Thirrje për aplikim: Akademia Lokale e Dialogut e OSBE-së për Gratë e Reja
Edicioni i tretë i Akademisë Lokale të Dialogut të OSBE-së për Gratë e Reja (LDA) do të organizohet nga data 28 qershor deri më 2 korrik 2021 në Bogë/Boge, Pejë/Peć. Akademia ofron një platformë për gratë e reja për të kapërcyer pengesat në komunikim, për të thyer stereotipet dhe për të krijuar një bazë për dialog përmes mësimit nga bashkëmoshataret, trajnimeve dhe aktiviteteve të mentorimit. Synon nxitjen e komunikimit midis të rejave nga komunitete të ndryshme, duke u përqëndruar në çështje të përbashkëta shqetësuese që kanë të bëjnë me barazinë gjinore dhe fuqizimin e grave në veçanti.
Për më shumë detaje shikoni pakon me informata. Dërgoni aplikacionin tuaj deri në 16 maj 2021 (ora 23:59) në localDA-OMiK@osce.org
Pikëpamjet, opinionet, përfundimet dhe informacionet e tjera të shprehura në këtë dokument as nuk janë dhënë dhe as nuk mbështeten detyrimisht nga Organizata për Siguri dhe Bashkëpunim në Evropë (OSBE), me përjashtim të rastit kur OSBE-ja është e përcaktuar qartë si Autorja e këtij dokumenti.