News and press releases

19-20 avgust kunlari Urganch shahrida "Yoshlar media savodxonligi – radikallashuv va terrorizmga qarshi kurashishda samarali vosita" mavzusida ikki kunlik trening  o’tkazildi. Tadbir YXHTning O‘zbekistondagi loyihalari Koordinatori loyihasining ijrochi hamkori bo‘lgan O‘zbekiston Jurnalistlarini qayta tayyorlash markazi tomonidan O‘zbekiston Respublikasi Bosh prokuraturasi ko‘magida tashkil etildi. Treningda jurnalistlar, blogerlar va nodavlat tashkilotlar vakillari ishtirok etdi. Mashg‘ulotlar noto‘g‘ri ma’lumotlarni aniqlash ko‘nikmalar-ni mustahkamlashga, shuningdek, ommaviy axborot vositalari bilan ishlashga mas’uliyatli yondashuvni targ‘ib qilishga qaratilgan bo’lib, ishtirokchilar destruktiv kontentga qarshi kurashishda tanqidiy fikrlash, faktlarni tekshirish, shuningdek, raqamli vositalardan foydalanish va kiberxavfsizlikni ta’minlashning ahamiyatini muhokama qildilar. Amaliy sessiyalar davomida hamkorlikni yanada rivojlantirish bo‘yicha fikr almashildi. YXHTning O'zbekistondagi loyihalar Koordinatori, elchi Antti Kartunen ochilish so‘zida raqamli davrda yoshlar o‘rtasida mediasavodxonlikning muhimligini ta’kidladi: "Mediasavodxonlikni rivojlantirish- bu nafaqat soxta yangiliklarni aniqlash qobiliyati, balki tanqidiy fikrlash va har qanday yoshda har qanday manbadan olingan ma’lumotlarga mas’uliyatli yondashuvni shakllantirishdir,"- dedi Antti Kartunen. Shuningdek, elchi Antti Kartunen YXHTning terrorizm va radikallashuvga qarshi kurashish bo‘yicha keng qamrovli yondashuvini va uning doirasida media savodxonligi profilaktika choralarining muhim elementi sifatida qaralishini ta’kidladi. Ushbu yondashuv inson huquqlarini hurmat qilish, qonun ustuvorligi tamoyillari va davlat tuzilmalari, fuqarolik jamiyati va ommaviy axborot vositalari o‘rtasidagi inklyuziv hamkorlikka asoslangan b’olib, bular xabardor va ekstremistik g‘oyalarga qarshi tura oladigan yoshlarni tarbiyalashning asosiy elementlaridir. Trening YXHTning O‘zbekistondagi loyihalari Koordinatorning harbiy-siyosiy yo’nalish doirasida terrorizmga qarshi kurashishni qo‘llab-quvvatlash bo‘yicha keng ko‘lamli loyihasi doirasida amalga oshirildi. Tadbir yoshlar uchun yanada xavfsiz va xabardor raqamli muhit yaratish maqsadida mamlakatning turli hududlarida o‘tkazilayotgan bir qator tashabbuslarning bir qismi bo‘ldi. Bunday treninglar O‘zbekistonning boshqa viloyatlarida ham o‘tkaziladi.

2025-yil 14-15-avgust kunlari Toshkentda VIII Markaziy Osiyo ekspertlar forumi bo‘lib o‘tdi. Joriy yilda "Markaziy Osiyo- ishonch, xavfsizlik va barqaror taraqqiyotning umumiy makoni" mavzusidagi forum Markaziy Osiyo va undan tashqarida mintaqaviy muloqot va hamkorlikni muhokama qilish uchun 100 dan ortiq ekspertlar, hokimiyat vakillari va diplomatlarni to‘pladi. Forum doirasida mintaqaviy iqtisodiy integratsiya, barqaror rivojlanish va mintaqaviy o‘ziga xoslikni shakllantirish masalalariga bag‘ishlangan- sessiyalari bo‘lib o‘tdi. Akademik va tahliliy markazlarning mustaqil xalqaro ekspertlari YXHTga a’zo boshqa davlatlarning muvaffaqiyatli mintaqaviy hamkorligi misollarini taqdim etdilar. "Forum bizga xavfsizlik va ishonch muloqot orqali qurilishini eslatib turadi. Ushbu tamoyil bundan aniq 50 yil muqaddam Xelsinki Yakunlovchi hujjati imzolanganidan buyon YXHT faoliyatining asosini tashkil etib kelmoqda. Ishonch bir zumda paydo bo‘lmaydi- u izchil, shaffof va inklyuziv o‘zaro ta’sir tufayli shakllanadi. Aynan shuning uchun Markaziy Osiyoning barcha mamlakatlari, shuningdek, xalqaro hamkorlar vakillari yuzma-yuz uchrashishi mumkin bo‘lgan bunday uchrashuvlar juda muhim ahamiyatga ega,"- dedi YXHTning O‘zbekistondagi loyihalari Koordinatori, elchi Antti Kartunen o‘zining kirish so‘zida. Forum O‘zbekiston Respublikasi Prezidenti huzuridagi Strategik va mintaqalararo tadqiqotlar instituti tomonidan tashkil etildi. Tadbir YXHTning O‘zbekistondagi loyihalar Koordinatori va boshqa xalqaro tashkilotlar ko‘magida tashkil etildi.

