Skip navigation

0Meta Navigation

× Close search

Navigation

Басты бет Астанадағы бағдарламалар офисі Біздің қызметіміз
Нұр-Сұлтандағы ЕҚЫҰ Бағдарламалар Офисі

Біздің қызметіміз

Офис қызметінің аясына қаруландыруды бақылауды, шекараны басқаруды, терроризммен және адам, қару-жарақ пен есірткі саудасымен күресуді қоса алғанда қауіпсіздік мәселелері, сондай-ақ экономикалық-экологиялық мәселелер, адам құқықтары мен құқық билігі және БАҚ еркіндігі мәселелері кіреді.
Шекаралық режим
Офис трансұлттық ұйымдастырылған қылмыспен, есірткі мен химиялық прекурсорлардың заңсыз айналымымен күрес жөнінде, құжаттар қауіпсіздігі мен бір қалыпқа келтіру халықаралық әдістері жөнінде оқу семинарларын жүйелі түрде ұйымдастырады. Бұл қызметтің мақсаты – Қазақстандағы шекара қауіпсіздігі мен шекараны кешенді басқару туралы ЕҚЫҰ тұжырымдамасын жылжыту.
Адам саудасымен күрес
Офис Қазақстан үкіметіне адам саудасымен күрес іс-шараларының тиімділігін арттыруға қолдау көрсетеді, атап айтқанда құрбандар құқығын қорғау үшін негіз құратын ұлттық қайта бағыттау механизмін жылжытады. Сонымен қатар, Офис заңнама әзірлеуге және лауазымды адамдарға, құқық қорғау органдарының қызметкерлеріне және судьяларға адам саудасымен күрес жөніндегі халықаралық-құқықтық құжаттар мен стандарттарды қолдануда көмек көрсетеді.
Экономикалық қызмет
Офис экономикалық қауіпсіздікті нығайтуға, шағын және орта кәсіпкерлікке қолайлы іскерлік және жайлы жағдайлар жасау үшін тұрақты даму және тиімді басқару мәселелеріне көңіл бөледі. Офис сыбайлас жемқорлықпен, ақша жылыстатумен және терроризмді қаржыландырумен күрес мәселелері бойынша, сонымен қатар сауданы дамыту, транзиттік және кеден рәсімдерін жетілдіру, энергетикалық қауіпсіздікті күшейту және еңбек көші-қонын басқару мақсатында Қазақстанның мемлекеттік органдарымен және азаматтық қоғамымен қызмет істейді.
Қоршаған ортаны қорғау
Су ресурстарын басқару, мұнайдың жайылуын болдырмау және кен өндіруші өнеркәсіптің ашықтығы Қазақстандағы ЕҚЫҰ экологиялық қызметінің негізгі тақырыптары болып табылады. Офис экологиялық проблемалар жөніндегі өңірлік ынтымақтастыққа көмектеседі, Қазақстанның жасыл экономикаға көшуіне күш салуын қолдайды және жұртышылықтың ақпаратқа қол жетуі және елдегі қоршаған орта аясында шешімдер қабылдауға қатысу туралы Орхусс конвенциясын іске асыруға ықпал етеді.
Гендерлік теңдік
Офис азаматтық қоғаммен және мемлекеттік органдармен қоғамдағы гендерлік мәселелер бойынша хабардарлықты жоғарылату және әйелдердің саясат пен экономикаға шешім қабылдау деңгейінде қатысуына көмектесу үшін қызмет істейді. Офистің сарапшылары әйелдер мен еркектер тең құқықтары мен мүмкіндіктері саласында заң базасын жақсарту, сондай-ақ үйдегі зорлықпен күресу жөнінде ұсыныстар әзірлейді және осы мәселелер бойынша жергілікті ҮЕҰ үшін оқу курстарын жүргізеді.
Адам құқықтары
Офис Қазақстанға адам құқықтары мен негізгі бостандықтарын күшейтуге қолдау көрсетеді. Қазақстандағы құқық қорғау институттары мен азаматтық қоғамды күшейту маңызды басымдылық болып табылады. Сонымен қатар, Офис Қазақстан үкіметіне адам құқықтарын сақтау туралы ратификацияланған халықаралық конвенцияларды, ЕҚЫҰ шеңберіндегі қағидаттар мен міндеттемелерге сәйкес ұлттық заңдарды және ұлттық іс-әрекеттер жоспарларын іске асыруға көмектеседі. Ол адам саудасымен және үйдегі зорлықпен күресте, шыдамдылық қағидаттарын және әйелдер мен еркектердің тең мүмкіндіктерін жылжытуда, сондай-ақ БАҚ мәселелерінде көмек көрсетеді.
БАҚ еркіндігі мен дамуы
Жергілікті журналистер желісімен, бұқаралық ақпарат құралдарымен, үкіметпен және азаматтық қоғам сарапшыларымен қызмет істей отырып, Офис қазақстандық медиа-заңнаманы кеңінен қоғамдық талқылауды ынталандырады және оны реформалау жөніндегі үкіметтің күш салуын қолдайды. Сонымен қатар, Офис экономикалық және экологиялық қауіпсіздікті, адам құқықтарын, БАҚ-та терроризмді жариялау этикасын, журналистік тергеулерді және жаңа техникалық құралдарды пайдалануды қоса алғанда, әртүрлі мәселелер бойынша журналистер үшін оқу курстарын өткізеді.
Қауіпсіздік саласындағы реформалар мен ынтымақтастық
Офис Қазақстан үкіметіне ЕҚЫҰ-ның сенім мен қауіпсіздік шараларын күшейтуде қолдау көрсетеді. Офис 2011 жылғы Вена құжатын және қауіпсіздіктің әскери-саяси қырларына қатысты Тәлім кодексін ілгері жылжыту арқылы аймақтық тұрғыдан қауіпсіздік саласындағы реформалар мен ынтымақтастықты қолдайды. Сондай-ақ, Офис атқыш және жеңіл қару-жарақтың және әдеттегі оқ-дәрілердің қалдықтарын зарарсыздандыру және жою жұмыстарына қатысады.
Құқық қорғау органдарының жұмысы
Қазақстандық полициямен, құқық қорғау органдарымен, шекара қызметімен және кеден органдарымен қызмет істей отырып, Офис өңірлік қауіпсіздікті және полиция қызметінің демократиялық негіздерін күшейтуге, кибер қылмыскерлікпен, зорлық экстремизммен және терроризммен күресуге бағытталған жобаларды жүзеге асырады, бұл ретте адам құқықтарының сақталуына ерекше назар аударады. Офис Қазақстанның құқық қорғау жүйесінің реформалар үдерісіне халықаралық сараптамалық қолдау көрсетуге көмектеседі. Бүгінгі таңда Офистің мамандары өңірдің құқық қорғау органдарының қызметкерлеріне тәжірибемен алмасуға және трансшекаралық ынтымақтастықты күшейтуге көмектеседі.
Құқық билігі
Офис Қазақстан билігі мен азаматтық қоғамының арасындағы диалогқа құқық билігін жылжыту және демократиялық институттарды нығайту арқылы көмектеседі. Офистің сарапшылары заңнамалық реформаларды әзірлеуге және қабылдауға, ЕҚЫҰ шеңберіндегі қағидаттар мен міндеттемелерге сәйкес ұлттық заңдарды және ұлттық іс-әрекеттер жоспарларын іске асыруға көмектеседі. Сондай-ақ, Офис үкіметке ұсынылатын заңдарды талдауға және талқылауға көмектесе отырып, қылмыстық сот әділдігі жүйесін реформалауға қолдау көрсетеді.