Publications

Raporti i vlerëson katër mekanizmat e nivelit lokalë për mbrojtjen dhe promovimin e të drejtave dhe interesave të komuniteteve – zyrën komunale për komunitete dhe kthim, komitetin për komunitete, nënkryetarin e komunës për komunitete dhe zëvendëskryetarin e kuvendit komunal për komunitete – dhe ofron një shqyrtim të kornizës ligjore dhe të politikave dhe të themelimit e të funksionimin praktik.

Raporti vë në fokus fushat prioritare në të cilat OSBE-ja ka identifikuar mangësi në pajtueshmërinë komunale me kornizën ligjore dheë njëkohësisht vlerëson mekanizmin e sapoformuar – Zyrën e Komisionerit për Gjuhët.

Raporti rivlerëson përparimin e arritur nga institucionet gjegjëse drejt riintegrimit të qëndrueshëm të personave të riatdhesuar. Ndonëse ka pasur përmirësime të dukshme që nga vitit 2011, zbatimi i plotë i kornizës së re ligjore dhe i politikave është jetik.

Fushata tre-mujore e titulluar ‘Gjuha juaj është e drejta juaj” kishte për qëllim vetëdijesimin e publikut për mekanizmat përkatës për mbrojtje të gjuhëve dhe ankimim, si dhe për rolin e Zyrës së Komisionerit për Gjuhët. Posterë, fletushka dhe radio spote të prodhuar në gjuhët shqipe, rome, serbe dhe turke gjatë fushatës janë shpërndarë dhe transmetuar në mbarë Kosovën.

Ky raport vështron mundësitë për pjesëmarrjen e shoqërisë civile në punën e Kuvendit. Ai përqendrohet në tri tema: informacionin e nxjerrë nga Kuvendi për publikun, rregullimet institucionale në Kuvend për marrëdhëniet me shoqërinë civile, dhe praktikat e konsultimit publik. Ai e vlerëson punën e Kuvendit kundrejt standardeve ndërkombëtare dhe praktikave më të mira.

qëllimi i këtij katalogu është që të ju sigurojë, si anëtar i komunitetit në Kosovë, informacione mbi atë se çfarë duhet bërë në rast se keni ndonjë brengë apo ankesa lidhur me respektimin e të drejtave tuaja themelore. Ai mbulon fusha të shumta që paraqesin brengë, duke filluar nga ajo se si të luftohet diskriminimi i bazuar në gjini, duke vazhduar te ajo se çfarë duhet bërë nëse mendoni se policia ju keqtrajton për shkak se identifikoheni me një komunitet të caktuar, e deri te ajo se si duhet të sigurohet që emri i fshatit tuaj të shkruhet saktë në të gjitha gjuhët në shenjat e rrugës.

Raporti vlerëson se deri në çfarë shkalle legjislacioni thelbësor që mbron të drejtat themelore të njeriut, si barazinë gjinore, anti-diskriminimin, të drejtat e komuniteteve, të drejtat gjuhësore dhe mbrojtjen kundër dhunës në familje, zbatohet nga institucionet e Kosovës.

Raporti shqyrton ofrimin e transportit humanitar me autobus dhe konkludon që përderisa ky shërbim lehtëson qasjen në shërbime, mos-përputhshmëria me procedurat administrative ka rezultuar në mungesë të transparencës dhe në procedura ankimore të papërshtatshme.

Linja për ndihmë falas “0800 1111 2” do të shërbejë si pikë kryesore e kontaktit për viktimat e trafikimit me qenie njerëzore dhe dhunës në familje dhe si burim informacioni për të gjithë faktorët, përfshirë edhe publikun e përgjithshëm.