Publications

Оваа публикација беше изработена во соработка со националната Академија за судии и јавни обвинители. Ги анализира индивидуалните мерки за извршување на пресудите на Европскиот суд за човекови права (ЕСЧП). Публикацијата се фокусира на преиспитувањето на случаи или повторното отворање на постапки по пресуда на ЕСЧП според која е утврдена повреда на Европската конвенција за човекови права, како едно од средствата за постигнување на т.н. restitutio in integrum.

Оваа публикација беше изработена во соработка со националната Академија за судии и јавни обвинители. Публикацијата ги анализира општите мерки за извршување и ја анализира моменталната состојба со извршувањето на пресудите на Европскиот суд за човекови права (ЕСЧП) во случаите против Северна Македонија. Исто така ги идентификува промените, кои биле направени или допрва треба да бидат направени како дел од процесот на извршување на тие пресуди, откривајќи ги клучните предизвици во праксата.

Оваа публикација беше изработена во соработка со националната Академија за судии и јавни обвинители. Публикацијата дава општ преглед на процесот на извршување на пресудите на Европскиот суд за човекови права (ЕСЧП): ја објаснува улогата на Комитетот на министри при Советот на Европа; ги разработува т.н. општи и поединечни мерки на извршување и ја разгледува националната правна рамка која се однесува на извршувањето на пресудите на ЕСЧП.

Публикацијата е базична студија која се занимава со размислувањата за родот и различноста во правосудниот систем преку донесување меѓународна перспектива за националното разбирање на улогата на жените во судството и обезбедувајќи релевантни податоци и анализи од перспектива на родот и различноста (етничка припадност, јазик, попреченост, возраст, социјален статус, религија или верување). Студијата ја рефлектира моменталната ситуација во Северна Македонија и нуди препораки кои би послужиле како солидна основа за идни интервенции засновани на факти и одржливи за изградба на поинклузивен правосуден систем во согласност со решенијата за добри практики истакнати од ОБСЕ/ОДИХР.

Публикацијата ги вклучува наодите од првото национално истражување за перцепцијата на жените во Северна Македонија и одговори од дискусиите на двете фокус групи со жртви на изнуда на сексуални услуги, спроведени во 2021 година. Некои од одговорите на испитаничките вклучуваат дали жените препознале сексуална изнуда од страна на вработените во јавниот сектор во замена за обезбедување јавна услуга како форма на корупција, дали функционерите од позиција на моќ имаат тенденција да бараат сексуални услуги наместо пари/мито со цел да обезбедат јавна услуга која се должни да ја обезбедат во согласност со законите, исто така дали има сексуална изнуда и во приватниот сектор, како и дали испитаничките би пријавиле сопствено или туѓо искуство со оваа форма на корупција. Наодите од извештајот имаат за цел да поттикнат дебата и на крајот да доведат до криминализација на изнудата на сексуални услуги како чин на корупција во Северна Македонија.

Прирачникот за менторство има за цел да го поддржи професионалниот и личниот развој на жените вработени во јавниот сектор преку создавање на концепт за взаемна поддршка, споделување знаења и искуства, како и зајакнување на солидарноста и вмрежувањето меѓу нив. Ги опфаќа потребните клучни техники и алатки за ефективно водење на менторскиот процес помеѓу жените ангажирани во јавната администрација. Публикацијата е изработена во соработка со Министерството за труд и социјална политика во рамките на менторската програма „Жени за жени во јавната администрација“.

Анализата има за цел да даде увид во состојбата со онлајн вознемирувањето и нападите врз новинарките во Северна Македонија, како форма на родово базирано насилство, како и идентификување на можни решенија за надминување на проблемот и механизми и ресурси за обезбедување на соодветна заштита и помош.

Анализата вклучува детален преглед на судската пракса на Европскиот суд за човекови права (ЕСЧП), во однос на говорот на омраза и кривичните дела од омраза. Имајќи ја предвид постојано растечката судска практика на ЕСЧП во оваа област, анализата ги разгледува најзначајните и највлијателните одлуки и неодамнешните значајни пресуди за темите.

Овој прирачник, развиен во соработка помеѓу Мисијата на ОБСЕ во Скопје и националната Академија за судии и јавни обвинители, има за цел да ги подобри капацитетите на претставниците на органите за спроведување на законот во Северна Македонија кога работат со виртуелни валути во кривичната постапка преку обезбедување на практични информации за истражителите и обвинителите за откривање, истражување, гонење и заплена на виртуелни валути во кривичната постапка.

Коментарот на Законот за управните спорови, подготвен од националните експерти, служи како водич за судиите од Управниот и од Вишиот управен суд, странките во управната постапка, претставниците на јавните тела и другите правни професионалци кои би сакале да стекнат подлабоко разбирање на правните стандарди воведени со овој закон. Публикацијата дава коментари на одредбите во однос на управните спорови, примери од судската пракса и сеопфатна, стручна и научно поткрепена содржина за примената и толкувањето на одредбите од Законот за управните спорови. Дополнително, ќе помогне во проширувањето на алатките и ресурсите за учење на Академијата за судии и јавни обвинители за сегашните и идните судии и јавни обвинители, правните практичари, законодавците и студентите.