Redaksia e lajmeve
News and press releases
Lajme dhe deklarata për shtyp nga veprimtaritë globale të OSBE-së
Gjyqësori i Kosovës t'i trajtojë lëndët e krimit të organizuar dhe korrupsionit në mënyrë më efektive, thotë raporti i OSBE-së
Publishing date: 5 qershor 2024
Content type: Komunikatat për shtyp
Where we are: Misioni i OSBE-së në Kosovë
What we do: Sundimi i ligjit
PRISHTINË, 5 qershor 2024- Misioni i OSBE-së prezantoi raportin “Nga teoria në praktikë: Vlerësim i efektivitetit të reagimit të gjyqësorit ndaj krimit të rëndë të organizuar dhe korrupsionit në Ballkanin Perëndimor” që analizon sistemin e drejtësisë në Kosovë, pjesë e një projekti rajonal të OSBE-së të realizuar me mbështetje financiare të BE-së.
Misioni i OSBE-së mbështet Akademinë e Kosovës për Siguri Publike të përmirësoj resurset për sigurim të cilësisë
Publishing date: 1 qershor 2024
Content type: News
Where we are: Misioni i OSBE-së në Kosovë
Misioni i OSBE-së mbështeti një delegacion prej gjashtë zyrtarësh të lartë të Akademisë së Kosovës për Siguri Publike (AKSP) dhe agjencive të saj në realizimin e një vizite në Akademinë e Drejtësisë së Karolinës Veriore (NCJA) në Shtetet e Bashkuara të Amerikës nga 27 maji deri më 1 qershor 2024. Vizita u realizua në suazat e përpjekjeve të vazhdueshme të Misionit për ta mbështetur AKSP-në në ngritjen e komisionit të përbashkët për sigurim të cilësisë, i cili do të sigurojë cilësinë e programeve të trajnimit të AKSP-së dhe do t’i adresojë rekomandimet që dalin nga Raporti i vlerësimit i OSBE-së për AKSP-në për vitin 2023. Duke u bazuar në njohuritë dhe përvojën e fituar gjatë kësaj vizite, AKSP do të fillojë së shpejti me hartimin e procedurave standarde të veprimit për krijimin e Komisionit të Përbashkët për Sigurim të Cilësisë. Në NCJA, delegacioni u njoftua me modalitetet më të fundit që do të ndihmonin në adresimin e rekomandimeve të dhëna nga Autoriteti i Kualifikimeve i Kosovës dhe Asociacioni Ndërkombëtar i Drejtorëve për Standarde dhe Trajnime për Zbatimin e Ligjit (IADLEST), i cili e ka akredituar NCJA-në edhe AKPS-në. IADLEST ka akredituar AKSP-në dhe programet e trajnimit profesional të agjencive të saj të sigurisë publike në vitin 2018 dhe 2021, ndërsa procesi i radhës i akreditimit pritet të fillojë në gusht 2024. "Fitimi i njohurive rreth praktikave më të mira dhe standardeve më të larta ndërkombëtare në lidhje me sigurimin e cilësisë në trajnimet për sigurinë publike, me theks të veçantë në trajnimin bazë për zbatim të ligjit, na ndihmon shumë,” tha Avni Istrefi, Udhëheqës i Divizionit për Marrëdhënie me Jashtë në AKSP. “Kjo përvojë do t’i ndihmojë AKSP-së veçanërisht me procesin aktual të ri-akreditimit ndërkombëtar nga IADLEST, dhe me intervistat e aktivitetet e inspektimit që do të fillojnë në gusht 2024,” shtoi ai, duke e theksuar lidhjen historike me Misionin e OSBE-së, i cili e ka ndihmuar AKSP-në në ndërtimin e një ure bashkëpunimi me një partner të ri sikundër NCJA. Gjatë vizitës, drejtuesit e NCJA organizuan vizita për delegacionin edhe në Zyrën e Prokurorit të Përgjithshëm të Shtetit në Karolinën Veriore, në Konferencën e Prokurorive të Qarqeve, si dhe në Byronë Shtetërore të Hetimit. Për t’i ndihmuar më tej AKSP-së, NCJA ndau me delegacionin disa programe trajnimi për zbatim të ligjit, përfshirë këtu doracakun me module për trajnim të instruktorëve, së bashku me politikat dhe procedurat për hartimin e sistemit të kurrikulës për përdorim të brendshëm. Kjo nismë realizohet pas vizitës së NCJA në AKSP në vitin 2023, që ndihmoi në forcimin e bashkëpunimit ndërmjet dy akademive dhe njoftimin e AKSP-së me mekanizmat e akredituar dhe të testuar të sigurimit të cilësisë si edhe me kurrikulën dhe përgatitjen e instruktorëve, si standarde kryesore të vendosura nga IADLEST dhe të përdorura nga akademitë në SHBA.
