Publications

Analiza shqyrton qasjen shumëdimensionale dhe ndërlikueshmërinë e masave të prezantuara mbi gjininë dhe diversitetin gjatë pandemisë në Maqedoninë e Veriut. Kapitulli i parë ofron një përmbledhje të analizës gjinore të masave të miratuara nga Qeveria nga perspektiva e të drejtave të njeriut, ndërsa kapitulli i dytë përqendrohet në pjesëmarrjen e grave dhe burrave në tregun e punës, dhunën ndaj grave, pjesëmarrjen e grave dhe burrave në vendimmarrjen në përgjigjen ndaj COVID-19, etj. Kapitulli i tretë paraqet dhe analizon boshllëqet gjinore të krijuara nga përgjigja e ndajCOVID-19, ndërsa kapitulli i fundit përfshin propozime për masat që do të merren në periudhën pas COVID-19. Analiza u zhvillua nga Misioni i OSBE-së në Shkup në partneritet me Qendrën për Hulumtim dhe Krijim të Politikave (CRPM) dhe organizatat e shoqërisë civile: Radar, Polio Plus, Koalicioni Rural, si dhe Rrjeti kombëtar kundër dhunës ndaj grave dhe dhunës në familje.

Në vitin 2019, Misioni i OSBE-së në Shkup së bashku me Koalicionin ‘Të Gjithë për gjykim të drejtë’ kanë kryer monitorim të gjykimeve, të përqëndruar në çështjet penale në fushën e krimit të organizuar dhe korrupsionit. Analiza e të dhënave të marra nga gjykimet e monitoruara ofron një pasqyrë më të thellë në zbatimin e Ligjit për Procedurën Penale në çështjet e krimit të organizuar dhe korrupsionit, si dhe ofron rekomandime për ndërhyrjet dhe reformat e ardhshme drejt sistemit të forcuar gjyqësor në Republikën e Maqedonisë së Veriut, i cili nga ana tjetër, duhet të çojë drejt rritjes së besimit të publikut në gjyqësor.

Kjo analizë është e përkrahur nga Misioni i OSBE- së në Shkup dhe është përpiluar në bashkëpunim me Akademinë për gjykatës dhe prokurorë publik me qëllim të ndihmojë Akademinë në procesin e planifikimit të drejtë dhe hartimin e priorireteve për zhvillim. Në këtë analizë të situatës aktuale, e shoqëruar edhe me hulumtime empirike janë përfshirë një numër i madh i gjetjeve dhe rekomandimeve të bazuara mbi dokumente të miratuara strategjike, si dhe hulumtime dhe rekomandime që kanë të bëjnë me sektorin juridik në Maqedoninë e Veriut dhe kanë pika të përbashkëta me punën e Akademisë për gjykatës dhe prokurorë publik.

Sondazhi ‘Barometri për mundësi të barabarta,’ i zhvilluar nga Misioni i OSBE-së në Shkup eksploron perceptimet e publikut mbi diskriminimin dhe pabarazinë. Gjithashtu bën një analizë krahasuese të rezultateve të tre sondazheve të kryera në vitin 2009, 2013 dhe 2018, dhe ofron një pasqyrë lidhur me kahjen dhe intensitetin e ndryshimeve të perceptimeve, qëndrimeve, njohurive dhe vetëdijes për diskriminimin dhe pabarazinë në vend, në periudhën nga viti 2009 deri në vitin 2018. Raporti shqyrton përgjigjet e burrave dhe grave lidhur me diskriminimin në shtatë baza- gjininë, përkatësinë etnike, religjionin ose besimin, moshën, paaftësinë, orientimin seksual dhe përkatësinë politike.

Ky raport paraqet rezultatet e hulumtimit mbi viktimizimin nga krimi i urrejtjes që u zhvillua në Maqedoninë e Veriut në qershor dhe korrik të vitit 2018. Hulumtimi, i pari i këtij lloji i kryer në vend, ofron një pasqyrë më të plotë të viktimizimit nga krimi i urrejtjes në Maqedoninë e Veriut dhe efektet e tij se sa është ofruar deri më sot, si dhe të identifikohet shkalla e mos denoncimit të incidenteve nga krimi i urrejtjes nëpërmjet kryerjes së hulumtimeve në një sërë komunitetesh të tjera të identitetit shoqëror shumicë dhe pakicë në bazë të përkatësisë etnike, religjionit, orientimit seksual, aftësisë së kufizuar dhe bindjeve politike. Raporti ka për qëllim të ofroj dëshmi për nevojën e zhvillimit të masave efektive që do të reagojnë ndaj problemit dhe do të luftojnë kundër tij, që do të udhëzojnë politikën dhe strategjinë e synuar nga autoritetet kombëtare dhe lokale dhe do mbështesin organizatat e shoqërisë civile në punën e tyre promovuese.

