Kushtet e përdorimit për faqet e mediave sociale të OSBE-së

Terminologjia

“Faqet e medias sociale” përdoret në këtë tekst duke iu referuar profileve zyrtare të OSBE-së në mediat sociale dhe rrjetet sociale, përfshi, por jo kufizuar në Facebook, Twitter, YouTube, Google+, Instagram dhe SoundCloud.

Qëllimi

Qëllimi i faqeve të medias sociale të OSBE-së është të arrijë një audiencë sa më të gjërë lidhur me punën dhe aktivitetet e OSBE-së në mbarë botën në apo përtej rajonit ku vepron OSBE. Për ngjarjet dhe aktivitetet lokale, ju lutem ndiqni mediat sociale të Misioneve në vendet përkatëse si dhe webpfaqen e OSBE-së.

Politika e privatësisë

Duke përdorur mediat sociale dhe këtë faqe, ju pranoni praktikat e përshkruara për mediat sociale përkatëse të cekura nën “Politika e privatësisë”. Më tepër informata për politikat e privatësisë së mediave sociale mund të gjendet këtu:

Siguria

Pjesëmarrja në faqen e mediave sociale të OSBE-së është vullnetare. Ju jeni përgjegjës për mirëmbajtjen e privatësisë së regjistrimit tuaj dhe jeni plotësisht përgjegjës për gjitha aktivitetet gjatë regjistrimit tuaj. Ju jeni dakord të njoftoni menjëherë median përkatëse sociale nga çfarëdo keqpërdorimi i regjistrimit apo llogarisë suaj ose çfarëdo shkelje të sigurisë, si dhe të siguroheni se jeni çregjistruar nga llogaria juaj. OSBE nuk mund të jetë përgjegjës për çfarëdo humbje apo dëmtimi nga dështimi juaj në përputhje me këtë pjesë.

Sjellja e anëtarëve

Duhet të kuptoni se të gjitha informacionet, të dhënat, mesazhet apo materialet tjera (“Përmbajtje”), pavarësisht nëse janë të postuar në mënyrë publike apo private, janë vetëm përgjegjësia e personit që i ka shkruar. Kjo do të thotë se ju, dhe jo OSBE, jeni plotësisht përgjegjës për të gjitha përmbajtjet që i postoni, dërgoni nëpërmjet postës elektronike, transmetoni apo mundësoni në mënyrë tjetër nëpërmjet faqes së mediave sociale të OSBE-së. OSBE nuk i kontrollon përmbajtjet e krijuara nga përdoruesit tjerë dhe të postuara në këtë faqe, përveç në raste të përshkruara më poshtë, dhe në këtë mënyrë nuk garanton saktësinë, integritetin ose cilësinë e përmbajtjes së tillë. Duhet të kuptoni se duke përdorur faqet e mediave sociale të OSBE-së, mund të ekspozoheni në përmbajtje ofenduese, të pahijshme ose të pakëndshme. OSBE në asnjë mënyrë nuk do të jetë përgjegjës për asnjë përmbajtje, përfshi, por jo i kufizuar në, çfarëdolloj gabimesh apo lëshimesh në të gjitha përmbajtjet, ose për çfarëdolloj humbjesh ose dëmesh të pësuara si rezultat nga përdorimi i ndonjë përmbajtjeje të postuar, dërguar nëpërmjet postës elektronike, transmetuar apo mundësuar në mënyrë tjetër nëpërmjet faqeve të mediave sociale të OSBE-së.   Ju pajtoheni të mos përdorni faqen e mediave sociale të OSBE-së:
  • për të postuar, dërguar nëpërmjet postës elektronike, transmetuar ose duke mundësuar në mënyrë tjetër përmbajtje e cila është e paligjshme, e dëmshme, kërcënuese, abuzive, ngacmuese, torturuese, ofenduese, vulgare, pahijshme, shpifëse, ndërhyrëse në intimitetin e tjetërkujt, urrejtëse, rasore, etnike ose ofenduese në ndonjë mënyrë tjetër;
  • për të penguar rrjedhën normale të dialogut ose për të vepruar në mënyrë tjetër që ndikon negativisht në mundësinë e përdoruesit tjetër për t’ju bashkuar këmbimit të informacioneve
  • për të dëmtuar të miturit në çdolloj aspekti;
  • për tu shtirur si ndonjë person apo subjekt tjetër;
  • për të postuar, dërguar nëpërmjet postës elektronike, transmetuar ose mundësuar në mënyrë tjetër përmbajtje për të cilën nuk gëzoni të drejtën për ta publikuar sipas të gjitha ligjeve ose marrëdhënieve kontraktore ose në mirëbesim (siç janë informata të brendshme, informacione të patentuara apo të dhëna sekrete të fituara ose të zbuluara si pjesë e marrëdhënieve të punës ose të marrëveshjeve në mirëbesim);
  • për të postuar, dërguar nëpërmjet postës elektronike, transmetuar ose mundësuar në mënyrë tjetër përmbajtje e cila shkel çdolloj patentë, markë tregtare, sekret tregtar, të drejtat autoriale ose të drejta tjera pronësie (“Të drejta”) të çdo pale;
  • për të postuar, dërguar nëpërmjet postës elektronike, transmetuar ose mundësuar në mënyrë tjetër çdo lloj reklamimi të palejuar ose paautorizuar, materiale promovuese, “junk mail”, “spam”, “letra të dërguara si pjesë e ndonjë zinxhiri”, “skema piramidore”, ose çfarëdo formë tjetër të ngjashme;
  • për të postuar, dërguar nëpërmjet postës elektronike, transmetuar ose mundësuar në mënyrë tjetër çfarëdo materiali që përmban viruse të softuerit ose kode tjera kompjuterike, dosje ose programe të dizajnuara që të ndërpresin, shkatërrojnë ose kufizojnë funksionalitetin e çdo softueri dhe hardueri kompjuterik ose pajisjeje telekomunikuese;
  • për të falsifikuar arkitra apo manipuluar në mënyrë tjetër me identifikuesit për të maskuar origjinën e ndonjë përmbajtjeje të transmetuar nëpërmjet faqes;
  • qëllimisht apo padashur për të shkeluri ndonjë ligj të zbatueshëm lokal, shtetëror, nacional ose ndërkombëtar
  • për të ndjekur ose përndryshe ngacmoni një tjetër; ose
  • për të mbledhur apo ruajtur të dhënat personale në lidhje me përdoruesit e tjerë.
Ju pranoni se OSBE nuk skanon të gjithë përmbajtjen e përdoruesve, por se OSBE dhe të emëruarit e saj mund të kenë të drejtën (por jo edhe obligimin) të redaktojnë, refuzojnë, ose të largojnë ndonjë përmbajtje e cila është në dispozicion nëpërmjet faqeve të mediave sociale të OSBE-së. Pa kufizuar si më sipër, OSBE dhe të emëruarit e saj do të kenë të drejtën të heqin çdo përmbajtje nga përdoruesi që shkel “Kushtet e përdorimit” ose nëse kjo përmbajtje është e pakëndshme në një mënyrë tjetër. Ju pranoni se duhet të vlerësoni dhe mbani të gjitha rreziqet që lidhen me përdorimin e çdo përmbajtjeje të përdoruesve, përfshi çfarëdo besimi në saktësinë, plotësinë apo dobishmërinë e përmbajtjes së tillë.

