Алқа билердің қатысуымен өтетін соттағы прокурорлардың дағдылары Қазақстанда өткен ЕҚЫҰ тренингісінің назарында
БУРАБАЙ, Қазақстан, 2013 жылғы 30 мамыр – бүгін Астанадағы ЕҚЫҰ Орталығымен ұйымдастырылған алқа билердің қатысуымен өтетін соттағы прокурорлардың рөліне қатысты екі күндік оқу семинары басталды.
Бүкіл Қазақстан бойынша аймақтық прокуратура органдарының шамамен 30 қызметкері Астана маңындағы Бурабайда өтіп жатқан семинарға қатысуда. Ресей мен Қазақстанның қылмыстық сот төрелігі саласындағы жетекші сарапшылар прокурорлардың рөліне баса назар аударып, сот ісінің практикалық аспектілері бойынша өз тәжірибелерімен бөліседі.
Сонымен қатар прокурорлар тараптардың бәсекелестігі және тең құқықтығы қағидаттарына құрмет білдіре отырып, алқа билер соты алдында нақты және сендірерлік дәлелдерді ұсыну әдістерін талқылайды.
«Қылмыстық сот ісін жүргізуде алқа билер сотына қолдау көрсету Қазақстан Республикасында әділ сот ісіне қатысты адамның негізгі құқықтарын қорғаудың маңызды қадамы болып табылады. ЕҚЫҰ Орталығы осындай сот істеріне қатысатын прокурорлардың дағдыларын жетілдіру және олардың адам құқықтары мәселелерінде хабардарлығын арттыру бойынша құқық қорғау органдарымен қабылданып жатқан қаламдарды қолдайтын болады, - деді ЕҚЫҰ Астанадағы Орталығының адам құқықтары жөніндегі кеңесшісі Стефан Бухмайер.
«Алқа билер соты адамдардың биліктің сот саласына сенімін арттырудың маңызды механизмі», - деп атап көрсетті Бас прокуратура институтының директоры Салтанат Tұрсынбекова. «Аталмыш семинарлар алқа билер соты алдында дәлелдерді ұсыну үшін прокурорларды дайындауға көмектеседі».
Тренинг ЕҚЫҰ Орталығының Қазақстанның құқық қорғау органдарымен ұзақ мерзімді ынтымақтастық бойынша жұмысының бір бөлігі болып табылады.