Publications

Broshura “Të drejtat trashëgimore të grave” ka për qëllim të rrisë ndërgjegjësimin e opinionit publik, përfshirë gratë nga komunitetet rurale dhe institucioneve relevante lidhur me të drejtat trashëgimore të grave. Duke u bazuar në komentet e pranuara gjatë punëtorive të Misionit mbi të drejtat pronësore të grave më 2021 dhe 2022, Misioni ka përpiluar një sërë çështjesh të përbashkëta në zbatimin e të drejtave trashëgimore të grave. Kjo broshurë jep përgjigje për këto çështje, duke ofruar shpjegime për kuadrin ligjor në një mënyrë të thjeshtuar dhe të personalizuar, me ilustrime përmes rasteve shembuj në format të pyetjeve më të shpeshta, për t’i informuar gratë e prekura, familjarët dhe Organizatat e Shoqërisë Civile për veprimet që mund t’i marrin për t’i mbrojtur dhe zbatuar të drejtat trashëgimore të grave.

Raporti i OSBE-së “E drejta për përfaqësim efektiv në procedurë penale dhe sistemi i caktimeve sipas detyrës zyrtare” ofron pasqyrim të standardeve të përfaqësimit të mbrojtjes në procedurë penale dhe të funksionimit të sistemit të caktimeve sipas detyrës zyrtare në Kosovë. Raporti mbulon periudhën 2020-2021 dhe përdorë anketat me praktikuesit ligjorë së bashku me gjetjet e OSBE-së nga monitorimi i gjykimeve, për të vlerësuar disa nga sfidat dhe barrierat për përfaqësimin efektiv të mbrojtjes në procedurë penale në Kosovë.

Udhëzuesi informativ për qasjen në të drejtat pronësore në Kosovë është hartuar për t’i shërbyer praktikuesve që punojnë në fushën e të drejtave pronësore, siç janë organizatat e shoqërisë civile, noterët, zyrat kadastrale dhe organet komunale, ku palët e interesuara mund t’i drejtojë pyetjet e tyre në lidhje me të drejtat pronësore dhe të trashëgimisë. Udhëzuesi ofron informata mbi konceptet kryesore që kanë të bëjnë me të drejtat pronësore. Aty shpjegohet procesi i regjistrimit të pronës hap pas hapi, si dhe përfshihet një listë e përditësuar e palëve kryesore të interesit të cilat mund të lehtësojnë ushtrimin e të drejtave pronësorë në nivel komunal. Udhëzuesi vë në pah të drejtat e barabarta të grave dhe burrave në gëzimin e pronës së tyre dhe të drejtave të trashëgimisë, si dhe shoqërohet me fletëpalosjen e Qasjes së grave në të drejtat pronësore dhe të trashëgimisë në Kosovë.

Qëllimi i “Udhëzuesit për zyrtarë të shërbimeve sociale për ndihmë viktimave të dhunës në familje” është t'iu ndihmojë atyre që të trajtojnë viktimat dhe të mbijetuarat e dhunës në familje duke pasur në fokus viktimën. Zyrtarët e shërbimit social identifikojnë incidentet e dhunës në familje, ndihmojnë viktimat dhe të mbijetuarat ta përballojnë traumën e përjetuar dhe të rikuperohen nga ajo, t’ia shpjegojnë mundësitë në dispozicion viktimës dhe të mbijetuarës në mënyrë që të mund të marrë vendim të informuar për hapat e radhës. Udhëzuesi është hartuar në bazë të standardeve dhe politikave ndërkombëtare dhe vendore për parandalim të dhunës në familje.

Ky raport përshkruan rezultatet nga punëtoria dyjavore e Laboratorit të trashëgimisë mbi zhvillimin rural të mbajtur në Letnicë më 2019, si dhe përshkruan procesin e hartimit të një plani të zhvillimit rural nga faza e tij e hershme. Bazuar në përvojën ndërkombëtare dhe njohuritë lokale, raporti ofron një pasqyrë të aspekteve shumëplanëshe të zhvillimit rural përmes vlerësimit të trashëgimisë kulturore dhe natyrore. Raporti gjithashtu paraqet sfidat kryesore me të cilat përballen Letnica dhe komuniteti i vogël kroat në Kosovë, si dhe tiparet pozitive dhe potencialin që ka ky fshat shumetnik për të kontribuuar në ndryshimin e tij të qëndrueshëm. Bazuar në analizën e burimeve lokale, raporti ofron rekomandime të përgjithshme zhvillim, të cilat përfaqësojnë katër shtyllat e zhvillimit të qëndrueshëm: sociale, ekonomike, mjedisore dhe kulturore. Këto rekomandime duhet të nxisin hartimin e një plani të plotë të zhvillimit rural dhe planit të veprimit për të udhëzuar zbatimin e tij për Letnicën dhe komunitetet që jetojnë atje.

Udhëzuesi për standardet për hartimin e planeve të menaxhimit të trashëgimisë kulturore është rezultat i bashkëpunimit intensiv të Misionit të OSBE-së në Kosovë me ekspertë ndërkombëtarë dhe akterë vendorë në fushën e trashëgimisë kulturore. Planet e menaxhimit janë instrumente kyçe për menaxhimin e duhur të monumenteve të trashëgimisë, mbrojtjen, prezantimin dhe zhvillimin e qëndrueshëm të tyre. Udhëzuesi ka për qëllim të kontribuojë në të kuptuarit e funksionimit të planeve të menaxhimit, parimeve që duhet marrë parasysh gjatë procesit të hartimit, si dhe të paraqesë një pasqyrë të instrumenteve për hartimin e planeve të tilla. Udhëzuesi i drejtohet të gjithë akterëve të përfshirë në menaxhimin e monumenteve të trashëgimisë, duke përfshirë publikun e gjerë, si dhe mëton të kontribuojë në mbrojtjen e qëndrueshme e afatgjate të trashëgimisë kulturore në Kosovë, të bazuar në të drejtat e njeriut.

Monitori i të Drejtave Pronësore është publikim gjashtëmujor i vrojtimeve të monitorimit të OSBE-së në tërë Kosoven dhe ka për qëllim të ofrojë një pasqyrë të gjendjes në terren mbi të drejtat pronësore dhe banesore të pjesëtarëve të komuniteteve joshumicë dhe përsonave të zhvendosur.

Ky raport vlerëson 20 vjet të funksionimit të mekanizmave të shqyrtimit të kërkesave në masë për të drejtat pronësore në Kosovë. Zgjidhja e kërkesave pronësore të lidhura me konfliktin padyshim që përbën hap kyç drejt mbrojtjes së të drejtave të komuniteteve të prekura në Kosovë. Kjo gjithashtu përkrahë kthimin dhe inkurajon procesin e gjithmbarshëm të pajtimit dhe marrëdhëniet ndërmjet-komuniteteve brenda shoqërisë. Prandaj, funksionimi efektiv i mekanizmave të tillë ka ndikim të rëndësishëm potencial në jetën e mijëra personave të zhvendosur dhe refugjatë.

Ky raport shqyrton mbrojtjen e të drejtave të fëmijëve të përfshirë në sistemin e drejtësisë në Kosovë. Vëzhgimet nga monitorimi i gjykimeve dhe intervistat me zyrtarë të gjyqësorit, por edhe të tjerë, janë analizuar karshi ligjeve dhe standardeve vendore e ndërkombëtare. Raporti paraqet përfundimet dhe rekomandimet për institucione të ndryshme për promovimin dhe avancimin e të drejtave të fëmijëve dhe interesit të tyre më të mirë.

Këshillat Komunalë për Siguri në Bashkësi KKSB-të