Publications

Ky raport përshkruan rezultatet nga punëtoria dyjavore e Laboratorit të trashëgimisë mbi zhvillimin rural të mbajtur në Letnicë më 2019, si dhe përshkruan procesin e hartimit të një plani të zhvillimit rural nga faza e tij e hershme. Bazuar në përvojën ndërkombëtare dhe njohuritë lokale, raporti ofron një pasqyrë të aspekteve shumëplanëshe të zhvillimit rural përmes vlerësimit të trashëgimisë kulturore dhe natyrore. Raporti gjithashtu paraqet sfidat kryesore me të cilat përballen Letnica dhe komuniteti i vogël kroat në Kosovë, si dhe tiparet pozitive dhe potencialin që ka ky fshat shumetnik për të kontribuuar në ndryshimin e tij të qëndrueshëm. Bazuar në analizën e burimeve lokale, raporti ofron rekomandime të përgjithshme zhvillim, të cilat përfaqësojnë katër shtyllat e zhvillimit të qëndrueshëm: sociale, ekonomike, mjedisore dhe kulturore. Këto rekomandime duhet të nxisin hartimin e një plani të plotë të zhvillimit rural dhe planit të veprimit për të udhëzuar zbatimin e tij për Letnicën dhe komunitetet që jetojnë atje.

Udhëzuesi për standardet për hartimin e planeve të menaxhimit të trashëgimisë kulturore është rezultat i bashkëpunimit intensiv të Misionit të OSBE-së në Kosovë me ekspertë ndërkombëtarë dhe akterë vendorë në fushën e trashëgimisë kulturore. Planet e menaxhimit janë instrumente kyçe për menaxhimin e duhur të monumenteve të trashëgimisë, mbrojtjen, prezantimin dhe zhvillimin e qëndrueshëm të tyre. Udhëzuesi ka për qëllim të kontribuojë në të kuptuarit e funksionimit të planeve të menaxhimit, parimeve që duhet marrë parasysh gjatë procesit të hartimit, si dhe të paraqesë një pasqyrë të instrumenteve për hartimin e planeve të tilla. Udhëzuesi i drejtohet të gjithë akterëve të përfshirë në menaxhimin e monumenteve të trashëgimisë, duke përfshirë publikun e gjerë, si dhe mëton të kontribuojë në mbrojtjen e qëndrueshme e afatgjate të trashëgimisë kulturore në Kosovë, të bazuar në të drejtat e njeriut.

Monitori i të Drejtave Pronësore është publikim gjashtëmujor i vrojtimeve të monitorimit të OSBE-së në tërë Kosoven dhe ka për qëllim të ofrojë një pasqyrë të gjendjes në terren mbi të drejtat pronësore dhe banesore të pjesëtarëve të komuniteteve joshumicë dhe përsonave të zhvendosur.

Ky raport vlerëson 20 vjet të funksionimit të mekanizmave të shqyrtimit të kërkesave në masë për të drejtat pronësore në Kosovë. Zgjidhja e kërkesave pronësore të lidhura me konfliktin padyshim që përbën hap kyç drejt mbrojtjes së të drejtave të komuniteteve të prekura në Kosovë. Kjo gjithashtu përkrahë kthimin dhe inkurajon procesin e gjithmbarshëm të pajtimit dhe marrëdhëniet ndërmjet-komuniteteve brenda shoqërisë. Prandaj, funksionimi efektiv i mekanizmave të tillë ka ndikim të rëndësishëm potencial në jetën e mijëra personave të zhvendosur dhe refugjatë.

Ky raport shqyrton mbrojtjen e të drejtave të fëmijëve të përfshirë në sistemin e drejtësisë në Kosovë. Vëzhgimet nga monitorimi i gjykimeve dhe intervistat me zyrtarë të gjyqësorit, por edhe të tjerë, janë analizuar karshi ligjeve dhe standardeve vendore e ndërkombëtare. Raporti paraqet përfundimet dhe rekomandimet për institucione të ndryshme për promovimin dhe avancimin e të drejtave të fëmijëve dhe interesit të tyre më të mirë.

Këshillat Komunalë për Siguri në Bashkësi KKSB-të

Monitori i të Drejtave Pronësore është publikim gjashtëmujor i vrojtimeve të monitorimit të OSBE-së në tërë Kosoven dhe ka për qëllim të ofrojë një pasqyrë të gjendjes në terren mbi të drejtat pronësore dhe banesore të pjesëtarëve të komuniteteve joshumicë dhe përsonave të zhvendosur.

Raporti paraqet pasqyrë të gjendjes aktuale të kthimit vullnetar në Kosovë, përfshirë personat e zhvendosur brenda vendit dhe personat e zhvendosur në rajon. Raporti mbulon periudhën nga janari 2015 deri në dhjetor 2018 dhe ofron informata të përditësuara pas raportit të vitit 2014 të OSBE-së për kthimin vullnetar.

Raporti ofron një pasqyrë të gjendjes aktuale në strehimoret e viktimave të dhunës në familje në Kosovë, përvijon kornizën ligjore dhe institucionale që parasheh funksionimin e tyre si dhe mekanizmat komunalë për mbrojtjen nga dhuna në familje. Raporti trajton një numër sfidash ekzistuese, si dhe numëron edhe konkluzat dhe një listë rekomandimesh për institucionet, por edhe për vetë strehimoret.

Përmbledhje e aktiviteteve të Misionit të OSBE-së në Kosovë në fushën e parandalimit dhe luftimit të dhunës në familje.