Misioni i OSBE-së në Kosovë finalizon themelimin e Mekanizmave Koordinues kundër Dhunës në Familje në mbarë Kosovën me formalizimin e mekanizmit të fundit në Rahovec
Publishing date: 24 maj 2024
Content type: News
Where we are: Misioni i OSBE-së në Kosovë
Misioni i OSBE-së në Kosovë ka mbështetur sot nënshkrimin e Memorandumit të Mirëkuptimit për formalizimin e Mekanizmit Koordinues kundër Dhunës në Familje (MKKDHF) në komunën e Rahovecit. MKKDHF në Rahovec është mekanizmi i fundit që themelohet – shumica e të cilëve janë themeluar me përkrahje të OSBE-së, dhe shënon përfundimin e procesit të themelimit të tyre në mbarë Kosovën, me të gjitha 38 komunat tani të mbuluara nga mekanizma funksional. Ligji i miratuar së fundmi për Dhunën në Familje vendos bazën ligjore për mekanizmat, duke kërkuar që të gjitha komunat të krijojnë dhe të ofrojnë fonde adekuate për MKKDHF-të. “Lufta kundër dhunës në familje kërkon përfshirjen dhe koordinimin e të gjithë akterëve relevant në nivelin lokal- nga sektori i drejtësisë, policia, strehimoret dhe shoqëria civile,” tha Mark Lasser, Shef i Njësisë për Ligj dhe Drejtësi në Misionin e OSBE-së në Kosovë gjatë ceremonisë së nënshkrimit sot. “Në linjë me mandatin tonë për ndërtimin e institucioneve dhe përkushtimin për mbrojtjen e të drejtave të njeriut, ne premtojmë përkrahje për MKKDHF-të në punën e tyre të rëndësishme,” shtoi ai. Kryetari i Komunës së Rahovecit, Smajl Latifi, vlerësoi mbështetjen e Misionit të OSBE-së dhe shprehu përkushtimin e komunës për të mbështetur punën e MKKDHF-ve në koordinimin e politikave për luftimin e dhunës në familje në nivel lokal. Nënshkruesit e Memorandumit të Mirëkuptimit për funksionalizimin e MKKDHF-ve përfshijnë përfaqësues të gjykatave dhe prokurorive, komunave, Zyrës për Mbrojtje dhe Ndihmë Viktimave, Policisë së Kosovës, Agjencisë për Ndihmë Juridike Falas, qendrave për punë sociale, qendrave për shëndetin mendor, qendrave të shëndetit familjar, strehimoreve për mbrojtjen e viktimave të dhunës në familje dhe anëtarë të shoqërisë civile. Anëtarët e MKKDHF-ve punojnë së bashku për të forcuar bashkërendimin, shkëmbimin e informatave dhe angazhimin në nivel lokal në luftën kundër dhunës në familje, duke ndjekur hapa konkretë për të përmirësuar parandalimin, forcimin e mbrojtjes, trajtimin dhe ri-integrimin e viktimave. Ata luajnë rol të rëndësishëm edhe në rritjen e ndërgjegjësimit për dhunën në familje dhe shërbimet në dispozicion të viktimave, si dhe në fuqizimin e viktimave për të raportuar këto krime. Për të ndihmuar në rritjen e efikasitetit të MKKDHF-ve, Misioni i OSBE-së në Kosovë publikoi në vitin 2023 Udhëzues për MKKDHF-të, një publikim praktik për të kuptuar më mirë rolet dhe përgjegjësitë e anëtarëve të tyre. Misioni mbetet i përkushtuar në mbështetjen e komunave për të përmirësuar ndihmën për viktimat e dhunës në familje dhe dhunës me bazë gjinore, për të lehtësuar zbatimin e kornizës ligjore dhe për të përmirësuar koordinimin ndër-institucional.
