News and press releases

2025-yil 14–15 aprel YXHT konferensiya zali, Toshkent Bugun O‘zbekistonda sud tizimi vakillari uchun mo‘ljallangan “Kiberjinoyatlar: aniqlashdan sud hukmiga qadar” mavzusidagi birinchi milliy o‘quv kursining ochilishi bo‘lib o‘tdi. Mazkur o‘quv mashg‘ulotida kiberjinoyatchilik bo‘yicha xalqaro va milliy huquqiy asoslar, taqqoslovchi sud amaliyoti va xorijiy sud qarorlari, kiberjinoyatlarni to‘g‘ri malakalash va jinoiy javobgarlikka tortishdagi qiyinchiliklar, elektron dalillarni to‘plash va ularning isbot sifatida qabul qilinishi kabi mavzular muhokama qilinmoqda. Mazkur tadbir YXHTning O‘zbekistondagi Loyihalar Koordinatori tomonidan tashkil etilib, sud tizimining salohiyatini oshirish hamda raqamli tahdidlar sharoitida samarali va huquqiy me’yorlarga asoslangan odil sudlovni ilgari surishga qaratilgan. Ochilish marosimida YXHTning O‘zbekistondagi Loyihalar Koordinatori, elchi Antti Karttunen kiberjinoyatchilik tahdidining ortib borayotganini qayd etib, raqamli davrda muvozanatli va adolatli sud amaliyotini shakllantirishda sudyalar ishtirokining muhimligini ta’kidladi.

27-noyabr kuni Markaziy Osiyo davlatlari, YXHT tuzilmalari, BMT tashkilotlari va fuqarolik jamiyati vakillaridan iborat 40 dan ortiq mutaxassislar Toshkentda Qaytganlarni Reabilitatsiya va Reintegratsiya qilish bo‘yicha Markaziy Osiyo mintaqaviy ekspertlar kengashining (MEK) ikkinchi yig‘ilishida ishtirok etdilar. MEK 2024-yil may oyida O‘zbekiston Prezidenti Shavkat Mirziyoyev tashabbusi bilan tashkil etilib, mintaqaviy hamkorlik va mas’uliyat, psixosotsial yordam, terrorizm narrativlariga qarshi kurashish va fuqarolik jamiyatini jalb qilish orqali reabilitatsiya va reintegratsiya bo‘yicha tavsiyalar ishlab chiqadi. Mazkur yig‘ilishda fuqarolik jamiyati tomonidan boshqariladigan reabilitatsiya dasturlari va gender hamda yoshga nisbatan sezgir yondashuvlarni qo‘llash masalalari muhokama qilindi. Shu bilan birga, huquqiy asoslar va salohiyatni oshirish zaruriyatlari ham tahlil qilindi. "Mojaroli hududlardan qaytganlarni jamiyatga qayta integratsiya qilish insonparvarlik vazifasi bo‘lib qolmay, balki barqaror mintaqaviy xavfsizlikning asosidir. YXHT bu jarayonlarda doimiy hamkorlikni davom ettiradi," dedi YXHTning O‘zbekistondagi loyihalar Koordinatori Antti Karttunen. 2024-yil mart holatiga ko‘ra, 2,100 dan ortiq fuqarolar reabilitatsiya dasturlari orqali o‘z oilalari va jamiyatlariga muvaffaqiyatli qayta qo‘shilgan. Ushbu tadbir O‘zbekistonning asosiy davlat idoralari, YXHT va BMT tuzilmalari hamkorligida tashkil etilib, mintaqaviy va xalqaro hamkorlikni mustahkamlashga xizmat qildi.

YXHTning Oʻzbekistondagi Loyiha koordinatori, YXHT Kotibiyatining Terrorizmga qarshi kurash boʻlimi bilan hamkorlikda, hamda Jurnalistlar qayta tayyorlash markazi bilan hamkorlikda, 2024 yil 3-4 oktyabr kunlari Qarshi shahrida "Yoshlar radikallashuvining oldini olish: ommaviy axborot vositalarida yoritish" mavzusida seminar-trening oʻtkazmoqda. Tadbirda 24 nafar jurnalistlar, blogerlar va fuqarolik jamiyati faollari ishtirok etadi. Tadbirning diqqat markazida mediasavodxonlik, alternativ hikoya yaratish va yoshlar radikallashuviga qarshi kurashda samarali kontent yaratish masalalari boʻladi.

Toshkent,25 Sentabr- YXHT ning Demokratik Institutlar va Inson Huquqlari bo‘yicha byurosi (DIIHB) bugun milliy hukumat taklifiga binoan 27 Oktabr kuni bo’lib o‘tadigan O‘zbekistondagi parlament saylovlarini kuzatish missiyasini boshladi.

Yevropada xavfsizlik va hamkorlik tashkilotining O‘zbekistondagi loyihalari koordinatori, O‘zbekiston Respublikasi Bosh prokuraturasi va “O‘zbekiston Jurnalistlarini qayta tayyorlash markazi” nodavlat notijorat tashkiloti bilan hamkorlikda prokuratura organlari xodimlarining mediasavodxonlik sohasidagi salohiyatini oshirishga qaratilgan treninglarning birinchisi o‘tkazildi.

TOSHKENT, 2023-yil 10-iyul – O‘zbekistondagi muddatidan ilgari prezident sayloviga texnik jihatdan yaxshi tayyorgarlik ko‘rildi, ammo haqiqiy raqobat kuzatilmadi. Ijobiy jihati shundaki, huquqiy bazadagi soʻnggi islohotlar DIIHBning avvalgi tavsiyalarini inobatga oldi, biroq asosiy erkinliklar cheklanganligicha qolmoqda. Past darajadagi kampaniya saylovchilar bilan mazmunli ishtirok etmagan va saylov kuni muhim protsessual qonunbuzarliklar kuzatilganligi Demokratik institutlar va inson huquqlari uchun byurosining (DIIHB) bugungi bayonotida aytilmoqda.

TOSHKENT, 2023-yil 8-iyun – YXHTning Demokratik Institutlar va inson huquqlari bo'yicha byurosi (DIIHB) O'zbekiston Respublikasi hukumatining rasmiy taklifiga binoan, 9-iyul kuni bo'lib o'tadigan muddatidan ilgari prezident saylovlarini kuzatish bo'yicha missiyasini ochdi.