2025-yil 29–30-iyul kunlari Toshkent viloyatida YXHTning O‘zbekistondagi loyihalar Koordinatori Xalqaro ochiq ma’lumotlar xartiyasi (Open Data Charter, ODC) bilan birgalikda va Milliy statistika qo‘mitasi hamkorligida ikki kunlik seminar tashkil etildi. Tadbir O‘zbekiston davlat tashkilotlari xodimlarining ochiq va genderga oid ma’lumotlaridan foydalanish bo‘yicha salohiyatini oshirishga qaratildi. Seminar vazirliklar, davlat tuzilmalari va korxonalarning tegishli mutaxassislarini ochiq ma’lumotlar asosli qarorlar qabul qilish, shaffoflik va tarmoqlararo hamkorlikni mustahkamlashga qanday hissa qo‘shishi mumkinligi bilan bog‘liq dolzarb masalalarni muhokama qilish uchun birlashtirdi. Inklyuziv davlat siyosatini shakllantirish va xalqaro majburiyatlarga erishishda gender ma’lumotlarining roliga alohida e’tibor qaratildi. Tadbir O‘zbekistonning ma’lumotlarni boshqarishni takomillashtirish bo‘yicha sa’y-harakatlarining bir qismi bo‘lib, kasbiy ko‘nikmalar va institutsional salohiyatni rivojlantirishga hissa qo‘shdi, bu esa kelajakda mamlakatning tegishli xalqaro reytinglardagi o‘rnini yaxshilashga yordam beradi. Ishtirokchilar mavjud ma’lumotlar to‘plamlarini xaritalash, yetishmayotgan ma’lumotlarni aniqlash va ma’lumotlarga asoslangan qarorlar qabul qilish samaradorligini oshirish uchun manfaatdor tomonlar o‘rtasidagi hamkorlikni rivojlantirish masalalarini muhokama qildilar. Xalqaro ochiq ma’lumotlar xartiyasi tadqiqotlar direktori Renato Berrino ta’kidlaganidek: "Ishonchli ma’lumotlarni boshqarish tizimi nafaqat texnologiyalarni talab qiladi- u hamkorlik va umumiy ustuvorliklarga asoslanadi. O‘zbekiston ochiqlik tamoyillariga o‘sib borayotgan sodiqligini namoyish etmoqda va ushbu seminar manfaatdor tomonlarning o‘zaro hamkorligi, muammolarni aniqlash va inklyuziv, asosli siyosat vositasi sifatida ochiq va gender ma’lumotlaridan foydalanishni rag‘batlantirish uchun platformaga aylandi." Seminar YXHTning samarali boshqaruv sohasidagi islohotlarni amalga oshirish uchun milliy salohiyatni rivojlantirishga qaratilgan loyihasi doirasida tashkil etildi.