Pjesëmarrësit e Programit të OSBE-së për gazetarë të rinj “Media Fellowship” 2024 vizitojnë institucionet e mediave dhe mediat në Prishtinë e Beograd
Publishing date: 20 maj 2024
Content type: News
Where we are: Misioni i OSBE-së në Kosovë
What we do: Liria dhe zhvillimi i medias
Tetë gazetarë nga media në gjuhë të ndryshme në Kosovë, pjesë e edicionit të gjashtë të Programit të OSBE-së për gazetarë të rinj “Media Fellowship” mbi standardet e gazetarisë profesionale dhe raportimin etik, përfunduan një vizitë studimore pesë-ditore në institucionet e mediave dhe media në Prishtinë dhe Beograd. Nga 13 deri më 18 maj 2024, gazetarët vizituan një sërë institucionesh mediale, shoqata gazetarësh, organe vetërregulluese, si dhe organizata mediale private dhe publike. Këto vizita në terren u mundësuan pjesëmarrësve të vlerësojnë ngjashmëritë dhe sfidat në edukimin dhe informimin medial, verifikimin e fakteve, rreziqet e paraqitura dhe mundësitë e ofruara nga inteligjenca artificiale dhe zhvillime të tjera në ekosistemin medial. Gazetarët u takuan edhe me shefin e Misionit të OSBE-së në Serbi, Jan Braathu, i cili i informoi ata për punën e Misionit në industrinë e mediave dhe rolin e tyre në hartimin e Strategjisë për Media dhe Planin e saj të Veprimit. “Përmes Programit për gazetarë të rinj “Media Fellowship”, kemi parë rolin jetik që luan dialogu dhe bashkëpunimi mes gazetarëve në përforcimin e standardeve gazetareske, raportimin e përgjegjshëm dhe më e rëndësishmja në ndryshimin e narrativave të së kaluarës. Me nxitjen e një mjedisi të mirëkuptimit dhe respektit të ndërsjellë, ne mund t'i adresojmë më mirë sfidat me të cilat përballet peizazhi medial si në Prishtinë ashtu edhe në Beograd”, tha Michael Davenport, Shef i Misionit të OSBE-së në Kosovë. Si pjesë e programit, pjesëmarrësit do të dorëzojnë storie që reflektojnë përvojat e tyre nga vizita, duke kontribuar më tej në diskursin mbi praktikat mediatike në rajon. Gazetarët e përzgjedhur për Programin e këtij viti janë: Adelina Ahmeti (Kallxo.com), Antigonë Isufi (Prishtina Insight), Arbreshë Uka (Klan Kosova TV), Biljana Vllashkoviq (KoSSev), Edona Vuçitërna (Klan Kosova TV), Rrezon Gashi (KOHA), Sandra Dobriq (Kontakt Plus) and Predrag Peroviq (Radio Kosovska Mitrovica). Ata do të jenë pjesë e një programi të ngjashëm edhe në Podgoricë e Tiranë në shtator të vitit 2024. Nisur në vitin 2017, me një ndërprerje dyvjeçare gjatë pandemisë, programi “Media Fellowship” kultivon talentin e gazetarëve vendorë, duke promovuar barazinë gjinore. Ai vazhdon të shërbejë si mundësi për të forcuar marrëdhëniet mes gazetarëve nga komunitete të ndryshme, si dhe për të shtuar njohuritë e tyre për mënyrën se si funksionon media në rajon.
