Thirrje e hapur për dorëzimin e punimeve artistike me temën " Afërsia e ngushtë”
Misioni i OSBE-së në Kosovë dhe alumnaet e Akademisë së Dialogut kanë filluar Projektin “Afërsia e ngushtë”, një fushatë online për të promovuar vlerat e bashkësisë dhe mbështetjes, pavarësisht nga dallimet, dhe për të nxitur bashkëpunimin midis të rinjve të interesuar në fushën e arteve pamore. Ftojmë personat kreativ nga zonat që mbulohen nga Misioni i OSBE-së në Kosovë dhe Misioni i OSBE-së në Serbi që të dorëzojnë punimet e tyre në këtë temë, përfshirë: fotografi, pikturë, video, art dixhital 2D dhe art interaktiv.
Punimet do të bëhen pjesë e një ekspozite online të Akademisë së Dialogut, mbështetur nga DokuFest, kurse tre veprat më të mira do të shpërblehen me çmime.
Pikëpamjet, opinionet, përfundimet dhe informacionet e tjera të shprehura në këtë dokument as nuk janë dhënë dhe as nuk mbështeten detyrimisht nga Organizata për Siguri dhe Bashkëpunim në Evropë (OSBE), me përjashtim të rastit kur OSBE-ja është e përcaktuar qartë si Autorja e këtij dokumenti.