Kampi për sigurinë e gazetarëve të rinj – forcimi i rezistencës, etikës dhe ndikimit

Në një mjedis mediatik që ndryshon shpejt në Maqedoninë e Veriut, gazetarët përballen ende me dezinformata, fushata shpifjeje të organizuara, kërcënime online dhe presion politik. Për t’iu përgjigjur këtyre sfidave dhe për të forcuar rolin e gazetarisë së pavarur, Misioni i OSBE-së në Shkup dhe Shoqata e Gazetarëve të Maqedonisë (SHGM) për të katërtin vit radhazi organizuan Kampin për Sigurinë e Gazetarëve të Rinj.

Gjatë trajnimit, gazetarët e rinj mësuan si të mbrohen në hapësirën digjitale dhe si të raportojnë në mënyrë profesionale e të përgjegjshme për tema si korrupsioni, krimi dhe llogaridhënia institucionale. Një pjesë e veçantë iu kushtua menaxhimit të padive SLAPP dhe mbrojtjes së lirisë së shprehjes.

Ky kamp tregon angazhimin e vazhdueshëm të Misionit për media të lira dhe të sigurta, me theks të veçantë në fuqizimin e të rinjve dhe forcimin e institucioneve.