Redaksia e lajmeve
News and press releases
Lajme dhe deklarata për shtyp nga veprimtaritë globale të OSBE-së
Forcimi i gazetarisë së pavarur në Maqedoninë e Veriut
Publishing date: 3 shkurt 2024
Content type: News
Where we are: Misioni i OSBE-së në Shkup
What we do: Liria dhe zhvillimi i medias, Sundimi i ligjit
Së bashku me Shoqatën e Gazetarëve (SHGM) dhe partnerët tanë të tjerë, Misioni i OSBE-së në Shkup mbetet i palëkundur në përkushtimin e tij për të mbështetur gazetarinë e cilësisë së lartë.
Konkurs për shkrimin e hartimeve për studentet e universiteteve
Publishing date: 16 nëntor 2023
Content type: News
Where we are: Misioni i OSBE-së në Shkup
What we do: Arsimi, Mirëqeverisja, Sundimi i ligjit
Pas përfundimit me sukses të master ligjëratave kundër korrupsionit, të organizuar në bashkëpunim me katër Universitetet vendore (Universiteti Sh. Kirili dhe Metodij në Shkup, Universiteti Goce Delçev në Shtip, Universiteti Sh. Kliment Ohridski në Manastir dhe Universiteti i Evropës Jug-Lindore në Tetovë) nga entuziazmi i shprehur i studentëve si dhe për inkurajimin e mëtejshëm të tyre në angazhimin anti-korrupsion, Misioni i OSBE-së në Shkup organizon një konkurs në shkrimin e hartimeve për studentët.
Vlerësimi i rrezikut të korrupsionit nxjerr në pah sfidat, mundëson reformën në sistemin e drejtësisë
Publishing date: 13 qershor 2023
Rrëfimet dhe përvojat e dorës së parë të gjyqtarëve dhe prokurorëve janë në qendër të Vlerësimit të rreziqeve të korrupsionit në sistemin e drejtësisë, i përgatitur nga Komisioni Shtetëror për Parandalimin e Korrupsionit. Ky Vlerësim, i publikuar sot me mbështetjen e Misionit të OSBE-së në Shkup, hedh dritë mbi rreziqet dhe dobësitë që pengojnë dhënien e drejtësisë në Maqedoninë e Veriut. Vlerësimi shqyrton rreziqet e jashtme dhe të brendshme të korrupsionit, të cilat përbëjnë kërcënim për pavarësinë e gjyqësorit dhe autonominë e prokurorisë. Publikimi u përgatit në bashkëpunim me Shoqatën e Gjyqtarëve dhe Shoqatën e Prokurorëve Publikë, të cilët ndihmuan që gati gjysma e anëtarëve të tyre të merrnin pjesë në procesin e vlerësimit. "Përmes zërave të gjyqtarëve dhe prokurorëve dhe përvojave të tyre personale, ky vlerësim sfidon status quo-në. Ai nuk është thjesht një dokument- ai është një katalizator për ndryshim. Është një thirrje për veprim, duke na nxitur të përpiqemi për një gjyqësor që mbështet parimet e drejtësisë, pavarësisë dhe llogaridhënies. Është detyra jonë kolektive të sigurojmë që institucionet publike të mbrojnë të drejtat e qytetarëve dhe të forcojnë shtyllat e demokracisë dhe sundimit të ligjit," tha Shefi i Misionit të OSBE-së në Shkup, Kilian Wahl në promovimin e këtij publikimi. "Akuzat për korrupsion janë të shumta. Anekdotat e ndikimit të padrejtë në sektorin e drejtësisë janë reale dhe të shumta. Kjo nuk është koha për "biznes si zakonisht"; kjo është një kohë për hapa dhe veprime të guximshme. Për të drejtuar më së miri burimet kolektive, le të shohim se çfarë na thonë të dhënat dhe le të punojmë së bashku për të luftuar korrupsionin që ekziston, si dhe për të eliminuar rreziqet që ai paraqet në gjyqësor," tha Eric Meyer, zëvendës Shefi i Misionit në Ambasadën amerikane në Shkup. Biljana Ivanovska, kryetare e Komisionit Shtetëror për Parandalimin e Korrupsionit, tha se të gjeturat e Vlerësimit do të përcillen me rekomandime konkrete të politikave për të shoqëruar dokumentet kryesore strategjike të vendit lidhur me gjyqësorin. Ajo u bëri thirrje gjyqtarëve dhe prokurorëve që t'i përdorin këto gjetje për të përmirësuar integritetin e institucioneve të tyre përkatëse. "Bashkëpunimi me Misionin e OSBE-së në Shkup prej vitesh rezultoi në aktivitete të shumta, me shumë dokumente të përpiluara, hulumtime dhe rekomandime, që synonin përmirësimin e gjendjes në sistemin e drejtësisë. Vlerësimi është pjesë e këtij bashkëpunimi dhe shpresoj se do të kontribuojë ndjeshëm në zbatimin e mekanizmave ligjorë për një gjyqësor të pavarur, të përgjegjshëm dhe të hapur, si parakusht për ngritjen e besimit të publikut," tha gjyqtari Xhemali Saiti, kryetar i Shoqatës së Gjyqtarëve të Maqedonisë së Veriut. Elvin Veli, kryetar i Shoqatës së Prokurorëve Publikë, tha se integriteti personal i prokurorëve publikë është mjeti më i rëndësishëm për heqjen e çdo ndikimi në procedurë. "Të gjitha institucionet gjyqësore janë të ndërlidhura dhe rezultate efikase mund të arrihen vetëm nëse secili prej nesh investon personalisht dhe bën përpjekje maksimale për të ngritur standardet dhe etikën gjatë procesimit të rasteve," shtoi ai.
