News and press releases

27-noyabr kuni Markaziy Osiyo davlatlari, YXHT tuzilmalari, BMT tashkilotlari va fuqarolik jamiyati vakillaridan iborat 40 dan ortiq mutaxassislar Toshkentda Qaytganlarni Reabilitatsiya va Reintegratsiya qilish bo‘yicha Markaziy Osiyo mintaqaviy ekspertlar kengashining (MEK) ikkinchi yig‘ilishida ishtirok etdilar. MEK 2024-yil may oyida O‘zbekiston Prezidenti Shavkat Mirziyoyev tashabbusi bilan tashkil etilib, mintaqaviy hamkorlik va mas’uliyat, psixosotsial yordam, terrorizm narrativlariga qarshi kurashish va fuqarolik jamiyatini jalb qilish orqali reabilitatsiya va reintegratsiya bo‘yicha tavsiyalar ishlab chiqadi. Mazkur yig‘ilishda fuqarolik jamiyati tomonidan boshqariladigan reabilitatsiya dasturlari va gender hamda yoshga nisbatan sezgir yondashuvlarni qo‘llash masalalari muhokama qilindi. Shu bilan birga, huquqiy asoslar va salohiyatni oshirish zaruriyatlari ham tahlil qilindi. "Mojaroli hududlardan qaytganlarni jamiyatga qayta integratsiya qilish insonparvarlik vazifasi bo‘lib qolmay, balki barqaror mintaqaviy xavfsizlikning asosidir. YXHT bu jarayonlarda doimiy hamkorlikni davom ettiradi," dedi YXHTning O‘zbekistondagi loyihalar Koordinatori Antti Karttunen. 2024-yil mart holatiga ko‘ra, 2,100 dan ortiq fuqarolar reabilitatsiya dasturlari orqali o‘z oilalari va jamiyatlariga muvaffaqiyatli qayta qo‘shilgan. Ushbu tadbir O‘zbekistonning asosiy davlat idoralari, YXHT va BMT tuzilmalari hamkorligida tashkil etilib, mintaqaviy va xalqaro hamkorlikni mustahkamlashga xizmat qildi.

YXHTning Oʻzbekistondagi Loyiha koordinatori, YXHT Kotibiyatining Terrorizmga qarshi kurash boʻlimi bilan hamkorlikda, hamda Jurnalistlar qayta tayyorlash markazi bilan hamkorlikda, 2024 yil 3-4 oktyabr kunlari Qarshi shahrida "Yoshlar radikallashuvining oldini olish: ommaviy axborot vositalarida yoritish" mavzusida seminar-trening oʻtkazmoqda. Tadbirda 24 nafar jurnalistlar, blogerlar va fuqarolik jamiyati faollari ishtirok etadi. Tadbirning diqqat markazida mediasavodxonlik, alternativ hikoya yaratish va yoshlar radikallashuviga qarshi kurashda samarali kontent yaratish masalalari boʻladi.

Yevropada xavfsizlik va hamkorlik tashkilotining O‘zbekistondagi loyihalari koordinatori, O‘zbekiston Respublikasi Bosh prokuraturasi va “O‘zbekiston Jurnalistlarini qayta tayyorlash markazi” nodavlat notijorat tashkiloti bilan hamkorlikda prokuratura organlari xodimlarining mediasavodxonlik sohasidagi salohiyatini oshirishga qaratilgan treninglarning birinchisi o‘tkazildi.

27 dekabr kuni Yevropada xavfsizlik va hamkorlik tashkilotining O‘zbekistondagi loyihalari koordinatori, Odam savdosiga qarshi kurashish bo‘yicha Milliy komissiya, Ayollarning jamiyatdagi gender tengligi va oiladagi rolini oshirish bo‘yicha Respublika komissiyasi, O‘zbekiston Respublikasi Oliy Majlisi Senatining Ayollar va gender masalalari qo‘mitasi tomonidan amalga oshirilgan, Toshkent viloyati, Qibray tumani, Oila va xotin-qizlar bo’limi huzuridagi xotin-qizlarni o’qitish va qo’llab-quvvatlash markazining ochilishi bo‘lib o‘tdi.