Ky publikim shqyrton efikasitetin e programeve kombëtare dhe masave për punësimin e personave me aftësi të kufizuara. Këtë e bën nëpërmjet analizës së tërthortë të kornizës ligjore, politike, institucionale dhe infrastrukturore, duke u fokusuar në rezultatet, efektet dhe rezultatet e secilit veçmas, si dhe në ndikimin e përgjithshëm të tyre. Konkluzionet dhe rekomandimet, në përputhje me të dhënat e fituara dhe me Konventën e OKB-së për të Drejtat e Personave me Aftësi të Kufizuara dhe Direktivën e Këshillit 2000/78 / EC për Trajtimin e Barabartë në Punësim dhe Profesion, ofrojnë udhëzime për hapat e mëtejmë për rritjen e përfshirjes së plotë të personave me aftësi të kufizuara në tregun e hapur të punës. Publikimi nuk është në dispozicion në gjuhën angleze.

Analiza paraqet një kontribut të përbashkët të Shoqatës së Prokurorëve Publik dhe Sektorit për Sundimin e së Drejtës pranë Misionit të OSBE në Shkup ndaj procesit të vendosjes së politikës dhe praktikës së unifikuar penale në sistemin tonë juridiko-penal. E njëjta i trajton të dhënat që kanë të bëjnë me marrëveshjet e realizuara në katër juridiksionet e gjykatave të apelit në: Manastir, Gostivar, Shkup dhe Shtip, brenda periudhës nga 1 dhjetori 2013 deri në 31 mars të vitit 2015.

Analiza për zbatimin në praktikë të masës së paraburgimit dhe korniza teorike ligjore e paraparë në Ligjin për Procedurë Penale1 të vitit 2010 (në tekstin e mëtejshëm LPP i vitit 2010), i cili vendosi reforma konceptore në legjislacionin e procedurave penale në vend, duke futur elemente karakteristike për sistemet akuzuese, është rezultat i bashkëpunimit ndërmjet Shoqatës për Drejtësi Penale dhe Kriminologji dhe Sektorit të sundimit të së drejtës në Misionin e OSBE-së në Shkup. Të dhënat e paraqitura në Analizë kanë të bëjnë me periudhën e nëntë muajve të parë të zbatimit të LPP të vitit 2010, përkatësisht nga 1 dhjetori i vitit 2013 deri më 31 gusht të vitit 2014 në katër gjykata themelore (Manastir, Tetovë, Shkup dhe Shtip).

Fokusi i këtij Doracaku është i orientuar në disa aspekte, e para së gjithash në fenomenologjinë e komunikimit elektronik dhe në zëvendësimin e sistemit konvencional të ndjekjes së informatave me një sistem të ri, i cili mundëson transfer të sasive të mëdha të të dhënave në distancë të madhe në mënyrë më të shpejtë dhe më efikase. Ky Doracak nuk ka për qëllim të japë udhëzime për veprim hap pas hapi, por ideja është që të ofrohet një vegël e dobishme – udhëzues që do të përmbajë terme që do ta lehtësojnë identifikimin e mjeteve me të cilat kryhet ky lloj i kriminit, lloji i provave që duhet të sigurohen, si dhe mënyra e drejtë e sigurimit të tyre, me çka do të lehtësohet procesi i vërtetimit të provave. Udhëzuesi u dedikohet kryesisht prokurorëve, por mund ta përdorin poashtu edhe gjykatësit e së drejtës penale, si dhe avokatët mbrojtës.

Udhëzuesi mbi Bazat për Diskriminimit (Udhëzuesi) paraqet një shqyrtim sistematik dhe analitik i bazave për diskriminim përmes shqyrtimit të definicioneve ekzistuese (dhe elementeve përbërëse të tyre) në të drejtën ndërkombëtare dhe atë të brendshme, në praktikën ndërkombëtare dhe atë të brendshme të gjykatave dhe organeve, si dhe në literaturën akademike dhe atë gri. Ai sqaron domethënien e tyre, shtrirjen, rrugën evolutive, pyetjet e hapura dhe diskutimet mbi domethënien dhe shtrirjen e tyre, dhe jep shembuj nga praktika e diskriminimit në një bazë të caktuar, dhe me qëllim që t’u ndihmojë praktikuesve (para së gjithash, praktikuesve juridik) në kuptimin, interpretimin dhe aplikimin e tyre.