САҲА бо дастгирии Иттиҳоди Аврупо курси «Таҳкими иқтидори тактикӣ дар маҳалҳо»-ро барои Қӯшунҳои сарҳадии Ҷумҳурии Тоҷикистон дар Хоруғ ба анҷом расонд
Дафтари барномаҳои САҲА дар Душанбе дар чаҳорчӯби марҳилаи 3-юми Лоиҳаи “Босуботгардонии минтақаи марзи ҷанубии Ҷумҳурии Тоҷикистон бо Афғонистон”, ки аз ҷониби Иттиҳоди Аврупо маблағгузорӣ мешавад, курси сеюми “Таҳкими иқтидори тактикӣ дар маҳалҳо”-ро барои Қӯшунҳои сарҳадии Ҷумҳурии Тоҷикистон анҷом дод. Курс дар отряди сарҳадии Хоруғи Вилояти Мухтори Кӯҳистони Бадахшон (ВМКБ) гузаронида шуд.
Ҳамагӣ 29 афсари Қӯшунҳои сарҳадӣ (ҳама мард) тавонмандиҳои амалиётии худро тавассути омӯзиши ба вокуниши тактикӣ, малакаҳои зинда мондан, топография ва кӯмаки аввалия равонашуда тақвият доданд. Омӯзиш аз ҷониби чор роҳбалади Қӯшунҳои сарҳадӣ гузаронида шуд, ки ҳамаи онҳо хатмкунандагони барномаи омӯзиши роҳбаладони Марҳилаи 2 мебошанд. Тавассути гузаронидани ҳам машғулиятҳои синфӣ ва ҳам тамринҳои амалии саҳроӣ, онҳо ба таҳкими тавонмандӣ дар Қӯшунҳои сарҳадӣ саҳм гузоштанд.
Марҳилаи сеюми Лоиҳаи «Босуботгардонии минтақаи сарҳади ҷанубии Ҷумҳурии Тоҷикистон бо Афғонистон», ки аз ҷониби Воситаи сиёсати хориҷии Иттиҳоди Аврупо маблағгузорӣ мешавад, омодагии Иттиҳоди Аврупо ва САҲА ба дастгирии амнияти сарҳад ва кӯшишҳои тақвияти тавонмандии Ҷумҳурии Тоҷикистонро таъкид мекунад.