Yevropada Xavfsizlik va Hamkorlik Tashkilotining (YXHT) O‘zbekistondagi Loyihalar Koordinatori hamda O‘zbekiston Respublikasi Oliy sudi hamkorligida Farg‘ona va Samarqand shaharlarida sud va huquqiy jarayonlarni yoritish bo‘yicha o‘quv kurslari tashkil etildi. Mazkur treninglarda mamlakatning turli hududlaridan — Andijon, Buxoro, Jizzax, Navoiy, Namangan, Samarqand va Farg‘ona viloyatlaridan kelgan 60 dan ortiq jurnalist, bloger va sud xodimlari ishtirok etdi. Ikki kunlik seminarlar 2025-yil 21–22 iyul kunlari Farg‘onada, 24–25 iyul kunlari esa Samarqandda bo‘lib o‘tdi. Tadbirda Oliy sud va viloyat sudlari vakillari ham qatnashdi. Treninglar xalqaro jurnalistika bo‘yicha ikki nafar tajribali mutaxassis tomonidan olib borildi. Unda sud jarayonlarini aniqlik, xolislik va mas’uliyat bilan yoritish, bu borada xalqaro standartlar, milliy qonunchilik va ilg‘or tajribalarga rioya etish masalalari muhokama qilindi. Ma’ruza, amaliy topshiriqlar va guruhiy mashg‘ulotlar orqali ishtirokchilar O‘zbekiston sud tizimi, sud materiallarini yoritishdagi axloqiy va huquqiy me’yorlar, shuningdek, huquqiy axborotni yig‘ish va tahlil qilish bo‘yicha bilim va ko‘nikmalarini mustahkamladi.

2025-yil 17-18-iyul kunlari Tojikistonning Xo‘jand shahrida Yevropa Xavfsizlik va Hamkorlik Tashkiloti (YXHT) Birlashgan Millatlar Tashkiloti Taraqqiyot Dasturi (BMTTD) bilan hamkorlikda va Yevropa Ittifoqining moliyaviy ko‘magi bilan «Markaziy Osiyoda uran merosi bilan bog‘liq muammolarni xal qilishda manfaatdor tomonlarni jalb etish» loihasi (III bosqich) doirasida rеgional muvofiqlashtirish yig‘ilishi o‘tkazdi. Tadbir Qirg‘iziston, Tojikiston va O‘zbekistonning Orxus Konventsiyasi markazlari hamda asosiy manfaatdor tomonlari ishtirokida mintaqaviy hamkorlikni mustahkamlash va uran merosi bilan bog‘liq xavflarni bartaraf etishda odamlar ehtiyojlariga yo‘naltirilgan yechimlarni joriy etishga qaratildi. «Loyihamiz — xalqaro tashkilotlar, milliy idoralar, ekspertlar jamoasi va eng muhimi, fuqarolarning o‘zlari o‘rtasidagi barqaror hamkorlikning noyob namunasi», — dedi YXHT Bishkekdagi Dastur ofisi rahbari, elchi Aleksey Rogov. Tadbir davomida Orxus Konventsiyasi markazlari va shunga o‘xshash tashkilotlar Qirg‘iziston, Tojikiston va O‘zbekiston o‘rtasida birinchi uch tomonlama hamkorlik memorandumi va 2025–2027-yillar uchun Harakatlar rejasi imzolandi. Bu uran merosini bartaraf etishda mintaqaviy hamkorlikni yanada tizimli qilish, shuningdek, zarar ko‘rgan hududlarning ijtimoiy va iqtisodiy rivojlanishini qo‘llab-quvvatlash yo‘lini ochadi. Orxus Konventsiyasi markazlari fuqarolar, davlat organlari va xususiy sektorni atrof-muhit muhofazasi bo‘yicha muloqotga jalb qiluvchi platforma vazifasini bajaradi. «Bugungi kunda Orxus Konventsiyasi markazlari o‘rtasida 2025–2027-yillarga mo‘ljallangan hamkorlik memorandumi va harakatlar rejasining imzolanishi yanada muvofiqlashtirilgan va uzoq muddatli hamkorlik uchun muhim qadamdir. Bunday tashabbuslar mintaqaning barqaror rivojlanishi uchun mustahkam poydevor yaratadi, deb ishonaman», — dedi YXHT Dushanbedagi Dastur ofisi vakili Tatiana Turkan. Yig‘ilish Qirg‘izistondagi Osh shahridagi, Tojikistondagi Xo‘jand shahridagi Orxus Konventsiyasi markazlari va O‘zbekistondagi