News and press releases

2021 жылдың 22 қазанында Нұр-Сұлтан қаласында ЕҚЫҰ қолдауымен жасыл кеңсе конкурсының жеңімпаздары жарияланды. Бұл конкурс мемлекеттік мекемелерге, жеке компанияларға, азаматтық қоғамға және халықаралық ұйымдарға қалдықтарды азайтуға және оларды қайта өңдеуге ерекше көңіл бөле отырып, ресурстарды тұрақты пайдалануға мүмкіндік берді.

2021 жылғы 21 және 22 қазанда Нұр-Сұлтандағы ЕҚЫҰ Бағдарламалар офисі адвокаттар үшін кәсіби қоғамдастықтардың әлеуетін арттыру бойынша екі күндік онлайн семинар-тренинг ұйымдастырды.

ЕҚЫҰ қолдауымен мәслихаттардың (жергілікті өзін-өзі басқару органдарының) рөлі мен әлеуетін арттыру бойынша семинарлар сериясы басталды, олар 2021 жылғы 19 қазан мен 23 қараша аралығында аралас форматта өткізілетін болады. Іс-шара барлық он төрт облысты және үш ірі қаланы- Алматы, Нұр-Сұлтан және Шымкентті қамтиды. Бірінші семинарға Қостанай облысының аудандық, қалалық және облыстық мәслихаттарының 140-қа жуық депутаты қатысты.

2021 жылғы 15 қазанда Нұр-Сұлтанда ЕҚЫҰ қолдауымен жастардың елдің саяси және азаматтық өміріне қатысуын арттыру бойынша конференция өтті. Аралас форматта өткен іс-шараға 50-ге жуық Парламент депутаттары, Ақпарат және қоғамдық даму министрлігінің, жастар ұйымдарының өкілдері, жас сарапшылар мен адам құқықтарын қорғау қозғалысының белсенділері қатысты.

Нұр-Сұлтандағы ЕҚЫҰ Бағдарламалар Офисі капиталды заңсыз шығаруға қарсы іс-қимыл жөніндегі екі күндік семинарды 2021 жылы 15 қазанда Нұр-Сұлтанда аяқтады.

ҚР ІІМ М.Есболатов атындағы Алматы академиясы базасында ЕҚЫҰ ұйымдастырған көші-қон бағыттарындағы адам саудасына қарсы күрес бойынша симуляциялық апталық жаттығу 2021 жылдың 11 қазанында Алматы қаласында басталды.

Нұр-Сұлтандағы ЕҚЫҰ Бағдарламалар офисі Қазақстан Республикасының Жоғарғы Соты және Құқықтық саясатты зерттеу орталығымен ынтымақтаса отырып, 2021 жылғы 8 қазанда COVID-19 пандемия кезінде сот төрелігіне қол жеткізу бойынша онлайн дөңгелек үстел ұйымдастырды.