Joriy yilning 12-dekabr kuni Yevropada Xavfsizlik va Hamkorlik Tashkilotining O‘zbekistondagi loyihalari muvofiqlashtiruvchi ofisi Odam savdosiga va majburiy mehnatga qarshi kurashish bo‘yicha Milliy komissiya bilan hamkorlikda Bosh prokuratura huzuridagi Akademiya binosida odam savdosiga qarshi kurash simulyatsiyasi mashg‘ulotlarini Toshkent shahrida boshladi. Besh kunlik simulyatsiya mashg‘ulotlariga huquqni muhofaza qilish organlaridan 50 ga yaqin mutaxassislar, jumladan, Bosh prokuratura, Ichki ishlar vazirligi, Bosh prokuratura huzuridagi Akademiya, Ijtimoiy va tibbiy yordam agentligi, yuristlar va fuqarolik jamiyat tashkilotlari vakillari yig‘iladi.

Bugun Toshkent shahrida YXHTning Odam savdosiga qarshi kurashish bo‘yicha maxsus vakili va muvofiqlashtiruvchisi idorasi va YXHTning O‘zbekistondagi loyihalari koordinatori tomonidan O‘zbekiston Respublikasi Odam savdosiga va majburiy mehnatga qarshi kurashish Milliy komissiyasi bilan yaqin hamkorlikda tashkil etilgan forumda korxonalar va davlat idoralarining ta’minot zanjirlarida odam savdosi va majburiy mehnatga qarshi kurashish masalalari muhokama qilindi.

26-27 sentabr kunlari O‘zbekistonning Buxoro shahrida “Ayollar, tinchlik va xavfsizlik (WPS) kun tartibi va uning inson huquqlari bilan bog’liqligi” mavzusida xalqaro davra suhbati bo‘lib o‘tdi. Tadbir YXHTning O‘zbekistondagi loyihalari koordinatori, Inson huquqlari bo‘yicha O‘zbekiston Respublikasi Milliy markazi, O‘zbekiston Respublikasi Gender tengligini ta’minlash komissiyasi, O‘zbekiston Respublikasi Oliy Majlisi Senatining xotin-qizlar va gender tengligi masalalari bo’yicha qo‘mitasi bilan birgalikda hamda YXHTning Dushanbe shahridagi Dasturlar byurosi bilan yaqin hamkorlikda tashkil etildi. Tadbir parlament, sud va huquqni muhofaza qilish organlari, shuningdek fuqarolik jamiyati tashkilotlari vakillari uchun xavfsizlik sohasida ayollarning mavqeini oshirish bo‘yicha masalalarni muhokama qilish hamda milliy va mintaqaviy darajada ilg‘or tajriba almashish uchun zamin bo’ldi. “Inson huquqlari, gender masalalari, tinchlik va xavfsizlikni ta’minlamasdan turib barqaror rivojlanishga erishib bo‘lmaydi va O‘zbekiston bu positsiyani to‘liq qo‘llab-quvvatlaydi”, – dedi Akmal Saidov, Inson huquqlari bo‘yicha Milliy markaz direktori, O'zbekiston Respublikasi Oliy Majlisi raisining birinchi o‘rinbosari. YXHTning O‘zbekistondagi loyihalari koordinatori vazifasini bajaruvchi Xans-Ullrix Im BMTning 1325-sonli rezolyutsiya ijrosini qo‘llab-quvvatlash va o‘zaro xalqaro tajriba almashish orqali YXHT “Ayollar, tinchlik va xavfsizlik” kun tartibini ilgari surishda, uni amalga oshirish, monitoring qilish va baholash sohasida muhim ahamiyat kasb etishini ta’kidladi. Davra suhbati quyidagi masalalarga bag'ishlangan to'rtta yalpi majlisda davom etdi: ayollar, shu jumladan, gender asosidagi zo'ravonlik qurbonlari odil sudlovga erishishning ta'minlash; xavfsizlik sohasida ayollarning rolini oshirish; BMT Xavfsizlik Kengashining 1325-sonli rezolyutsiyasini amalga oshirishda fuqarolik jamiyati tashkilotlarining ishtiroki. Tadbir yakunida ishtirokchilar BMT Xavfsizlik Kengashining 1325-rezolyutsiyasini mintaqaviy miqyosda targ‘ib qilish bo‘yicha ilg‘or tajriba va bilim almashish uchun mintaqaviy platforma yaratish bo‘yicha tavsiyalar berdilar.