ԵԱՀԿ գրասենյակն աջակցում է կոռուպցիայի դեմ պայքարի միջազգային օրվան նվիրված մրցանակաբաշխությանը

ԵԱՀԿ երևանյան գրասենյակն՝ իր գործընկերների հետ համագործակցությամբ,  2015թ. դեկտեմբերի 9-ին կոռուպցիայի դեմ պայքարի միջազգային օրվա կապակցությամբ աջակցել է ամենամյա մրցանակաբաշխությանը՝ լրատվամիջոցների, գործարար համայնքի ներկայացուցիչներին և քաղաքացիական ակտիվիստներին գնահատանքն արտահայտելու կոռուպցիայի դեմ պայքարում  ջանքերի համար, ինչպես նաև իրավունքի գերակայությանը, արդարադատության մատչելիությանն ու հաշվետվողականությանը նպաստելու համար:  Պարգևատրվողներին պատվեցին նաև իրավական համակարգը հաջողությամբ գործադրելու համար՝ իրենց աշխատակիցների ու սպառողների նկատմամբ գործարար համայնքին ու ընկերություններին հաշվետու լինելու ուղղությամբ:

Մրցանակաբաշխությունը կազմակերպվել էր Հայաստանի երիտասարդ իրավաբանների ասոցիացիայի և Քաղաքացիական հասարակության կազմակերպությունների հակակոռուպցիոն կոալիցիայի կողմից՝  ԵԱՀԿ գրասենյակի, ՀՀ արդարադատության նախարարության և Հայաստանում Եվրոպական միության պատվիրակության աջակցությամբ:

«ԵԱՀԿ երևանյան գրասենյակը մեծ կարևորություն է տալիս հակակոռուպցիոն բարեփոխումների իրականացմանը, որոնք ուղղված են արդյունավետ կառավարման խթանմանն ու ամրապնդմանը Հայաստանում», - ասաց ԵԱՀԿ երևանյան գրասենյակի ղեկավար Անդրեյ Սորոկինը. «Մենք հույս ունենք, որ պետության, քաղաքացիական հասարակության և միջազգային հանրության համատեղ ջանքերով՝ կոռուպցիայի նվազեցման գործընթացում շոշափելի արդյունքների կհասնենք»:

Տեղի քիմիական ընկերության նախկին աշխատակից Հայկանուշ Թութունջյանը ճանաչվեց  «տարվա քաղաքացի»՝ դատական գործում իր իրավունքները հաջողոթյամբ պաշտպանելու համար. «Երիտասարդ իրավաբանների ասոցիացիայի»  աջակցությամբ՝ նա շահեց իր աշխատավարձի և փոխհատուցման դատական հայցը:

Ուսանողուհի Անի Սամսոնյանն արժանացավ «տարվա երիտասարդ քաղաքացի» մրցանակին՝ իր սոցիալական մեդիա - տեսանյութի համար, որում բարձրաձայնում էր կոռուպցիայի խնդիրները:

«Սիվիլնեթ» լրատվամիջոցը ճանաչվեց «քո գրպանից» առցանց ծրագրի շրջանակներում պետական բյուջեի ծախսերն ու կոռուպցիոն ռիսկերն ակտիվ լուսաբանելու համար:

Ժամանակավոր անաշխատունակ ճանաչված անձանց իրավունքների պաշտպանության քաղաքացիական նախաձեռնությունը  պարգևատրվեց՝ հաջողությամբ պաշտպանելու կանանց  մայրական՝ նախածննդյան խնամք և ծննդաբերության արձակուրդ  ստանալու  իրավունքները:

 «Գրին բին»  սննդի ընկերությունը և «Առավոտ» օրաթերթի լրագրող Նելլի Բաբայանը մրցանակ ստացան՝ բիզնեսում  կոռուպցիոն ռիսկերը և խոչընդոտները բացահայտելու համար:

Մրցանակները հանձնեցին՝  դեսպան Սորոկինը,  արդարադատության փոխնախարար Սուրեն Քրմոյանը, Մեծ Բրիտանիայի դեսպան Ջուդիթ Մարգարեթ Ֆարնվորֆը, Եվրոպական միության պատվիրակության համագործակցության բաժնի ղեկավարի տեղակալ Խոսե-Մարիա Մեդինա-Նավառոն, և քաղաքացիական հասարակության կազմակերպությունների հակակոռուպցիոն կոալիցիայի համակարգող և Հայաստանի երիտասարդ իրավաբանների ասոցիացիայի նախագահ Կարեն Զադոյանը: