Skip navigation

Multimedia

Photo

Në kuadër të aktiviteteve të realizuara në mbarë vendin për të shënuar Ditën Ndërkombëtare të Demokracisë, OSBE-ja organizoi seanca të kuvendeve komunale me të rinj nëpër komuna të ndryshme, ku të rinjtë nga radhët e komuniteteve të ndryshme i morën përsipër detyrat e përgjegjësitë e udhëheqësve të tyre politikë. Prizren, 14 shtator 2018

Photo

Misioni i OSBE-së në Kosovë promovoi një udhëzues për gazetarë që ka për qëllim t’u ndihmojë atyre të raportojnë mbi dhunën në familje në mënyrë më efektive, me informata rreth kornizës përkatëse ligjore, procedurës civile, raportimit me ndjeshmëri ndaj viktimave, si edhe strehimoreve e numrave të kontaktit për raportimin e dhunës në familje. Prishtinë, 29 nëntor 2018.

Photo

Me rastin e Ditës Ndërkombëtare të të Drejtave të Njeriut, Misioni i OSBE-së në Kosovë mbajti një ekspozitë fotografish e poezish dhe ndau çmime për artistët më të mirë të rinj të cilët morën pjesë në konkursin “Të drejtat e njeriut përmes artit” të organizuar nga OSBE-ja. 10 dhjetor 2018. Prishtinë, 10 dhjetor 2018

Photo

Eksperti i OSBE-së duke ligjëruar në një trajnim për mbrojtjen e të drejtave të njeriut në rastet që lidhen me luftimin e ekstremizmit të dhunshëm (LEDH) të mbajtur për gjyqtarë, prokurorë, avokatë mbrojtës, hetues policorë dhe përfaqësues të organizatave të shoqërisë civile në Kosovë. Budvë, më 9 nëntor 2018.

Photo

Shefi i Misionit të OSBE-së në Kosovë, Ambasadori Jan Braathu, duke iu drejtuar me fjalë rasti një konference mbi sfidat dhe praktikat rajonale të lidhura me reformën e sistemit zgjedhor, të organizuar nga Instituti Demokratik i Kosovës. Prishtinë, më 26 tetor 2018.

Photo

Misioni i OSBE-së në Kosovë organizoi seanca të raportimit të simuluar nga gjykata për profesionistë dhe studentë të fushës së gazetarisë, për të zgjeruar njohuritë e tyre rreth procedurave gjyqësore. Gjilan, 25 tetor 2018.

Photo

Christopher Tuetsch, drejtor i Departamentit të Demokratizmit në kuadër të Misionit të OSBE-së në Kosovë, duke hapur një punëtori të nivelit të lartë mbi financimin e partive politike. Prishtinë, më 4 tetor 2018.

Photo

Në kuadër të mandatit për monitorimin e punës së Policisë dhe dhënies së rekomandimeve përkatëse, Misioni i OSBE-së në Kosovë botoi një raport mbi pajtueshmërinë me detyrimet për përdorim të gjuhëve në Policinë e Kosovës, me qëllim përmirësimin e ofrimit të shërbimeve. Prishtinë, 21 shtator 2018.

Photo

Pjesëmarrësit gjatë ndeshjes finale të Turneut të III-të të Basketbollit për të Rinj të Misionit të OSBE-së në Kosovë. Prishtinë, më 8 shtator 2018.

Photo

Kilian Wahl, zëvendësshef i Misionit të OSBE-së në Kosovë, duke biseduar me pjesëmarrësit e ekspozitës “Riciklimi përmes artit” të organizuar nga OSBE-ja, Mitrovicë Jugore, më 3 korrik 2018.

Photo

Panelistët gjatë emisionit të parë mbi edukimin mediatik dhe informimin, përkrahur nga Misioni i OSBE-së në Kosovë, Prishtinë, 24 maj 2018.

Photo

Misioni i OSBE-së në Kosovë, në bashkëpunim me UNFPA-në, botuan një raport për këndvështrimin e burrave mbi barazinë gjinore në Kosovë të bazuar në rezultatet e Anketës ndërkombëtare mbi burrat dhe barazinë gjinore (IMAGES), që është realizuar për herë të parë në Kosovë. Prishtinë, më 25 maj 2018.