Publications

Ky raport synon të ofrojë një pasqyrë të qartë të procesit aktual të hartimit dygjuhësor të legjislacionit në nivel të Qeverisë dhe të Kuvendit, të theksojë mangësitë procedurale dhe praktike dhe të paraqesë rekomandimet drejt përmirësimit të procesit të hartimit dygjuhësor dhe të përkthimit, si dhe fuqizimit të zbatimit të Ligjit për Përdorimin e Gjuhëve. Ky raport mbulon të gjitha aktivitetet në këtë fushë deri në vitin 2017.

Në qendër të mandatit të Misionit të OSBE-së në Kosovë është monitorimi, promovimi dhe mbrojtja e të drejtave të njeriut të komuniteteve të ndryshme në Kosovë, ku e drejta gjuhësore është komponent integral. Përdorimi i barabartë i gjuhëve zyrtare në Kosovë është parakusht për ofrimin e plotë dhe efektiv të shërbimeve të Policisë së Kosovës tek stafi i tij dhe tek të gjithë individët që bashkëveprojnë me PK-në. Misioni i OSBE-së në Kosovë ka monitoruar vazhdimisht përdorimin e gjuhëve zyrtare sipas kornizës ligjore në Kosovë dhe të drejtat dhe standardet relevante ndërkombëtare të njeriut, si dhe ka ndarë rekomandimet me Policinë e Kosovës. Raporti, i cili analizon respektimin gjuhësor të Policisë së Kosovës në të tetë rajonet e saj, vërteton progres të ndjeshëm të Policisë së Kosovës të arritur gjatë viteve dhe paraqet përfundimet kyçe dhe një sërë rekomandimesh për policinë, me qëllim të sigurimit të mbrojtjes së të drejtave gjuhësore për të gjitha komunitetet.

Në maj të vitit 2018, Misioni i OSBE-së dhe UNFPA kanë publikuar një raport mbi perspektivën e burrave ndaj barazisë gjinore në Kosovë. Raporti përmban informata dhe statistika për një mori çështjesh kyçe që kanë të bëjnë me barazinë gjinore, siç janë normat gjinore dhe qëndrimet ndaj barazisë gjinore; përvojat e fëmijërisë; dinamikat e marrëdhënieve dhe punët e shtëpisë; dhuna dhe praktikat kriminale; praktikat shëndetësore dhe politikat e ligjet e barazisë gjinore. Raporti është hartuar në bazë të rezultateve të Anketës ndërkombëtare për burrat dhe barazinë gjinore (IMAGES), të realizuar për herë të parë në Kosovë për të kuptuar qëndrimet dhe praktikat e burrave- së bashku me mendimet dhe raportet e grave për sa u përket praktikave të burrave – mbi një varg temash që ndërlidhen me gjininë dhe mënyrat se si burrat mund të ndihmojnë në adresimin e pabarazisë gjinore.

Ky udhëzues pesëpikësh për gazetarët shërben si pasqyrë e shpejtë dhe e lehtë për gjërat më të rëndësishme që duhet pasur parasysh gjatë raportimit mbi radikalizmin dhe ekstremizmin e dhunshëm, duke i këshilluar gazetarët mbi parimet e raportimit të ndjeshëm ndaj konfliktit, si dhe raportimit etik dhe të bazuar në fakte. Udhëzuesi gjithashtu këshillon gazetarët mbi rëndësinë e njohurisë së terminologjisë që ka të bëjë me radikalizmin dhe ekstremizmin e dhunshëm, duke i përfshirë të gjithë zërat, dhe të mospërdorimit të përmbajtjes nxitëse dhe gjeneralizimeve gjatë raportimit mbi këtë temë.

Përmbledhje e aktiviteteve të Misionit të OSBE-së në Kosovë në fushën e parandalimit dhe luftimit të dhunës në familje.

Përmbledhje e aktiviteteve të Misionit të OSBE-së në Kosovë për barazinë gjinore

Misioni i OSBE-së në Kosovë merret me ngritjen e kapaciteteve të Policisë së Kosovës dhe forumeve për siguri në bashkësi, si dhe me monitorimin dhe avokimin e zbatimit të Strategjisë dhe Planit të Veprimit për Siguri në Bashkësi. Me qëllim të ngritjes së vetëdijes rreth forumeve të sigurisë në bashkësi, Misioni ka përgatitur botimin e ri të broshurës për sigurinë në komunitet. Broshura vjen me përmbajtje të re e të ilustruar, tregime mbi praktikat më të mira dhe iniciativat e ndërmarra për projektet në komunitet 2013- 2017, statistika të përditësuara dhe fjalë motivuese të partnerëve nga fusha e sigurisë në bashkësi nga të gjitha rajonet policore, dhe ka për qëllim fuqizimin e partneritetit në mes të policisë dhe publikut në komuna dhe ngritjen e vetëdijes për forumet e sigurisë në komunitet dhe konceptin e policimit në komunitet në mbarë Kosovën.

Në dhjetor të vitit 2017 Misioni i OSBE-së në Kosovë publikoi raportin që vlerëson performancën dhe ndikimin e Këshillit Konsultativ për Komunitete, si organ kyç për mbrojtjen e komuniteteve në Kosovë që funksionon në kuadër të Zyrës së Presidentit. Raporti thekson se Këshilli, i cili është themeluar në vitin 2008, është konsoliduar mirë në sistemin institucional, duke mbajtur mbledhje të rregullta dhe duke u angazhuar në komunikim me një spektër të gjerë të institucioneve për të përcjellë çështje të ndryshme të komuniteteve që kanë të bëjnë me politikat dhe legjislacionin. Megjithatë, ndikimi i tij i përgjithshëm në të drejtat dhe mirëqenien e komuniteteve mbetet i kufizuar, pasi që Këshilli ballafaqohet me reagim jo të barabartë dhe të pamjaftueshëm nga spektri më i gjerë institucional si dhe me kapacitete jo-adekuate për kontaktim të komuniteteve jo-shumicë në terren. Raporti vlerëson përbërjen, performancën dhe ndikimin e Këshillit gjatë periudhës kohore 1 janar 2015- 31 dhjetor 2016.