 

Ju pranoni dhe bini dakord se OSBE mund të ruaj përmbajtje nga përdorues dhe gjithashtu mund të zbulojë përmbajtje të tillë nëse kjo kërkohet me ligj ose në mirëbesim, duke besuar se ruajtja apo zbulimi i tillë është e nevojshme për të: (a) respektuar procesin ligjor; (b) për të zbatuar “kushtet e përdorimit”; (c) për t’iu përgjigjur pretendimeve se çdo përmbajtje shkel të drejtat e palëve të treta; ose (d) për të mbrojtur të drejtat, pronën, ose sigurinë personale të OSBE-së, përdoruesve të vet dhe të publikut.

 

Ju e kuptoni se përpunimi teknik dhe transmetimi i faqeve të mediave sociale të OSBE-së, përfshi edhe përmbajtjen tuaj, mund të përfshijë (a) transmetimet mbi rrjete të ndryshme; dhe (b) ndryshimet në përputhje dhe përshtatje me kërkesat teknike të rrjeteve të lidhura ose pajisjeve.

Paralajmërimet e veçanta për përdorim ndërkombëtar

Duke njohur natyrën globale të internetit, ju duhet të respektoni të gjitha rregullat lokale lidhur me sjelljen në internet dhe përmbajtjen e pranueshme. Në mënyrë specifike, ju pranoni të respektoni të gjitha ligjet në fuqi lidhur me transmetimin e të dhënave teknike që dalin nga vendi në të cilin qëndroni. 

Përmbajtja e dorëzuar ose vënë në dispozicion për përfshirje në faqet

OSBE nuk pretendon pronësinë e përmbajtjes që ju paraqisni apo keni vënë në dispozicion për përfshirje në faqet e mediave sociale të OSBE-së. OSBE pretendon pronësinë vetëm mbi përmbajtjen e krijuar nga OSBE për inkuadrim në faqet e mediave sociale të OSBE-së. Ajo nuk ka përgjegjësi për përfshirjen e linqeve (lidhjeve) nga ana e personave të tretë apo përmbajtjes siç janë artikujt.

Zhdëmtimi

Ju pranoni të zhdëmtoni dhe mbani të padëmshëm OSBE-në dhe bashkëpunëtorët e saj, zyrtarët, agjentët, ose partnerët tjerë, si dhe të punësuarit, nga çdo pretendim apo kërkesë, përfshi edhe pagesat e arsyeshme të avokatëve , të bëra nga ndonjë palë e tretë për shkak ose si rezultat i përmbajtjes që paraqitni, postoni, transmetoni ose keni vënë në dispozicion nëpërmjet faqeve të mediave sociale të OSBE-së, si dhe për përdorimin tuaj të faqeve, lidhjen (linkun) tuaj në faqet, shkeljen tuaj të “kushteve të përdorimit”, ose shkeljen nga ana juaj e të drejtave të tjetrit.

