News and press releases
Навигариҳо ва ахбор барои расонаҳо дар бораи фаъолияти САҲА
САҲА ҷаласаи Комиссияи миллии Ҷумҳурии Тоҷикистон оид ба обёрӣ ва заҳбуриро дастгирӣ мекунад
Publishing date: 10 октябр 2023
10 октябри соли 2023 Дафтари барномаҳои САҲА дар Душанбе (Дафтари барномаҳо) дар ҳамкорӣ бо Агентии мелиоратсия ва обёрӣ бахшида ба 10-умин ҷаласаи Комиссияи миллӣ оид ба обёрӣ ва заҳбурӣ чорабинии якрӯза баргузор намуд. Дар вохӯрӣ ҳамагӣ 70 нафар намояндагони ҷонибҳои манфиатдори миллӣ ва байналмилалӣ, аъзои Комиссияи миллӣ оид ба обёрӣ ва заҳбурӣ аз Ҷумҳурии Тоҷикистон ва Ҷумҳурии Ӯзбекистон, муассисаҳои илмӣ ва мутахассисони ҷавони соҳаи об ширкат варзиданд.
САҲА ба наҷотдиҳандагони тоҷик банақшагирӣ ва истифодаи қароргоҳҳои гурезагонро таълим медиҳад
Publishing date: 24 сентябр 2023
24 сентябри соли 2023 Дафтари барномаҳои САҲА дар Душанбе (Дафтари барномаҳо) барои 20 нафар наҷотдиҳандагони тоҷик аз Кумитаи ҳолатҳои фавқулодда ва мудофиаи граждании Ҷумҳурии Тоҷикистон курси таълимии дуҳафтаинаро ба анҷом расонд. Курси таълимии «Банақшагирӣ ва истифодабарии қароргоҳҳои гурезагон ва муҳоҷирони дохилӣ» дар деҳаи Золизари ноҳияи Ҷалолиддини Балхӣ (вилояти Хатлон) дар ҳамкорӣ бо Кумитаи ҳолатҳои фавқулодда ва мудофиаи гражданӣ ташкил ва баргузор карда шуд.
САҲА устувории ҷомеаҳоро дар манотиқи ба офатҳои табиӣ осебпазири Ҷумҳурии Тоҷикистон афзоиш медиҳад
Publishing date: 6 сентябр 2023
Рӯзҳои 5-6 сентябри соли 2023 Дафтари барномаҳои САҲА дар Душанбе (Дафтари барномаҳо) дар ҳамкорӣ бо Ҷамъияти Ҳилоли Аҳмари Тоҷикистон барои сокинони деҳаи Саричашмаи ноҳияи Мӯъминободи ба офатҳои табиӣ осебпазир омӯзиш доир намуд.
САҲА иқтидори Ҷумҳурии Тоҷикистонро ҷиҳати вокуниш ба ҳолатҳои фавқулодда дастгирӣ мекунад
Publishing date: 29 август 2023
Рӯзи 29 август Дафтари барномаҳои САҲА дар Душанбе (Дафтари барномаҳо) ба Кумитаи ҳолатҳои фавқулодда ва мудофиаи гражданӣ (КҲФ ва МГ) 9800 литр сӯзишвории дизелӣ ва 4500 литр маҳсулоти нафтӣ ҳадя кард. Маводи ҳадяшуда барои пур кардани воситаҳои нақлиётӣ ва таҷҳизоти ҚҲФ ва МГ, ки барои муҳофизат ва эвакуатсияи аҳолӣ ба минтақаҳои бехатар ҳангоми офатҳои табиӣ кор бурда мешаванд, истифода мешавад.
САҲА нақши роҳбарикунандаи занонро дар идоракунӣ ва истифодаи самараноки захираҳои обӣ дастгирӣ мекунад
Publishing date: 27 август 2023
Дафтари барномаҳои САҲА дар Душанбе (Дафтари барномаҳо) барои бисту панҷ узви кумитаи роҳбарикунандаи Форуми занони ҳавзаи Сирдарё дар Ҷумҳурии Тоҷикистон ду семинари баланд бардоштани малакаҳои касбӣ баргузор намуд. Семинари аввал дар мавзӯи «кори гурӯҳӣ» 17-18 августи соли 2023 ва семинари дуюм 25-27 августи соли 2023 баргузор гардиданд. Ҳарду чорабинӣ дар шаҳри Хуҷанди вилояти Суғд сурат гирифтанд.
САҲА ба ҷалби ҷавонони тоҷик ба ҳалли масъалаҳои тағйирёбии иқлим ва олудашавии ҳаво мусоидат мекунад
Publishing date: 22 август 2023
Аз 19 то 22 августи соли 2023 Дафтари барномаҳои САҲА дар Душанбе (Дафтари барномаҳо) дар якҷоягӣ бо Кумитаи ҳифзи муҳити зисти Ҷумҳурии Тоҷикистон мактаби экологии ҷавононро доир намуд. Дар чорабинии чоррӯза 25 нафар ҷавонон ширкат варзиданд, ки 14 нафарашон ҷавонзанон буданд.
САҲА машғулиятҳои баланд бардоштани сатҳи огаҳии ҷомеаро дар манотиқи ба офатҳои табиӣ осебпазири Ҷумҳурии Тоҷикистон ташкил кард
Publishing date: 21 август 2023
21 августи соли 2023 Дафтари барномаҳои САҲА дар Душанбе (Дафтари барномаҳо) дар ҳамкорӣ бо Ҷамъияти Ҳилоли Аҳмари Тоҷикистон барои 20 нафар намояндагони ҷамоати деҳаи Марғақи ноҳияи Мӯъминобод машғулияти баланд бардоштани сатҳи огаҳӣ оид ба офатҳои табиӣ ташкил намуд. Деҳа дар минтақаи ба офатҳои табиӣ осебпазир ҷойгир аст.