Publications

Misioni i OSBE-së në Kosovë merret me ngritjen e kapaciteteve të Policisë së Kosovës dhe forumeve për siguri në bashkësi, si dhe me monitorimin dhe avokimin e zbatimit të Strategjisë dhe Planit të Veprimit për Siguri në Bashkësi. Me qëllim të ngritjes së vetëdijes rreth forumeve të sigurisë në bashkësi, Misioni ka përgatitur botimin e ri të broshurës për sigurinë në komunitet. Broshura vjen me përmbajtje të re e të ilustruar, tregime mbi praktikat më të mira dhe iniciativat e ndërmarra për projektet në komunitet 2013- 2017, statistika të përditësuara dhe fjalë motivuese të partnerëve nga fusha e sigurisë në bashkësi nga të gjitha rajonet policore, dhe ka për qëllim fuqizimin e partneritetit në mes të policisë dhe publikut në komuna dhe ngritjen e vetëdijes për forumet e sigurisë në komunitet dhe konceptin e policimit në komunitet në mbarë Kosovën.

Në dhjetor të vitit 2017 Misioni i OSBE-së në Kosovë publikoi raportin që vlerëson performancën dhe ndikimin e Këshillit Konsultativ për Komunitete, si organ kyç për mbrojtjen e komuniteteve në Kosovë që funksionon në kuadër të Zyrës së Presidentit. Raporti thekson se Këshilli, i cili është themeluar në vitin 2008, është konsoliduar mirë në sistemin institucional, duke mbajtur mbledhje të rregullta dhe duke u angazhuar në komunikim me një spektër të gjerë të institucioneve për të përcjellë çështje të ndryshme të komuniteteve që kanë të bëjnë me politikat dhe legjislacionin. Megjithatë, ndikimi i tij i përgjithshëm në të drejtat dhe mirëqenien e komuniteteve mbetet i kufizuar, pasi që Këshilli ballafaqohet me reagim jo të barabartë dhe të pamjaftueshëm nga spektri më i gjerë institucional si dhe me kapacitete jo-adekuate për kontaktim të komuniteteve jo-shumicë në terren. Raporti vlerëson përbërjen, performancën dhe ndikimin e Këshillit gjatë periudhës kohore 1 janar 2015- 31 dhjetor 2016.

Ky raport përcjellës ofron një pasqyrë të nivelit të përfaqësimit të komuniteteve që janë pakicë numerike në shërbimin civil në nivel qendror dhe komunal. Ai jep një vlerësim të progresit të bërë nga institucionet e përzgjedhura të Kosovës në zbatimin e obligimeve ligjore përkatëse që garantojnë përfaqësimin e drejtë dhe proporcional të komuniteteve në shërbimin civil që prej raportit të mëparshëm të vlerësimit të OSBE-së në vitin 2013. Përveç kësaj, raporti identifikon mangësitë në zbatim dhe ofron rekomandime specifike për institucionet kryesore në mënyrë që të lehtësohen përmirësimet në lidhje me punësimin e komuniteteve në shërbimin civil.

Këto fletushka informative përmbajnë të dhëna për anëtarësinë dhe funksionimin e këtyre komiteteve në vitin 2016.

Këto fletushka informative përmbajnë të dhëna për anëtarësinë dhe funksionimin e këtyre komiteteve në vitin 2016.

Këto fletushka informative përmbajnë të dhëna për anëtarësinë dhe funksionimin e zyrave komunale për komunitete dhe kthim (ZKKK) 2016.

Misioni i OSBE-së në Kosovë ofron ngritjen e kapaciteteve për Policinë e Kosovës dhe forumet për siguri në bashkësi, duke përfshi edhe monitorimin dhe avokimin për zbatimin e Strategjisë për Siguri në Bashkësi 2017-2021. Këshillat Komunale për Siguri në Bashkësi (KKSB) janë mekanizma thelbësore konsultativ për policinë në bashkësi në nivel komunal. Kryesuar nga kryetari i komunës, me pjesëmarrjen aktive të komandantit të stacionit policor, KKSB-të angazhohe në baza dy-mujore me rolin e tyre proaktiv këshillëdhënës, për të diskutuar shqetësimet dhe iniciativa të sigurisë duke manifestu pluralizëm për sigurin në komunitet dhe përfaqësim të gjerë të grupeve të interest, të komuniteteve, gratë dhe shoqëria civile. Posteri i ndërgjegjësimit të publikut filloi në dhjetor 2016 dhe promovon rolin dhe mandatin e anëtarëve të zakonshme të çdo KKSB-je në tërë Kosovën përfshirë edhe Veriun e vendit, ku krijimi i tyre pritet në të ardhmen e afërt.

Ky udhëzues ofron informata të dobishme për gazetarët dhe profesionistët e tjerë të medias se si ta mbrojnë veten në situata të paqëndrueshme, trazira, protesta dhe demonstrata, në mënyrë që të ju ndihmojë t'i shmangen lëndimeve dhe dëmtimit të pajisjeve të tyre. Udhëzuesi këshillon profesionistët e medias të përdorin veshje mbrojtëse dhe shenja të dukshme në mënyrë që të dallohen nga protestuesit, dhe t'ju shmangen lëndimeve nga policia apo protestuesit. Udhëzuesi përfshin këshilla improvizuese që ndihmojnë profesionistët e medias të neutralizojnë efektet e gazit lotsjellës gjatë raportimit nga situata të dhunshme. Ajo gjithashtu ju ofron profesionistëve të medias numra telefoni për të kërkuar këshilla ligjore.

Posteri i fushatës për të promovuar pakon e ligjeve për të drejtat e njeriut në Kosovë synon të informojë publikun e gjerë për të drejtat e tyre dhe risitë që ka sjellë pakoja e cila përfshinë Ligjin për barazi gjinore, Ligjin për Mbrojtjen nga Diskriminimi dhe Ligjin për Avokatin e Popullit si dhe resurset në dispozicion për t’i ushtruar ato të drejta. Theksi është vendosur në rolin dhe përgjegjësitë e Avokatit të Popullit në zbatimin e këtij legjislacioni.

Nga 17 deri më 20 nëntor 2016, Misioni i OSBE-së përkrah Policinë e Kosovës të shënoj ditën botërore për përkujtimin e viktimave të trafikut rrugor përmes një fushate informimi për të ngritur vetëdijen rreth sigurisë në trafik dhe për të ftuar publikun të respektoj rregullat e trafikut. Fushata përfshin një broshurë me informata rreth shkaktarëve kryesor të aksidenteve dhe me tregime personale të personave që kanë pësuar nga aksidentetet, si dhe pjesëmarrje në debate të ndryshme në radio dhe televizion për këtë temë.