Praktikat e përgjithshme lidhur me përdorimin dhe ruajtjen

Ju pranoni se OSBE mund të krijojë praktika të përgjithshme dhe kufizime lidhur me përdorimin e faqeve të mediave sociale të OSBE-së, përfshi pa kufizim numrin maksimal të ditëve që postimi i mesazheve apo përmbajtjeve tjera do të ruhet nga faqja, si dhe numrin maksimal të kohës ( dhe kohëzgjatjen maksimale) brenda së cilës ju mund të hyni në faqet në një periudhë të caktuar kohore. Ju pranoni që OSBE nuk ka asnjë përgjegjësi ose detyrim për fshirjen apo dështimin për të ruajtur ndonjë mesazh, komunikim, apo përmbajtje tjera të transmetuara nga faqet e mediave sociale të OSBE-së. Ju më tej pranoni se OSBE rezervon të drejtën për të ndryshuar këto praktika të përgjithshme dhe kufizimet në çdo kohë, sipas gjykimit të vet.

Ndryshimet gjatë shërbimit

OSBE rezervon të drejtën për të modifikuar ose ndërprerë, përkohësisht ose përgjithmonë, faqet e mediave sociale të OSBE-së (ose ndonjë pjesë të tyre). Ju pranoni që OSBE nuk do të jetë përgjegjës për ju ose ndonjë palë të tretë për çdo modifikim, pezullim, ose ndërprerje të faqeve.

Përfundimi

Ju pranoni që OSBE, sipas gjykimit të vet, mund të përfundojë qasjen tuaj në faqet dhe të heq dhe përjashtojë çdo material brenda faqeve, për çfarëdo arsye, pa kufizim, për shkak të mungesës së përdorimit ose nëse OSBE beson se ju keni shkelur ose keni vepruar në mospërputhshmëri me tekstin apo frymën e “Kushteve për përdorim”. OSBE gjithashtu mund sipas gjykimit të vet dhe në çfarëdo kohë të ndërpresë furnizimin e faqeve, ose ndonjë pjesë të tyre. Ju pranoni që çdo ndërprerje e qasjes suaj në faqet sipas çfarëdo dispozite të “Kushteve për përdorim” mund të kryhet pa njoftim paraprak, dhe po ashtu pranoni dhe pajtoheni që OSBE mund të pezullojë menjëherë qasjen tuaj në këto faqe. Për më tepër, ju pranoni se OSBE nuk do të jetë përgjegjës për ju ose ndonjë palë të tretë për çdo ndërprerje të qasjes suaj në faqet e mediave sociale të OSBE-së.

Lidhjet

Faqet e mediave sociale të OSBE-së mund të ofrojnë, por edhe palët e treta mund të ofrojnë lidhje (link) të faqeve tjera të internetit apo burimeve tjera. Ju pranoni dhe bini dakord se OSBE nuk është përgjegjës për dispozicionin web-faqeve ose të burimeve të tilla të jashtme, si dhe nuk miraton dhe nuk është përgjegjës për çdo përmbajtje, reklama, produkte ose materiale tjera në dispozicion nga faqet ose burimet e tilla. Ju më tej pranoni dhe pajtohen që OSBE nuk do të jetë përgjegjës, drejtpërdrejt ose tërthorazi, për çdo dëm ose humbje të shkaktuar ose lidhur me përdorimin ose mbështetjen e çfarëdo përmbajtjeje të tillë, sende ose shërbime në dispozicion përmes ndonjë web-faqe apo burimeve të ngjashme. Mediat sociale mund të përmbajë lidhje me faqet tjera të internetit. OSBE nuk është përgjegjës për praktikat e privatësisë të faqeve tjera. Ju inkurajoheni të jeni të vetëdijshëm që kur largoheni nga faqja jonë të lexoni deklaratat e privatësisë së secilës web-faqe që mbledh informacion personalisht të identifikueshme. Kjo politikë e privatësisë vlen vetëm për informacionin e mbledhur nga mediat sociale, në të cilën OSBE është aktive.

Gjuha angleze

Për të siguruar që anëtarët i përmbahen “kushteve të përdorimit”, gjuha e faqeve të mediave sociale të OSBE-së është gjuha angleze. OSBE ose të emëruarit e saj mund të mos kenë burimet e nevojshme për t'iu përgjigjur përmbajtje të postuara në gjuhë tjera përveç gjuhës angleze.

Kushtet e përdorimit, Njoftimet dhe Rishikimet

Ne rezervojmë të drejtën për të ndryshuar politikën e privatësisë dhe “kushtet e përdorimit” në çdo kohë. Ju inkurajojmë që t’i referoheni kësaj politike në mënyrë të vazhdueshme në mënyrë që të kuptoni politikën tonë aktuale të privatësisë.

Kontaktimi me OSBE-në

Nëse keni ndonjë pyetje lidhur me këtë politikë të privatësisë, ju lutem kontaktoni drejtuesin përkatës të faqeve të mediave të OSBE-së.