Documents library

Intervistë me Shefin e Misionit të OSBE-së në Shkup, ambasadorin Clemens Koja për Independent Balkan News Agency (IBNA).

Raporti i hulumtimit shqyrton çështje të ndryshme, të cilat vënë në dukje situatën e dhunës ndaj grave dhe vajzave me aftësi të kufizuara në vend. Ai gjithashtu jep një pasqyrë gjithëpërfshirëse të kornizës kombëtare dhe ndërkombëtare për mbrojtjen e të drejtave të grave dhe vajzave me aftësi të kufizuara, si dhe ofron një pasqyrim të perceptimit dhe përvojës së tyre personale me dhunën dhe diskriminimin. Raporti synon të tregojë problemet me të cilat përballen gratë dhe vajzat me aftësi të kufizuara, si dhe të ofrojë rekomandime specifike se si t'i kapërcejnë ato.

Raporti i Vlerësimit ofron një përmbledhje të gjendjes së zbatimit të Konventës së Aarhusit në Maqedoninë e Veriut. Ai ofron një sfond të shkurtër historik të Konventës dhe angazhimeve të lidhura me OSBE-në. Fokusi kryesor është vënë në kornizën ligjore dhe institucionale në vend dhe më e rëndësishmja, në fushat e ndërhyrjes që Misioni i OSBE-së në Shkup mund të ndjekë në përputhje me specifikat e mandatit të vet.

Ky raport u botua si bazë për të mbështetur përpjekjet në Maqedoninë e Veriut për të promovuar një qasje shumë-palëshe në parandalimin dhe kundërvënien ndaj ekstremizmit të dhunshëm dhe radikalizmit që çon në terrorizëm (EDhRÇT) në përputhje me praktikat më të mira në OSBE. Raporti paraqet gjetjet nga dhjetë tryeza të rrumbullakëta, të organizuara nga Misioni i OSBE-së në Shkup, në bashkëpunim me Zyrën e Koordinator nacional për parandalimin e ekstremizmit të dhunshëm dhe luftë kundër terrorizmit(KEDh/KT), lidhur me Strategjinë kombëtare të vendit për Parandalimin e Ekstremizmit të Dhunshëm të miratuar në shkurt 2018. Raporti gjithashtu thekson praktikat e mira, si dhe ofron rekomandime për një qasje shumë-palëshe në parandalimin dhe kundërvënien ndaj EDhRÇT.

Zyra e Prokurorisë Speciale Publike (PSP) u themelua nga Parlamenti i Maqedonisë së Veriut në shtator të vitit 2015 në bazë të marrëveshjes për të tejkaluar krizën politike që u shfaq pas skandalit të përgjimeve në vitin 2015.

Si pjesë e projektit gjatë vitit 2019, Misioni i OSBE-së në Shkup mbështeti monitorimin e rasteve gjyqësore të dhunës në familje dhe dhunës në bazë gjinore para gjykatave themelore në të katër rajonet e apelit në vend, të kryera nga rrjeti i 14 organizatave të shoqërisë civile, Koalicioni 'Të gjithë për gjykim të drejtë'. Duke identifikuar dobësitë si dhe pikat e forta në gjykimet e rasteve të dhunës në familje dhe ato gjinore, Analiza shërben për të përcaktuar nëse mbrojtësit e ligjit zbatojnë masa mbrojtëse procedurale për jetën dhe lirinë, si dhe për të prodhuar rekomandime që mbështesin reformën legjislative dhe adresojnë mangësitë duke promovuar standarde vendase dhe ndërkombëtare të gjykimit të drejtë.

Gjatë vitit 2018, me qëllim të mbështetjes së reformës në drejtësi, Misioni i OSBE-së në Shkup mbështeti monitorimin e gjykimit të çështjeve të krimit të përgjithshëm para gjykatave kompetente në katër rajonet e Apelit në vend, të kryera nga organizata e shoqërisë civile Koalicioni 'Të gjithë për gjykim të drejtë’, një rrjet i përbërë nga 14 organizata të shoqërisë civile. Monitorimi i gjykimeve synonte rritjen e kontrollit publik mbi sektorin e drejtësisë duke forcuar kapacitetet për monitorim të qëndrueshëm dhe sistematik të gjykimeve nga organizatat civile, që rezultoi në këtë analizë, e cila ofron një pasqyrë të zbatimit të Ligjit për Procedurën Penale. Për më tepër, analiza gjithashtu ofron rekomandime për ndërhyrjet dhe aktivitetet e ardhshme që synojnë përforcimin e kapaciteteve të sistemit gjyqësor në vend, të cilat, nga ana tjetër, duhet të çojnë në rritjen e besimit të publikut në sistemin juridik.

Zyra e Prokurorisë Speciale Publike (PSP) u themelua nga Parlamenti në shtator të vitit 2015, pas një marrëveshje politike të ndërmjetësuar nga BE për të kapërcyer krizën politike që u shfaq pas skandalit të përgjimit në vitin 2015. Raporti pason raportin e parë të përkohshëm të publikuar në gusht të vitit 2018, që mbulon themelimin e Prokurorisë Speciale dhe zhvillimet e rasteve të saj deri në konfirmimin e fazës së aktakuzës. Raporti i dytë, që rezulton nga vëzhgimet e monitorimit të rasteve gjyqësore nga Misioni i OSBE-së në Shkup, mbulon njëzet raste në të cilat PSP ka ngritur aktakuza sipas afatit ligjor të 30 qershorit 2017.

Në intervistën për agjensionin e lajmeve MIA, Shefi i Misionit të OSBE-së në Shkup, ambasadori Clemens Koja flet për zhvillimet aktuale politike si dhe punën e Misionit.

Zyra e Prokurorisë Speciale (PSP) u krijua nga Parlamenti në shtator të vitit 2015, pas një marrëveshje politike të ndërmjetësuar nga BE për të kapërcyer krizën politike që u shfaq pas skandalit të përgjimit të vitit 2015. Ky raport është rezultat i vëzhgimit të gjykimeve nga ana e Misionit të OSBE-së në Shkup për rastet nën juridiksionin e PSP-së. Ky raport i përkohshëm fokusohet kryesisht në 20 rastet në të cilat PPS ka parashtruar aktakuzat sipas afatit të paraparë ligjor. Raporti ofron një pasqyrë faktike të akuzave në ato raste dhe i njëjti analizon zhvillimet relevante deri në konfirmimin e aktakuzave, me një theks të veçantë në masat parandaluese dhe polemikat lidhur me pranueshmërinë e përgjimeve. Përveç kësaj, ky raport përfshin informata lidhur me katër raste të ndjekura fillimisht nga Prokuroria themelore publike (PThP), dhe më pas të ndërmarra nga PPS, si dhe ofron një pasqyrë të informatave publike lidhur me hetimet e vazhdueshme të PPS.