Skip navigation

0Meta Navigation

× Close search

Navigation

Kreu Materiale Multimedia

Multimedia

Photo
Pjesëmarrësit përgatisin prezantime të ideve të tyre për projekte, Prishtinë, 14 tetor 2022
Photo
Komisioneri për Gjuhët, Slaviša Mladenović, gjatë seancës plenare me temë diversiteti dhe të drejtat gjuhësore, Prishtinë, 13 tetor 2022
Collection: 12 Photos
Misioni i OSBE-së në Kosovë mban edicionin e katërt të Akademisë së të Rinjve
Photo Gallery
Edicioni i 4-të i Akademisë së të Rinjve i Misionit të OSBE-së në Kosovë u mbajt nga 11 deri më 14 tetor 2022, me pjesëmarrjen e rreth 60 të rinjve nga komunitete dhe fusha të ndryshme. Programi katërditor kishte si synim që të ndihmonte të rinjtë të marrin rol më të madh në ndryshimet e vazhdueshme në shoqëri dhe të angazhohen në mekanizmat vendimmarrës dhe politikbërës. Ai përfshinte sesione interaktive me tema si edukimi për të drejtat e njeriut, mosdiskriminimi dhe barazia, trashëgimia kulturore dhe të drejtat e komuniteteve. Pjesëmarrësit vizituan edhe objekte të trashëgimisë kulturore dhe fetare në qendrën historike të Prizrenit, dhe ndoqën ligjërata nga drejtues të institucioneve për të drejtat e njeriut dhe aktivistë të rinj mbi përvojat, iniciativat dhe ndikimin e tyre. Më pas, pjesëmarrësit punuan në grupe për të përvijuar ide për projekte në tema si barazia gjinore, dhuna në familje, të drejtat e komuniteteve dhe tejkalimi i barrierave gjuhësore, të cilat i paraqitën para panelit të jurisë dhe do t'i zbatojnë më vonë në komunitetet e tyre lokale.
Collection: 9 Photos
Mësime të nxjerra lidhur me praktikat e ndërtimit të paqes në Irlandën e Veriut
Photo Gallery
Misioni i OSBE-së në Kosovë ka organizuar një vizitë studimore në Belfast për 12 të diplomuara të Akademisë së Dialogut të OSBE-së për Gratë e Reja me synim të ngritjes së shkathtësive dhe potencialit të tyre për të kontribuar në përpjekjet e ndërtimit të paqes dhe besimit. Që nga viti 2012, Misioni i OSBE-së në Kosovë dhe Misioni i OSBE-së në Serbi lehtësoi një sërë takimesh me pjesëmarrje të grave të shquara nga Prishtina dhe Beogradi me qëllim të shkëmbimit të ideve dhe praktikave më të mira mbi fuqizimin e grave në të dyja shoqëritë, që njihet si Iniciativa “Na ndiqni (Follow Us)”. Si rezultat i punës së tyre, më 2015 u themelua Akademia e Dialogut për Gratë e Reja nga Prishtina dhe Beogradi. Programi i Akademisë së Dialogut përfshin të mësuarit interaktiv përmes punës në grupe, lojës me role, zhvillimit të ideve të përbashkëta të projektit dhe diskutimeve me të ftuar dhe praktikues në politikë për një gamë të gjerë temash, duke përfshirë dialogun, ndërmjetësimin dhe negocimin, rolin e grave në paqe dhe siguri, dhe parandalimin e dhunës ndaj grave dhe vajzave. Pas përfundimit të Akademisë së Dialogut, pjesëmarrëset bëhen pjesë e Rrjetit të të Diplomuarave të Dialogut, rrjet që tani numëron mbi 180 anëtarë. Ky rrjet është platformë e shkëlqyer për të rejat nga të dyja shoqëritë për të vazhduar me promovimin dhe avancimin e dialogut dhe ndërtimin e paqes. Për të plotësuar teorinë me praktikën dhe për të mësuar rreth zgjidhjes së konflikteve përmes shembujve të jetës reale, për një numër të përzgjedhur pjesëmarrësesh të Akademisë së Dialogut Misioni organizoi një vizitë në Belfast për një trajnim intensiv mbi ndërmjetësimin, zgjidhjen e konflikteve dhe ndërtimin e paqes. Gjatë këtij udhëtimi studimor, pjesëmarrëset u takuan me figura të shquara që ishin dhe ende janë të përfshira drejtpërdrejt në ndërtimin e paqes dhe nxitjen e marrëdhënieve ndërmjet komuniteteve në Irlandën e Veriut.
Photo
Pjesëmarrëset nga Prishtina dhe Beogradi arrijnë në Belfast për të filluar udhëtimin tyre studimor. Belfast, 9 tetor 2022.
Photo
Pjesëmarrëset e edicionit të 8-të të Akademisë së Dialogut të OSBE-së për Gratë e Reja në vizitën e realizuar në Selinë e OSBE-së. Vjenë, Austri, 23 shtator 2022.
Photo
Ambasadori Michael Davenport gjatë publikimit të Strategjisë së re për avancimin e të drejtave të komuniteteve rom dhe ashkali, Prishtinë, 19 shtator 2022
Photo
Ministrja e Drejtësisë, Albulena Haxhiu, gjatë publikimit të raportit të Misionit të OSBE-së në Kosovë Trajtimi i rasteve të terrorizmit nga sistemi i drejtësisë penale të Kosovës, Prishtinë, 19 shtator 2022.
Photo
Zyrtarë të Policisë së Kosovës gjatë trajnimit të organizuar nga OSBE mbi parandalimin e krimeve përmes përfshirjes së komunitetit, Prishtinë, 13 shtator 2022.
Photo
Maria Paschou, ushtruese e detyrës në Seksionin për Ligj dhe Drejtësi, Misioni i OSBE-së në Kosovë, duke prezantuar raportin më të fundit tematik mbi: E drejta për përfaqësim efektiv në procedurë penale dhe sistemi i caktimeve sipas detyrës zyrtare. Prishtinë 11 gusht, 2022.
Photo
Shfaqja e dokumentarëve të shkurtër për të drejtat e njeriut dhe vlerat demokratike në festivalin e filmit DokuFest, mbështetur nga Misioni i OSBE-së në Kosovë.
Photo
Besnik Beqaj, pjesëtar i Grupit të trajnuesve për të drejtat e njeriut, i themeluar nga OSBE, duke ligjëruar në trajnimin e parë me fokus në Gjykatën Evropian për Drejtat e Njeriut dhe qasjen e saj ndaj të drejtave pronësore. Prishtinë, 30 maj 2022.