News and press releases

2024 жылдың 6-7 желтоқсанында Қырғызстанның Шу облысы, Арал ауылында Қырғыз әйел судьялары қауымдастығының 10-шы жыл сайынғы конференциясы өтті. «Құқықтық әділеттілікті нығайту: тегін заң көмегіне қол жеткізу, сот жүйесіндегі әйелдерді қолдау және гендерлік зорлық-зомбылықтың алдын алу» тақырыбындағы конференция сот төрелігін реформалау мен гендерлік теңдікке қатысты өзекті мәселелерді шешу үшін Орталық Азиядан заң мамандары мен сарапшылардың басын қосты.

2024 жылғы 18-21 қараша аралығында ЕҚЫҰ-ның Астанадағы бағдарламалар Офисі (Офис) Германияның Халықаралық құқықтық ынтымақтастық қорының (IRZ) серіктестігімен Қазақстанның сот жүйесі өкілдерінің Гаагадағы Халықаралық жеке құқық жөніндегі конференцияға (HCCH) және Германияның Бонн қаласындағы Федералдық юстиция ведомствосына танысу сапарын ұйымдастырды.

2024 жылғы 4 қазанда сот жүйесін реформалауға бағытталған маңызды қадам ретінде ЕҚЫҰ-ның Астанадағы бағдарламалар офисі (Офис) және Қазақстанның Сот әкімшілігі 2025-2029 жылдарға арналған сот әкімшілігін дамыту Стратегиясының жобасын талқылау бойынша дөңгелек үстел өткізді. Судьялардың 9-шы съезінен кейінгі бұл айтулы оқиға қабылдаушы елдің реформасының басымдықтарына сәйкес Қазақстанның сот жүйесіне тиімділікті, қолжетімділікті және қоғамның сенімін арттыруға бағытталған бірнешеайлық бірлескен жұмыстың шарықтау шегі болды.

2024 жылғы 11-14 қыркүйекте ЕҚЫҰ-ның Астанадағы Бағдарламалар офисінің «Қазақстандағы сот төрелігі жүйесінің тиімділігін арттыру» бюджеттен тыс жобасы аясында 2025-2029 жылдарға арналған соттарды әкімшілендіру стратегиясын қалыптастыруды қолдауға бағытталған семинар өтті. Семинар екі кезеңде бірінші Астана қаласында басталып, жалғасын Бурабайда тапты.

13 мамырда Астанада Қазақстанның барлық өңірлерінен келген заңгерлер Қазақстанның сот жүйесі үшін әлеуетті кадрларды қайта даярлауға бағытталған қарқынды құқықтық тренингке қатысу үшін жиналды. Тренинг 13-18 мамыр аралығында өтті және білім беру іс-шараларының кешенін қамтыды. Тренинг басталмас бұрын қатысушылар өздерінің негізгі дағдылары мен білімдерін нығайту мақсатында Сот төрелігі академиясы ұйымдастырған екі апталық онлайн оқыту бағдарламасынан өтті, сондай-ақ сынақ эссе жазды.

2024 жылғы 14-15 наурызда Астанада гибридті форматта өткен «Әйел судьялар: кәсіби тәжірибе алмасу және халықаралық ынтымақтастық» атты екі күндік воркшопқа Қазақстанның және шетелдің әйел судьялары жиналды.

2021 жылдың 15 желтоқсанында Нұр-Сұлтан қаласында ЕҚЫҰ-ның Нұр-Сұлтан қаласындағы Бағдарламалар офисінің басшысы Фолькер Фробарт пен Қазақстан Республикасы Жоғарғы Сотының жанындағы Соттардың қызметін қамтамасыз ету департаментінің басшысы Наиль Ахметзакиров «Қазақстандағы сот төрелігі жүйесінің тиімділігін арттыру» жөніндегі бюджеттен тыс жоба бойынша өзара түсіністік туралы Меморандумға қол қойды. Жоба Америка Құрама Штаттарының Үкіметімен қаржыландырылады және 2024 жылдың соңына дейін жүзеге асырылатын болады.