Sport va ekologik turizm federatsiyasi faoliyatini tahlil qilish uchun ham platforma vazifasini bajardi. Radiatsion xavfsizlik uchun ma'sul milliy organlar vakillari, YXHTning mintaqadagi idoralari, O‘zbekistondagi Yevropa Ittifoqi delegatsiyasi va fuqarolik jamiyati a’zolari erishilgan yutuqlarni muhokama qildilar, muvofiqlashtirish mexanizmlarini kelishib oldilar va umumiy maqsadlarni tasdiqladilar. Yig‘ilish dasturi joylardagi tashriflar va ekologik xavfsizlik, yashil infratuzilma va jamoat darajasidagi tashabbuslar bo‘yicha tajriba almashuviga imkoniyat yaratib berdi. «Loyihamiz ishtirokchilari umumiy manfaatlarga ega. Biz Markaziy Osiyo xalqlarining xavfsizligi, yaxshi qo‘shnichilik va barqaror kelajagi uchun birgalikda harakat qilamiz», — dedi YXHT O‘zbekistondagi loyihalar koordinatorining iqtisodiy va ekologik yo'nalishdagi loyihalar bo'yicha katta maslahatchisi doktor Zilke Klyover. «Markaziy Osiyoda uran merosi bilan bog‘liq ekologik va ijtimoiy-iqtisodiy muammolar davlat chegaralaridan tashkariga chiqadi. Orxus Konventsiyasi markazlari o‘rtasidagi hamkorlik memorandumi umumiy yechimlar izlash va joriy etishga qaratilgan yana bir muhim qadamdir. Biz ushbu tashabbusga moliyaviy ko‘mak ko‘rsatishimizdan faxrlanamiz va Markaziy Osiyo davlatlari bilan Yevropa Ittifoqi o‘rtasida yaqin hamkorlikni kuzatmoqdamiz», — dedi O‘zbekistondagi Yevropa Ittifoqi delegatsiyasi hamkorlik bo‘limi rahbari Vim Riepma. Koordinatsion yig‘ilishi YXHT Iqtisodiy va ekologik bo‘limi tomonidan Dushanbe, Bishkek va Toshkentdagi YXHT idoralari bilan hamkorlikda tashkil etilib, O‘zbekistondagi Yevropa Ittifoqi delegatsiyasi ishtirokida bo‘lib o‘tdi. YXHT va BMTTD tomonidan Yevropa Ittifoqining moliyaviy ko‘magi bilan amalga oshirilayotgan «Markaziy Osiyoda uran merosi bilan bog‘liq muammolarni xal qilishda manfaatdor tomonlarni jalb etish» loyihasi (III bosqich) uran obyektlari bilan bog‘liq ekologik va ijtimoiy-iqtisodiy xavflarni kamaytirishga, inkluziv muloqot, jamoatchilik ishtiroki va zaif jamoalarning barqaror rivojlanishini ta’minlashga qaratilgan. Ushbu qo‘shma tashabbus uran xavflarini kamaytirish bo‘yicha ilgari amalga oshirilgan sa’y-harakatlarga, inklyuziv rivojlanish va jamoatchilikni jalb qilishga asoslangan.

Elektron hukumatdan tortib raqamli davlat xizmatlarigacha bo‘lgan jarayonlarda O‘zbekiston raqamlashtirish yo‘lida barqaror taraqqiyot ko‘rsatmoqda. Biroq raqamli transformatsiyani mustahkam kiberxavfsizliksiz amalga oshirib bo’lmaydi. Shu munosabat bilan, 14 iyuldan 21 avgustgacha Yevropada xavfsizlik va hamkorlik tashkiloti (YXHT)ning O‘zbekistondagi loyiha Koordinatori Raqamli texnologiyalar vazirligi hamda Noventiq Education o‘quv markazi bilan hamkorlikda davlat organlarida axborot xavfsizligi sohasi bo’yicha ma’sul 70 nafar mutaxassis uchun treninglar o‘tkazmoqda. Ushbu tadbirlar O‘zbekiston Respublikasi Prezidentining “Axborot texnologiyalari yordamida sodir etiladigan jinoyatlarga qarshi kurashish faoliyatini yanada kuchaytirishga qaratilgan chora-tadbirlar to‘g‘risida”gi Qarorida belgilangan vazifalarning amalga oshirilishiga ko‘maklashadi. Trening dasturi kiberhimoyaning uchta asosiy yo‘nalishini qamrab oladi: Etik xakking: yovuz niyatlilar qanday fikrlaydi