komisioni Qendror i Zgjedhjeve (KQZ) organizuan një tryezë teknike të titulluar “Zgjedhjet 2025: Roli i medias në procesin zgjedhor – Sfidat dhe mundësitë”, më 18 nëntor 2024.

TIRANË, 13 nëntor 2024 — Kryetari i Radhës i OSBE-së, zëvendëskryeministri dhe ministri për Punët e Jashtme, Çështjet Evropiane dhe Tregtinë e Maltës, Ian Borg, përfundoi sot vizitën e tij në Shqipëri, duke rikonfirmuar përkushtimin e OSBE-së për forcimin e sigurisë rajonale dhe partneritetin e saj të vijueshëm me Shqipërinë.

SHKUP, 12 nëntor 2024 —Kryesuesi i OSBE-së, zëvendëskryeministri dhe ministri i Punëve të Jashtme, Çështjeve Evropiane dhe Tregtisë së Maltës, Ian Borg, sot përfundoi vizitën e Maqedonisë së Veriut, duke nënvizuar partneritetin e fuqishëm midis Maqedonisë së Veriut dhe OSBE-së dhe riafirmuar përkushtimin e Organizatës për të forcuar progresin në vend.

Në Universitetin e Elbasanit u përurua sot Klinika e Ligjit, në të cilën, pedagogë dhe studentë të vitit të pestë të Drejtësisë do të ofrojë këshillim ligjor falas për personat në nevojë.

Më 7 dhe 8 nëntor 2024, Shkolla e Magjistraturës, në bashkëpunim të ngushtë me Prezencën e OSBE-së në Shqipëri, organizoi një trajnim për hetimin dhe gjykimin e veprave penale që lidhen me prokurimin publik.