Procedim penal më i shpejtë për një luftë më efektive kundër krimit
Publishing date: 30 mars 2023
Content type: Komunikatat për shtyp
Where we are: Misioni i OSBE-së në Shkup
What we do: Policimi, Sundimi i ligjit
SHKUP, 30 mars 2023 — Misioni i OSBE-së në Shkup ndihmoi nënshkrimin e një Protokolli ndërmjet Prokurorisë Publike dhe Ministrisë së Punëve të Brendshme. Protokolli për bashkëpunim u përgatit me mbështetjen e Misionit të OSBE-së në Shkup dhe do të ndihmojë në rritjen e bashkëpunimit ndërmjet policisë dhe prokurorisë drejt një sistemi më efektiv dhe efikas të drejtësisë penale.
Për drejtësi më të mirë: Misioni i OSBE-së në Shkup do të mbështesë Akademinë për Gjykatës dhe Prokurorë Publikë
Publishing date: 27 shkurt 2023
Content type: Komunikatat për shtyp
Where we are: Misioni i OSBE-së në Shkup
What we do: Sundimi i ligjit
SHKUP, 27 shkurt 2023 — Me qëllim të përmirësimit të cilësisë së drejtësisë, Misioni i OSBE-së në Shkup ka nënshkruar Memorandum Mirëkuptimi me Akademinë për Gjykatës dhe Prokurorë Publikë.
Misioni i OSBE-së në Shkup promovoi studimin bazë për çështjet gjinore dhe diversitetin në gjyqësor
Publishing date: 18 nëntor 2022
Content type: News
Where we are: Misioni i OSBE-së në Shkup
What we do: Barazia gjinore, Sundimi i ligjit
Për të ndihmuar në adresimin e çështjeve të pabarazisë gjinore në sistemin e drejtësisë, Misioni i OSBE-së në Shkup kohët e fundit publikoi një studim bazë mbi Gjininë dhe Diversitetin në Gjyqësor. “Vetëm një gjyqësor transparent dhe gjithëpërfshirës mund të gëzojë besimin dhe mbështetjen e qytetarëve, gjë që do t'i mundësojë të kryejë plotësisht funksionin për mbrojtjen e drejtësisë dhe të të drejtave të njeriut. Sistemi gjyqësor duhet të pasqyrojë komunitetin të cilit i shërben, përfshirë gratë, pakicat dhe personat me aftësi të kufizuara,” tha zëvendës-shefi i Misionit, Jeffrey Goldstein në aktivitetin e sotëm për promovimin e studimit. “Pjesëmarrja dhe përfaqësimi i barabartë i grave në gjyqësor rrit cilësinë e punës gjyqësore, arsyetimin e vendimeve gjyqësore, mbrojtjen e të drejtave njerëzore të grave, si dhe ofron rezultate më të mira të sektorit të drejtësisë për të gjithë.” Kryetarja e Këshillit Gjyqësor të Maqedonisë së Veriut, Pavlina Crvenkovska, duke folur në këtë ngjarje, tha: “Këshilli Gjyqësor synon të promovojë barazinë gjinore gjatë punësimeve të reja në gjyqësor, veçanërisht duke u fokusuar në bashkësitë etnike. Në të njëjtën kohë, duhet të sigurojmë realizimin e të drejtave të njeriut për të gjithë qytetarët, të cilët janë pjesë e proceseve gjyqësore, në mënyrë që të elimonohen praktikat diskriminuese.” Misioni ka qenë prej kohësh i përfshirë në fushën e barazisë gjinore, mosdiskriminimit dhe reformës në drejtësi. Poashtu, kontribuoi në ngritjen e infrastrukturës legjislative dhe institucionale të Maqedonisë së Veriut në këtë fushë dhe ndihmoi qeverinë në hartimin e Ligjit për mundësi të barabarta të grave dhe burrave.
OSBE dhe Delegacioni i BE-së në Maqedoninë e Veriut fillojnë projektin për monitorimin e proceseve gjyqësore të rasteve të korrupsionit dhe krimit të organizuar
Publishing date: 28 korrik 2021
Content type: Komunikatat për shtyp
Where we are: Misioni i OSBE-së në Shkup
What we do: Sundimi i ligjit
SHKUP, 28 korrik 2021- Misioni i OSBE-së në Shkup filloi një projekt të financuar nga BE për mbështetjen e administrimit më efektiv të drejtësisë duke monitoruar proceset gjyqësore të rasteve të korrupsionit dhe krimit të organizuar në Maqedoninë e Veriut. Ky projekt tre-vjeçar është pjesë e një iniciative rajonale që po zbatohet nga misionet e OSBE-së në Tiranë, Podgoricë, Shkup, Sarajevë dhe Prishtinë.