va ularga qanday qarshi kurashish kerak. Ishtirokchilar xakerlik hujumlari usullarini chuqur o‘rganib, real xavfli vaziyatlarni modellashtirish orqali zaifliklarni aniqlash bo‘yicha amaliy ko‘nikmalarni egallaydilar. Linux xavfsizligi: dunyo serverlarining 90 foizdan ortig‘i Linux platformasida ishlaydi, jumladan web-serverlar, ma’lumotlar bazalari, korporativ va davlat tizimlari. Trening tizim xavfsizligini sozlash, kirish nazorati, jurnal yuritish hamda Linux muhitidagi tipik tahdidlarni qamrab oladi. Windows Server Security: server infratuzilmasining barqarorligini ta’minlash. Ishtirokchilar serverlarni ichki va tashqi tahdidlardan himoya qilish, xavfsizlik sozlamalari, monitoring va raqamli hujumlarni oldini olish bo‘yicha amaliy bilimlarga ega bo‘ladilar. Bu yo‘nalishlar tasodifan tanlanmagan: aynan shu yo‘nalishlar zamonaviy raqamli servislar quriladigan IT manzarasining asosini tashkil etadi. “Bugungi raqamli tahdidlarga samarali javob berish uchun mutaxassislar nafaqat nazariy bilimlarga, balki amaliy ko‘nikmalarga ham ega bo‘lishlari zarur. Bunday treninglar real hayotiy vaziyatlarga tayyorlanish imkonini yaratadi. Bu raqamli infratuzilmaning barqarorligi va xavfsizligini saqlab qolish uchun muhim bir qadamdir.” – YXHT O‘zbekistondagi loyihalari Koordinatorining vazifasini bajaruvchi Sergei Sizov ta’kidladi. O‘tkazilayotgan treninglar YXHT tomonidan kiberjinoyatchilikka qarshi kurashish va raqamli ma’lumotlarni himoya qilish bo‘yicha milliy salohiyatni oshirishga qaratilgan keng ko‘lamli tashabbusning bir qismidir. Ushbu o‘quv tadbirlari YXHTning “Kiber tahdidlar va axborot-kommunikatsiya texnologiyalari sohasidagi tahdidlarga qarshi kurashishda milliy salohiyatni rivojlantirish” loyihasi doirasida amalga oshirilmoqda. Tashabbus davlat idoralarining professional malakasini oshirish, shuningdek, xalqaro standartlar va ilg‘or xorijiy tajribalarni joriy etishga qaratilgan. Shu tariqa, treninglar axborot xavfsizligi sohasida milliy salohiyatni mustahkamlashga yo‘naltirilgan tizimli ishlarning bir qismiga aylandi hamda mutaxassislarni zamonaviy raqamli tahdidlarga tayyorlashni ta’minlamoqda.

2025-yil 14–15 aprel YXHT konferensiya zali, Toshkent Bugun O‘zbekistonda sud tizimi vakillari uchun mo‘ljallangan “Kiberjinoyatlar: aniqlashdan sud hukmiga qadar” mavzusidagi birinchi milliy o‘quv kursining ochilishi bo‘lib o‘tdi. Mazkur o‘quv mashg‘ulotida kiberjinoyatchilik bo‘yicha xalqaro va milliy huquqiy asoslar, taqqoslovchi sud amaliyoti va xorijiy sud qarorlari, kiberjinoyatlarni to‘g‘ri malakalash va jinoiy javobgarlikka tortishdagi qiyinchiliklar, elektron dalillarni to‘plash va ularning isbot sifatida qabul qilinishi kabi mavzular muhokama qilinmoqda. Mazkur tadbir YXHTning O‘zbekistondagi Loyihalar Koordinatori tomonidan tashkil etilib, sud tizimining salohiyatini oshirish hamda raqamli tahdidlar sharoitida samarali va huquqiy me’yorlarga asoslangan odil sudlovni ilgari surishga qaratilgan. Ochilish marosimida YXHTning O‘zbekistondagi Loyihalar Koordinatori, elchi Antti Karttunen kiberjinoyatchilik tahdidining ortib borayotganini qayd etib, raqamli davrda muvozanatli va adolatli sud amaliyotini shakllantirishda sudyalar ishtirokining muhimligini ta’kidladi.