Documents library

Raporti i hulumtimit mbi viktimizimin nga krimi i urrejtjes ofron rezultatet nga sondazhi i dytë i viktimizimit për shkak të krimeve të urrejtjes, i kryer në Maqedoninë e Veriut midis qershorit dhe korrikut 2023 (pas sondazhit të parë në vitin 2018). Hulumtimi paraqet një përmbledhje gjithëpërfshirëse të përhapjes së krimeve të urrejtjes në bazë të përkatësisë etnike, religjionit, orientimit seksual, aftësisë së kufizuar dhe bindjeve politike, siç perceptohen nga viktimat, si dhe shqyrton mosraportimin e duhur të krimeve të urrejtjes. Hulumtimi vjen katër vjet pas miratimit të ndryshimeve në Kodin Penal, të cilat vendosin “urrejtjen” si formë të kualifikuar të disa veprave penale. Raporti synon të ofrojë prova që do të ndihmojnë në formulimin e masave efektive që i përgjigjen dhe luftojnë këtë dukuri, drejtojnë politikat dhe strategjitë e synuara nga autoritetet kombëtare dhe lokale, si dhe mbështesin organizatat e shoqërisë civile në avokimin e tyre.

Ky hulumtim u ndihmon personave me aftësi të kufizuar në tejkalimin e problemit që kanë me moszbatimin e përshtatjes së nevojshme, si dhe krijuesve të politikës së punës, por edhe organeve dhe trupave kombëtare që kanë obligim të veprojnë për zvogëlimin e kësaj dukurie. Ky Raport hulumtues disponon me të dhëna që janë relevante për problemin me përshtatjen e nevojshme të vendit të punës për personat me aftësi të kufizuar, të grupuar në baza të ndryshme, si dhe mundëson nxjerrjen e konkluzioneve të rëndësishme për punën e Komisionit për mbrojtje nga diskriminimi.