Misioni i OSBE-së në Kosovë përmbyll edicionin e gjashtë të Akademisë së të Rinjve
Publishing date: 17 maj 2024
Content type: News
Where we are: Misioni i OSBE-së në Kosovë
What we do: Të drejtat e njeriut, Arsimi, Rinia
Misioni i OSBE-së përmbylli sot në Prishtinë edicionin e gjashtë të Akademisë së të Rinjve, duke shënuar kështu kulminacionin e një rrugëtimi transformues për 49 të rinj nga fusha e komunitete të ndryshme nga mbarë Kosova. Gjatë pesë ditëve sa zgjati Akademia, këta pjesëmarrës të motivuar ishin pjesë e sesioneve të punëtorive mbi menaxhimin e ciklit të projekteve, diskutimeve në panel dhe ushtrimeve praktike në grup me tema të tilla si të drejtat e komuniteteve, sundimi i ligjit, të drejtat pronësore dhe ruajtja e trashëgimisë kulturore. Ata u thelluan po ashtu në rolin e tyre si të rinj në avancimin e të drejtave të njeriut, vizituan objektet kulturore dhe fetare dhe morën pjesë në sesionet “World Café” për të drejtat e grave dhe kontributin e të rinjve në diversitet e gjithëpërfshirje, me folës nga institucionet, organizatat e shoqërisë civile dhe bota akademike, si dhe vizituan objekte të trashëgimisë kulturore dhe fetare. “Një pjesë e madhe e punës sonë gjatë këtyre 25 viteve fokusohet në të drejtat e njeriut, përfshirjen e të rinjve në aktivizëm për të drejtat e njeriut, si dhe angazhimin e vetë të rinjve”, tha Kavya Rajan, Drejtuese e Departamentit për të Drejta të Njeriut dhe Komunitete në kuadër të Misionit të OSBE-së në Kosovë. “Këto janë edhe synimet thelbësore të Akademisë sonë për të Rinjtë, me synim përfundimtar fuqizimin e të rinjve dhe krijimin e një rrjeti aktivistësh për të drejta të njeriut. Ishte frymëzuese të shihje pjesëmarrësit tanë teksa i zbatonin parimet e diversitetit, mospajtimit konstruktiv, por edhe këmbimeve mendjehapura në ndërveprimet e tyre gjatë këtyre ditëve,” shtoi ajo. Për pjesëmarrësin Enes Topalli, trajnimet dhe diskutimet në të cilat mori pjesë do ta ndihmojnë atë si avokat i ardhshëm. “Diskriminimi dhe të drejtat e njeriut në përgjithësi ishin temat që më interesonin më së shumti. Ne mësuam shumë nga njëri-tjetri, respektuam perspektivat e njëri-tjetrit, ndërsa kjo do të më ndihmojë të zhvillohem si person, por edhe në aspektin profesional, dhe këtu qëndron bukuria e Akademisë së të Rinjve”, tha ai, duke shtuar se ka takuar të rinj nga komunitete të ndryshme dhe janë argëtuar shumë së bashku. Misioni angazhoi edhe ekspertë të rinj nga programet e veta, si Grupi i Trajnuesve dhe Rjeti Alumni i Akademisë së Dialogut, disa prej tyre ish-pjesëmarrës të Akademisë së të Rinjve, duke siguruar kështu zhvillimin e tyre të vazhdueshëm dhe modelin pozitiv për pjesëmarrësit e këtij viti. Edicioni i gjashtë përfundoi me prezantimin e ideve për projekte nga vetë pjesëmarrësit, të cilat reflektonin kreativitetin dhe përkushtimin e tyre për ndryshime pozitive dhe veprime konkrete. Misioni i OSBE-së do t'i shqyrtojë këto ide për përkrahje të mundshme, dhe do të vazhdojë bashkëpunimin me të rinjtë përmes zbatimit të tyre, shkëmbimit të mundësive të ardhshme për aktivizm në të drejtat e njeriut, si dhe angazhimit të ish-pjesëmarrësve të Akademisë së të Rinjve në edicionet e ardhshme të Akademisë si trajnerë.
Institucionet e Kosovës të ofrojnë qasje të barabartë në banim social për të gjitha komunitetet e cenueshme, rekomandon raporti i Misionit të OSBE-së
Publishing date: 16 maj 2024
Content type: News
Where we are: Misioni i OSBE-së në Kosovë
What we do: Të drejtat e njeriut, Mirëqeverisja, Sundimi i ligjit
PRISHTINË, 16 maj 2024 – Misioni i OSBE-së ka publikuar sot raportin tematik “Vlerësimi i banimit social dhe ndërtimit të banesave sociale në Kosovë 2018 – 2023” që shqyrton situatën rreth banimit social në 34 komuna në Kosovë në gjashtë vitet e fundit.
Përmbyllet programi Girls’ Talks i Misionit të OSBE-së i mbajtur në Prevallë
Publishing date: 17 prill 2024