Астанадағы ЕҚЫҰ Орталығы Орталық Азиядағы қауіпсіздік секторының демократиялық бақылауы бойынша аймақтық семинарды жүргізеді
Астана, 2012 жылғы 3 қазан – Бүгін Астанада ЕҚЫҰ Орталығымен ұйымдастырылған аймақтық семинарда министрліктер, парламентарий және әскери күштерді қадағалау үшін жауапты аға-буынды әскерилер арасындағы диалог пен қызметтестікті дамыту мәселелері талқыланды.
Үш күндік семинардың мақсаты қауіпсіздік секторын басқару саласындағы маңызды құжат – қауіпсіздіктің әскери-саяси аспектілеріне қатысты ЕҚЫҰ Әрекет ету Кодексінің іске асырылуын дамыту болып табылады. Аталмыш шараға Орталық Азияның сарапшылары шақырылды, олар Әрекет ету Кодексінің іске асырылуын дамытудағы, атап айтқанда әскери күштерді, әскери бөлімшелерді және ішкі әскер күштерін, сондай-ақ барлау қызметтері мен полицияны демократиялық бақылау қатысындағы нақты тәжірибені, туындаған талаптарды және болашақтағы бастамаларды талқылайды.
Қауіпсіздіктің әскери-саяси аспектілеріне қатысты ЕҚЫҰ Әрекет ету кодексі ЕҚЫҰ қатысушы 56 мемлекет үшін әскери күштерді, ішкі әскерді және қауіпсіздік қызметтерін, сондай-ақ парламенттік қадағалау арқылы демократиялық бақылауды жүзеге асыруда маңызды құжат болып табылады. Жыл сайын қатысушы-мемлекеттер өздерінің Әрекет ету Кодексін сақтау туралы тәжірибесімен бөліседі, бұл жөнінде ЕҚЫҰ сайтында хабарланады.
«ЕҚЫҰ Әрекет ету Кодексі демократиялық нормаларға, қағидалар мен процедураларға сәйкес ЕҚЫҰ қатысушы-мемлекеттердің әскери күштерін реформалауға арналған нормаларды қамтамасыз етеді», - деді Астанадағы ЕҚЫҰ Орталығының Басшысы, Наталья Зарудная. «Бүгінгі өткен шара пікір алмасудың және Орталық Азияда әрекет ету Кодексін жүзеге асыру үшін қызметтестік саласы мен ортақ мүдделерді айқындаудың тамаша мүмкіндігін ұсынады».
ҚР Қорғаныс министрлігінің орынбасары Бағдат Манкеев былай деді: «Әрекет ету Кодексін қабылдау сәтінен бастап, Қазақстан Кодекстің барлық ережелерін ұстануға тырысады және оны дамытуға белсене қатысады, сондай-ақ жыл сайынғы ақпарат алмасумен қоса, тиісті халықаралық міндеттемелердің толық іске асырылуына барынша күш салады». Ол сонымен қатар мұндай сипаттағы шаралар процесстің пайдалы толықтыруы болып табылатынын атап өтті.
Семинар барысында Әскери күштердің тиімді басшылығы, әскери қызметкерлердің құқықтары мен олардың үкіметке бағыныштылығы қарастырылады.
Шараны Астанадағы ЕҚЫҰ Орталығы мен Қазақстан Республикасының Қорғаныс министрлігі ЕҚЫҰ Секретариатының Қақтығыстардың алдын алу жөніндегі Орталығының қолдауымен ұйымдастырды.
Кодекс бойынша толығырақ ақпаратты мына сілтеме арқылы табуға болады: //www.osce.org/fsc/41355