Publications

Ky raport synon të ofrojë vlerësim objektiv dhe aktual, të bazuar në fakte, të trajtimit të rasteve të dhunës në familje nga gjykatat e Kosovës, bazuar në analizën e rasteve të monitoruara drejtpërsëdrejti nga ana e monitoruesve të gjykimeve të OSBE-së si dhe parashtresat ligjore e vendimet gjyqësore për periudhën kohore 1 janar- 1 dhjetor 2023.

Ky raport shqyrton të dhënat statistikore në dispozicion publik dhe vrojtime faktike të mbledhura rreth funksionimit të institucioneve të sistemit të drejtësisë së Kosovës në rajonin e Mitrovicës para dhe pas dorëheqjes masive të gjyqtarëve, prokurorëve dhe stafit administrativ serb të Kosovës në nëntor 2022. Raporti identifikon ndikimin e dorëheqjeve në sistemin e drejtësisë në Mitrovicë me fokus në sundimin e ligjit dhe standardet e gjykimit të drejtë, veçanërisht të drejtën për gjykim brenda një kohe të arsyeshme dhe qasjen në drejtësi.

Raporti i OSBE-së “Menaxhimi i lëndëve penale dhe orarit të gjykimeve” i shqyrton shqyrtimet gjyqësore penale të planifikuara që të mbahen gjatë periudhës tremujore të raportimit në vitin 2023. Ai i shtjellon praktikat më të mira ndërkombëtare të menaxhimit të lëndëve dhe shpalosë gjetjet nga monitorimi i gjykimeve nga OSBE me qëllim vlerësimin e sfidave dhe barrierave për planifikimin efikas të shqyrtimeve gjyqësore penale në Kosovë.

Ky raport ofron një analizë të të dhënave të mbledhura gjatë viteve 2022 dhe 2023 mbi përdorimin e masës së paraburgimit ndaj të pandehurve të moshës madhore në Kosovë në suazat e programit për monitorim të gjykimeve të Misionit të OSBE-së në Kosovë.

Raporti i OSBE-së “Trajtimi i rasteve të terrorizmit nga sistemi i drejtësisë penale të Kosovës” mbulon periudhën 2018-2020 dhe shqyrton të dhënat e mbledhura nga ekipi monitorues i OSBE-së për seanca gjyqësore në më shumë se 50 raste të kategorizuara si vepra penale të terrorizmit ose në lidhje me terrorizëm. Raporti gjithashtu ofron një pasqyrë gjithëpërfshirëse të kornizës ligjore për rastet e terrorizmit dhe vlerëson shkallën në të cilën ligji dhe politika e Kosovës janë në përputhje me standardet ndërkombëtare. Raporti synon të mbështesë praktikuesit ligjorë për të ruajtur standardet më të larta të profesionalizmit në këtë fushë sfiduese të ligjit dhe politikës.

Raporti i OSBE-së “E drejta për përfaqësim efektiv në procedurë penale dhe sistemi i caktimeve sipas detyrës zyrtare” ofron pasqyrim të standardeve të përfaqësimit të mbrojtjes në procedurë penale dhe të funksionimit të sistemit të caktimeve sipas detyrës zyrtare në Kosovë. Raporti mbulon periudhën 2020-2021 dhe përdorë anketat me praktikuesit ligjorë së bashku me gjetjet e OSBE-së nga monitorimi i gjykimeve, për të vlerësuar disa nga sfidat dhe barrierat për përfaqësimin efektiv të mbrojtjes në procedurë penale në Kosovë.

Monitoruesi i Drejtësisë është publikim i gjetjeve të monitoruesve të OSBE-së në gjykatat e shkallës së parë në Kosovë (Gjykatat themelore). Monitoruesi i Drejtësisë synon që politikbërësve dhe akterëve të sektorit të drejtësisë t’u sigurojë treguesit e duhur, të cilët ndryshe nuk do të ishin në dispozicion, për t’i ndihmuar në identifikimin e mangësive të përputhshmërisë në ndarjen e drejtësisë, si dhe për ta përcjellë progresin e arritur në përmirësimin e mangësive në fjalë.

Në dhjetor të vitit 2017 Misioni i OSBE-së në Kosovë publikoi raportin që vlerëson performancën dhe ndikimin e Këshillit Konsultativ për Komunitete, si organ kyç për mbrojtjen e komuniteteve në Kosovë që funksionon në kuadër të Zyrës së Presidentit. Raporti thekson se Këshilli, i cili është themeluar në vitin 2008, është konsoliduar mirë në sistemin institucional, duke mbajtur mbledhje të rregullta dhe duke u angazhuar në komunikim me një spektër të gjerë të institucioneve për të përcjellë çështje të ndryshme të komuniteteve që kanë të bëjnë me politikat dhe legjislacionin. Megjithatë, ndikimi i tij i përgjithshëm në të drejtat dhe mirëqenien e komuniteteve mbetet i kufizuar, pasi që Këshilli ballafaqohet me reagim jo të barabartë dhe të pamjaftueshëm nga spektri më i gjerë institucional si dhe me kapacitete jo-adekuate për kontaktim të komuniteteve jo-shumicë në terren. Raporti vlerëson përbërjen, performancën dhe ndikimin e Këshillit gjatë periudhës kohore 1 janar 2015- 31 dhjetor 2016.

Monitoruesi i Drejtësisë është publikim i gjetjeve të monitoruesve të OSBE-së në gjykatat e shkallës së parë në Kosovë (Gjykatat themelore). Monitoruesi i Drejtësisë synon që politikbërësve dhe akterëve të sektorit të drejtësisë t’u sigurojë treguesit e duhur, të cilët ndryshe nuk do të ishin në dispozicion, për t’i ndihmuar në identifikimin e mangësive të përputhshmërisë në ndarjen e drejtësisë, si dhe për ta përcjellë progresin e arritur në përmirësimin e mangësive në fjalë.

Ky raport ofron një pasqyrë të përgjithshme të zbatimit të Kodit të ri të procedurës penale (KPKK) që ka hyrë në fuqi më 1 janar 2013, bashkë me pjesë tjera legjislative që e reformojnë sistemin e drejtësisë në Kosovë. KPP ka futur ndryshime të mëdha në procedurat penale në Kosovë, duke e konsoliduar një ndryshim nga sistemi fillimisht inkuizitor i vendosur para vitit 2003- kryesisht në fuqi gjatë viteve 2003- 2012, në një sistem që karakterizohet kryesisht si akuzator.