Ambasadori Bernd Borchardt
Ambasadori Bernd Borchardt është Kryetar i Prezencës së OSBE-së në Shqipëri që prej 1 tetorit 2016. Ai është një diplomat i lartë gjerman, me përvojë të gjerë në Evropën Juglindore. Nga 2007 në 2010, ai shërbeu si ambasador i Republikës Federale të Gjermanisë në Shqipëri dhe, gjatë dy viteve pasuese, qe Koordinator i Personelit Gjerman në Organizatat Ndërkombëtare, në Ministrinë e Jashtme gjermane.
Nga 2013 në 2014, ambasadori Borchardt kryesoi misionin EULEX në Kosovë, ku ai pati punuar edhe në vitet 1998-1999 si Zëvendëskryetar i Misionit Verifikues të OSBE-së në Kosovë. Më 2014, ambasadori Borchardt u bë Drejtor Themelues i Akademisë Ndërkombëtare të Parimeve të Nurembergut, deri në emërimin e tij në postin e Kryetarit të Prezencës së OSBE-së në Shqipëri.
Më herët në karrierën e tij, ai ka mbajtur poste diplomatike në Rumani, Estoni, Afrikën e Jugut dhe Guine.
Ambasadori Borchardt ka studiuar Psikologji dhe Drejtësi. Ai flet gjermanisht, anglisht dhe frëngjisht.
Kryetarë të mëparshëm të Prezencës së OSBE-së në Shqipëri
1997-1999: Daan Everts (Vendet e Ulëta)
1999-2002: Geert-Hinrich Ahrens (Gjermani)
2002-2004: Osmo Lipponen (Finlandë)
2004-2007: Pavel Vacek (Republika Çeke)
2007-2010: Robert Bosch (Vendet e Ulëta)
2010-2013: Eugen Wollfarth (Gjermani)
2013-2016: Florian Raunig (Austri)