News and press releases

2025 жылғы 4 тамызда ЕҚЫҰ-ның Астанадағы Бағдарламалар офисі Қазақстан Республикасының Бас прокуратурасы Активтерді қайтару жөніндегі комитетімен бірлесіп, Комитет қызметкерлеріне арналған азаматтық тәркілеу тетігін қолдану және жетілдіру бойынша оқыту семинарын ұйымдастырды.

2025 жылы ЕҚЫҰ-ның Астанадағы Бағдарламалар офисі Қазақстан Республикасының Президенті жанындағы Адам құқықтары жөніндегі комиссиясымен және ICMPD/BOMCA-мен бірлесіп, Қазақстанның төрт өңірінде үш күндік оқыту семинарларының сериясын аяқтады. Іс-шаралардың мақсаты: облыс орталықтары мен ауылдарда жергілікті билік органдары, құқық қорғау органдарының қызметкерлері, әлеуметтік қызметтер, үкіметтік емес ұйымдар, шағын және орта бизнес өкілдері мен академиялық қауымдастық арасында адам құқықтарын ұлттық және халықаралық қорғау механизмдері туралы хабардарлықты арттыру.

ЕҚЫҰ-ның Астанадағы Бағдарламалар офисі 2025 жылдың 11-14 шілде аралығында Қазақстанға халықаралық серіктестердің бірнеше күндік сапарын ұйымдастырды. Сапар «Қазақстан Республикасындағы қазіргі заманғы қауіпсіздік қатерлерін жою» атты бюджеттен тыс жоба аясында қол жеткізілген нәтижелерді көрсетуге бағытталды.

2025 жылғы 19 маусымда Алматы қаласында ЕҚЫҰ-ның Астанадағы Бағдарламалар офисі жаһандық inDrive такси шақыру қызметімен бірлесе отырып, 48 жергілікті жүргізушіге, оның ішінде 11 әйел және 37 ер адамға арналған пилоттық оқыту сессиясын іске қосты. Жүргізушілерге арналған бұл гендерлік сезімтал қарым-қатынас бойынша тренинг алғаш рет такси платформасымен бірлесіп өткізілді және бұл қоғамдық кеңістіктерде қауіпсіздік пен құрметті арттыру, сондай-ақ кемсіту мен қудалауға мүлдем төзбеушілік қағидатын насихаттау жолында маңызды қадам болып саналады.

2025 жылдың 16–17 маусымында Астанада және 19–20 маусымында Алматыда ЕҚЫҰ-ның Астанадағы Бағдарламалар офисі «Құқықтық медиа орталығы» қоғамдық қорымен және Internews Kazakhstan ұйымымен серіктестікте «Журналистерге арналған құқықтық тексеру» атты екі күндік оқыту семинарларын ұйымдастырды.

2025 жылғы 4-6 маусым аралығында Қазақстан делегациясы Францияның Страсбург қаласында Еуропа Кеңесі ұйымдастырған «OCTOPUS 2025 – Киберқылмысқа қарсы іс-қимыл жөніндегі конференцияға» қатысты. Делегацияның бұл конференцияға қатысуы Қазақстан Республикасының Ішкі істер министрлігімен бірлесіп жүзеге асырылып жатқан және Қазақстан Республикасының Президенті Әкімшілігінің үйлестіруімен жүргізіліп отырған «Киберқылмыстарға қарсы іс-қимылдың тиімді саясатын әзірлеуде Қазақстан Республикасын қолдау (I кезең)» атты бюджеттен тыс жобасы аясында ЕҚЫҰ-ның Астанадағы Бағдарламалар офисінің қолдауымен мүмкін болды.

2025 жылғы 27 мамырда ЕҚЫҰ-ның Астанадағы Бағдарламалар офисі (Офис) Қазақстан Республикасы Ұлттық қауіпсіздік комитетінің Шекара қызметіне «К-9 бағдарламасы/Күшіктерді дамыту» тақырыбындағы қажеттіліктер мен іске асыру мүмкіндігін бағалау жөніндегі есепті ресми түрде ұсынды. Ұлыбритания сарапшыларының қолдауымен әзірленген есеп Қазақстанда шекара қауіпсіздігін қамтамасыз етуге бағытталған бастамаларды ЕҚЫҰ тарапынан қолдаудың жалғасы.