Қазақстанға сапары барысында ЕҚЫҰ Адам саудасымен күресу жөніндегі үйлестіруші жағымды өзгерістерді байқауда

АСТАНА, 4 сәуір 2014 ж. – 2014 жылдың 1 мен 4 сәуір аралығында өткен сапар қорытындылары бойынша, ЕҚЫҰ Адам саудасымен күресу мәселелері үйлестірушісі қызметін атқарушы Рут Фридом Пойман Қазақстанда қазіргі құлдықтың бұл түрімен күресуде және алдын алуда жағымды заңнамалық және саяси өзгерістерді байқады.

«Мен адам саудасына қатысты қолданыстағы заңнамаға қанаудың ұғымын кіргізу туралы үкіметтің жақындағы шешімін құптаймын. Бұл қадам құрбандарды жақсырақ айқындауға да,  адам құқықтарының бұл өрескел бұзушылығын жасаған адамдарды жауапқа тартуға да мүмкіндік беріп отыр»,- деді Пойман ханым.

Ол Қазақстан үкіметін зардап шеккендерді қорғауға, соның ішінде барлық қатысушылар арасында ынтымақтастықтың институционалдық дамуына бағытталған қайта жолға салудың ұлттық механизмін әзірлеуге, адам саудасының барлық түрлерінің құрбандарын тиімді анықтауға және олардың әділдікке қол жеткізуіне ерекше көңіл бөлуге шақырды.
Үйлестіруші бұл тұрғыда адам саудасына қатысты қолданыстағы заңнамаға, оның ішінде, құрбандардың әлеуметтік қызметтерге қол жеткізуге мүмкіндік беру саласында түзетулердің енгізілуін оң қадам ретінде бағалады.

Сапар үкіметтің жоғары лауазымды өкілдерімен сындарлы диалогты күшейту, олармен қатар азаматтық қоғам өкілдерімен жұмыс байланыстарын орнатуды жүзеге асыру мақсатында ұйымдастырылды. Аталған әріптестік адам саудасына қарсы күресу жолының басымдықтарын ілгері дамытуға және ұлттық деңгейде ЕҚЫҰ-ның тиісті міндеттемелерін орындау бойынша жасалынып жатқан жұмысты қолдауға септігін тигізетіні анық.

«Мен 13 жыл ішінде Қазақстандағы адам саудасына қарсы күрес шараларын бақылаудамын, және мұндағы ұстамды саяси жігердің арқасында адам саудасымен күресудің тәжірибесі мен дағдыларының серпінді өскендігін байқадым», - деді Пойман ханым. Ол: «Тіркелген жағдайлар санының өсуі адам саудасына қарсы тұру мәселелерімен айналысатын Қазақстанның жетекші қызметтері арасында ынтымақтастық тиімділігінің айқындаушысы болып табылады», – деп атап өтті.

Төрт күнге созылған сапар ішінде ЕҚЫҰ үйлестірушісі Рут Пойман және ЕҚЫҰ Астанадағы Орталық басшысының орынбасары Жаннет Клетцер үкіметтің және азаматтық қоғамның мүдделі өкілдерімен бірқатар кездесулер өткізді. Олардың қатарында Қазақстан Республикасы Сыртқы істер министрі Ерлан Ыдырысов, Адам құқықтары мәселелері бойынша айрықша тапсырыстар жөніндегі елші Үсен Сүлеймен, Әділет министрінің орынбасары Эльвира Әзімова, Еңбек және әлеуметтік қорғау министрінің орынбасары Қайрат Әбсаттаров, Балалар құқықтарын қорғау комитеті төрағасы Раиса Шер, сонымен қатар Жоғарғы соттың судъялары, Ішкі істер министрлігі, Бас прокуратураның өкілдері болды.

Пойман ханым Қазақстанның әр аймақтарынан келген бірнеше үкіметтік ұйымдар өкілдерімен де кездесулер өткізді.  Ол өз сапарын Көкшетау қаласындағы орналасқан адам саудасынан зардап шеккендерге арналған баспанаға барып қайтуымен тәмамдады.

«Мен, адам саудасы құрбандарын қорғау және бұл мәселенің алдын алуы үшін шешуші маңызға ие болып отырған, мемлекеттік мекемелер мен азаматтық қоғам арасындағы әріптестіктен үлкен әсер алдым», - деп айтты ЕҚЫҰ үйлестірушісі.
Пойман ханым ҚР Президенті жанындағы Мемлекеттік басқару академиясы, АҚШ елшілігі, Жоғарғы Сот және ЕҚЫҰ Астанадағы Орталығы ұйымдастырған судьяларға арналған семинар қатысушыларына сәлем жолдады. ЕҚЫҰ және Қазақстан үкіметі сот, прокуратура және полиция қызметкерлері сияқты жауапкершілікке ие жақтардың әлеуетін арттыру ісінде белсенді серіктестік жүргізуде. Бұл серіктестік адам саудасы сияқты қатаң қылмыс түрімен күресуде және кінәлі тұлғаларды жауапқа тартуда аталған қызметкерлердің қабілетін арттыруға бағытталған.