Состанок на Советот на министри на ОБСЕ во Хамбург, Германија, 8 и 9 декември

ХАМБУРГ, 2 ноември 2016 г. – 23-от Совет на министри на ОБСЕ ќе се одржи на 8 и 9 декември 2016 г., во Хамбург, Германија. Нaстанот ќе се одржи на покана на актуелниот претседавач на OБСЕ и германски министер за надворешни работи, Франк Волтер Штајнмајер.

Советот на министри е централно одлучувачко и управувачко тело на ОБСЕ. На состанокот, кој се одржува секоја година, министрите за надворешни работи на 57-те земји-членки на ОБСЕ ќе бидат во можност да ги разгледаат и анализираат активностите на Организацијата и да го зајакнат дијалогот за безбедносните прашања во регионот на ОБСЕ.

Новинарите се поканети да го покриваат настанот кој ќе се одржи на саемот во Хамбург (Hamburg Messe, Messeplatz 1). Пристап за претставниците на медиумите ќе биде обезбеден преку Западниот влез (Eingang West), со пристап од јавната автобуска станица (Sternschanze, метро и градска железница).

Претходна акредитација на претставниците на медиумите е задолжителна. Акредитацијата се одвива врз база на само-регистрација, преку посебна и-мејл адреса.

Ве молиме регистрирајте се на: presse@diplo.de, приложувајќи ги следниве информации:

Цело име, место и датум на раѓање, број на пасош и националност, поштенска адреса и и-мејл адреса, име и матична земја. Само регистрациите на германски и англиски јазик ќе бидат прифатени.

Рокот за пријавување на претставниците на медиумите е 18:00 ч., 30 ноември, 2016 година.

Медиумите кои ќе изразат интерес да паркираат телевизиски возила за пренос во живо (СНГ возила) на означен простор за паркинг пред медиумскиот центар, потребно е претходно да ги пријават возилата и возачите.

За таа цел, Ве молиме испратете и-мејл на presse@diplo.de приложувајќи ги следниве информации: вид на возило, број на регистарски таблички, име на медиумската куќа и цело име на членовите на тимот за пренос во живо.

Рокот за пријавување на возилата за пренос во живо е 15 ноември, 2016 година.

За време на Советот на министри, ќе биде обезбедена можност за фотографирање, со ограничен пристап (заеднички фотографии). Списокот на можните заеднички фотографии ќе биде објавен дополнително и од заинтересираните претставници на медиумите ќе биде побарано да ги наведат своите преференци за една или повеќе заеднички фотографии, преку и-мејл на: presse@diplo.de

Новинарите кои претходно се акредитирале на различни локации на ОБСЕ, сепак ќе треба да ја пополнат посебната акредитација за Советот на министри, согласно горенаведеното.

Условите за виза треба да бидат исполнети пред пристигнувањето во Германија. Новинарите на кои им е потребна влезна виза, треба да поднесат барање до соодветните органи, најмалку две недели пред очекуваниот датум на поаѓање.

Детални информации за расположливите капацитети за медиумите, инструкции за акредитација, резервација на хотели и условите за виза се достапни на: https://www.osce.org/cio/275346

КОНТАКТ:

Отсек на ОБСЕ за комуникации и односи со медиумите

Секретаријат на ОБСЕ

Канцеларии: + 43 1 514 36 6756 
(Од 08:30 до 17:30 ч., временска зона - Виена, во работни денови)

Моб: + 43 676 71 74 592 
(За итни потреби вон работно време)
press@osce.org

Прес департмент на федералната канцеларија за надворешни работи, Берлин

Канцеларии: +49 30 1817 2056

(Од 08:30 до 17:30 ч., временска зона - Берлин, во работни денови)

presse@diplo.de