News and press releases

Со цел да го унапреди истражувачкото новинарство и да им помогне на медиумските професионалци да ги усовршат своите дигитални истражувачки вештини, преку потемелно истражување да можат да ги изнесат фактите на виделина, Мисијата на ОБСЕ во Скопје објави курс за е-учење на 15 ноември 2022 година. Овој курс за е-учење нуди комплет алатки за новинари кои истражуваат корупција или други високопрофилни случаи од јавен интерес. Курсот вклучува голем број корисни средства и техники кои ќе им помогнат на истражувачките новинари да најдат повеќе информации на различни онлајн платформи. Курсот ќе им помогне на новинарите да го испланираат истражувањето, да вршат успешно онлајн пребарување преку платформите и да прибираат информации, да спроведуваат успешни интервјуа и да ги комплетираат нивните наоди. Исто така, курсот вклучува повеќе совети од искусни новинари за тоа како да се истражува потемелно. Иако овој курс за е-учење е првенствено дизајниран за истражувачки новинари, особено за оние кои истражуваат случаи на корупција, тој е применлив и за пошироката новинарска публика. Веруваме дека секој што сака подлабоко да навлезе во некоја тема може да има корист од алатките, советите и техниките презентирани во бесплатниот курс за е-учење. Ве покануваме да го погледнете курсот кој е достапен на англиски, македонски и албански јазик.

Мисијата на ОБСЕ во Скопје, заедно со Канцеларијата на ОБСЕ за демократски институции и човекови права на ОБСЕ (ОДИХР) на 12 април 2022 организираа настан на кој присуствуваа претставници на органите за спроведување на законот и на судството заедно со претставници на Еврејската заедница во Северна Македонија.

Денеска, на Меѓународниот ден на жената, заедно со Министерството за внатрешни работи на Северна Македонија и алумни од менторската програма за жени во полиција поддржана од ОБСЕ, Мисијата на ОБСЕ во Скопје организираше дискусија за препознавање и надминување на симптомите на стрес кај жените во полицијата.  Истражувањата покажуваат дека полициски службенички се соочуваат со уште поголем стрес од нивните машки колеги поради негативните јавни коментари од граѓаните, постојаната потреба да се докажуваат на работа и потребата да балансираат меѓу обврските како службенички, сопруги и мајки. Помагањето на службеничките да се справат со стресот поврзан со работата е од суштинско значење за да останат во професијата.  „Заедно со Министерството за внатрешни работи, ние во Мисијата на ОБСЕ во Скопје работиме да ги поддржиме жените во полиција, да се погрижиме да напредуваат во нивните чинови, да останат во професијата и да придонесуваат за јавниот ред и безбедност. Верувам дека практиките за фер регрутирање, образовните понуди, вклучително и за тоа како да се справиме со стресот, солидните работни услови и дигитализацијата ќе помогнат да се активираат промените, да се привлечат и задржат повеќе жени во полицијата во која доминираат мажи“, рече Шефот на нашата Мисија, амбасадорот Клеменс Која, за време на дебатата.  „Општеството оди напред само со еманципирани, економски силни и независни жени и девојки и ние ветуваме дека ќе продолжиме да работиме во оваа насока. Само така, преку заеднички напори и учество во соодветните процеси, ќе го зајакнеме општеството еднакво за сите“, додаде Оливер Спасовски, министер за внатрешни работи на Северна Македонија.  „Ние како прогресивна држава која се стреми кон родова еднаквост континуирано работиме на привлекување повеќе жени во полициската професија. За да постигнеме резултати, продолжуваме да ги елиминираме бариерите што ги спречуваат жените да се приклучат на агенциите за спроведување на законот. Резултатите се веќе видливи, а работата во оваа насока останува еден од врвните приоритети за нас“, заклучи Магдалена Несторовска, државна секретарка во Министерството за внатрешни работи на Северна Македонија.

СКОПЈЕ, 28  јули 2021 - Мисијата на ОБСЕ во Скопје отпочна проект, финансиран од ЕУ, за поддршка на поефективно спроведување правда преку мониторинг на судења на случаи со корупција и организиран криминал во Северна Македонија. Овој тригодишен проект е дел од регионалната иницијатива спроведувана од страна на теренските операции на ОБСЕ во Тирана, Подгорица, Скопје, Сараево и Приштина.

22 мај, 2020, Скопје – Денес, Мисијата на ОБСЕ во Скопје објави вонреден повик за предлог проекти на граѓански организации, асоцијации и фондации. Целта на овој повик е да ги адресира потребите на најранливите и запоставените заедници во земјата, во областите од мандатот на Мисијата за време на кризата со ковид-19.

Скопје, 6 април 2020 – Мисијата на ОБСЕ во Скопје, Министерството за труд и социјална политика на Северна Македонија и Националната мрежа против насилство врз жени и семејно насилство ги повикуваат релевантните актери да вложат дополнителни напори за превенција од семејното насилство за време на ковид-19 кризата и да применат ефективни механизми за заштита на жртвите.

СКОПЈЕ, 5 февруари 2020 година- На прес-конференцијата денес во Скопје, Мисијата на ОБСЕ во Скопје, Министерството за внатрешни работи и Советот за етика во медиумите, повикаа на свесност за спречување на говорот на омраза во медиумите, особено во предизборниот период.