PRISHTINË, 21 nëntor 2012 – Misioni i OSBE-së në Kosovë do të organizojë nesër një konferencë rajonale për gjendjen e mediave të shkruara që të ndihmojë identifikimin e mënyrave për t’i adresuar sfidat që ndikojnë në raportimin e pavarur dhe profesional.

Në konferencë do të marrin pjesë përfaqësues të mediave dhe shoqërisë civile nga Prishtina, Beogradi, Lubjana, Podgorica, Shkupi, Sarajeva, Tirana dhe Zagrebi.

Shefi i Misionit të OSBE-së në Kosovë, Ambasadori Jean-Claude Schlumberger, Shefi i Seksionit Politik, Ekonomik dhe Integrimit Europian në Zyrën e Bashkimit Europian në Kosovë, Thomas Gnocchi, dhe Kryesuesi i Bordit të Këshillit për Media të Shkruara në Kosovë Xhemajl Rexhepi, do të mbajnë fjalime.

Ftohen mediat të marrin pjesë në konferencë të enjten, 22 nëntor 2012, duke filluar nga ora 10:00 në Hotel Afa në Prishtinë.