Publications

Trajnimi ‘Raportimi i Gjykimit të Simuluar’ që organizohet nga Misioni i OSBE-së në Kosovë për gazetarë të rinj dhe aspirantë si dhe studentë të juridikut nga mbarë Kosova ka për qëllim t’ju sigurojë atyre përvojë të dorës së parë në raportimin nga gjykata. Ata do udhëzohen për praktikat më të mira në marrjen e informacioneve dhe komunikimin me zyrtarët gjyqësor, dhe anasjelltas. Trajnimi do të pasohet nga një punëtori përmbyllëse, si platformë për të diskutuar mësimet e nxjerra nga trajnimi dhe për të formuluar konkluzione dhe rekomandime.

Ky udhëzues i ndihmon gazetarët të raportojnë në mënyrë më efektive nga gjykatat në mënyrë profesionale dhe në përputhje me kodet e etikës dhe sjelljes së gazetarisë, si dhe ndjeshmëritë përkatëse të raportimit prej gjykatave, mbrojtjen e privatësisë, kornizat ligjore dhe normative, duke respektuar standardet etike dhe kontekstin e duhur duke kërkuar llogaridhënie nga institucionet e drejtësisë. Duke synuar për t'ju ofruar gazetarëve një udhëzues të mirëfilltë që ua lehtëson raportimin e tyre nga institucionet e drejtësisë, dhe mediat me një bazë solide për të formësuar diskursin publik dhe për të promovuar ndryshimin e politikave, udhëzimet përfshijnë një pasqyrë të kuadrit ligjor përkatës, të institucioneve të drejtësisë dhe të raportimit nga gjykatat. Udhëzuesi është I qasshëm në shqip, serbisht dhe anglisht.

Fletushka "Ofruesit e shërbimeve që janë pikë e parë e kontaktit për viktimat e dhunës në familje në Kosovë" është hartuar në përgjigje të gjetjeve të “Anketës për mirëqenien dhe sigurinë e grave në Kosovë” të realizuar nga OSBE, sipas së cilës 22% e grave kanë konsideruar se nuk janë të mirinformuara për atë që duhet bërë nëse përjetojnë dhunë, 29% janë deklaruar se janë të informuara deri diku dhe 12% nuk kanë pasur fare informata se çfarë duhet bërë. Fletushka shërben për ta informuar publikun e gjerë se çfarë të presë nga secili ofrues shërbimesh si pikë e parë e kontaktit dhe përmban një listë të shkurtër të informatave të kontaktit të gjithsecilit.

Ky dokument sqaron çfarë mandati ka nënkryetari për komunitete (NKK) dhe përmban statistika lidhur me NKK-të për vitin 2022.

Kjo fletushkë informuese përmban të dhëna për anëtarësinë dhe funksionimin e Zëvendëskryesuesit të kuvendit të komunës për komunitete (ZKKKK) në vitin 2022.

Ky dokument përvijon se çfarë janë komitetet për komunitete (KK) dhe ofron informata rreth KK-ve për vitin 2022.

Këto fletushka informative përmbajnë të dhëna për anëtarësinë dhe funksionimin e zyrave komunale për komunitete dhe kthim (ZKKK) 2022.

Udhëzuesi për punë efektive të Mekanizmave Koordinues Komunal kundër Dhunës në Familje (MKKDHF), është mjet praktik për të lehtësuar reagimet efektive dhe të koordinuara të këtyre mekanizmave ndaj rasteve të dhunës në familje në nivel lokal. Ky udhëzues mbulon bazën ligjore dhe qëllimin e MKKDHF-ve, rëndësinë e qasjes shumë-institucionale dhe të koordinuar, mbledhjen dhe raportimin e të dhënave, si dhe trajnimin dhe ngritjen e kapaciteteve për anëtarët e MKKDHF-ve.

Ky dokument prezanton përpjekjet e Misionit të OSBE-së në Kosovë për iniciativat e edukimit medial dhe informativ (EMI). Aktivitetet e paraqitura tregojnë se si iniciativat kreative të EMI kontribuojnë në sigurinë e përgjithshme përmes ndërtimit të një gjenerate të re të mendimtarëve kritikë.

Edicioni i pestë i Akademisë Lokale të Dialogut të OSBE-së për Gratë e Reja (LDA) do të organizohet nga data 19 deri më 23 qershor 2023 në Istog. Akademia ofron një platformë për vajzat e reja për të kapërcyer barrierat në komunikim, për të zbërthyer stereotipet dhe për të krijuar një bazë për dialog përmes të mësuarit, stërvitjes dhe mentorimit nga bashkëmoshataret e diplomuara të akademisë. Ajo synon të forcojë komunikimin mes të rinjve nga komunitete të ndryshme, duke u fokusuar në çështjet e përbashkëta shqetësuese që lidhen me barazinë gjinore dhe fuqizimin e grave në veçanti. Për më shumë informata, shihni paketën informative. Dërgoni aplikacionin tuaj deri më 25 maj 2023 (ora 23:59) në localDA-OMiK@osce.org