Publications
Прирачник за правилна употреба на македонскиот јазик во правната терминологија
Publishing date: 4 февруари 2021
Content type: Водич / Прирачник
Where we are: Мисија на ОБСЕ во Скопје
What we do: Владеење на правото
Publisher: Организацијата за безбедност и соработка во Европа
Прирачникот е изготвен од Академијата за судии и јавни обвинители, и поддржан од Мисијата на ОБСЕ во Скопје. Публикацијата има за цел да им помогне на кандидатите за судии и јавни обвинители правилно да го користат македонскиот јазик во изготвувањето на правни акти и други документи во рамките на нивната почетна програма за обука. Прирачникот е дизајниран да им помогне на сите судии и јавни обвинители и правни практичари во нивната секојдневна работа.
Реформа на јавната администрација на локално ниво- Прилагодување на реформата на специфичните потреби на единиците на локалната самоуправа во Северна Македонија
Publishing date: 16 декември 2020
Content type: Извештај
Where we are: Мисија на ОБСЕ во Скопје
What we do: Демократизација, Добро владеење
Publisher: Организацијата за безбедност и соработка во Европа
Овој труд има за цел да обезбеди стратешки насоки за креаторите на политики за тоа како да ги вклучат спецификите на единиците на локалната самоуправа (ЕЛС) во рамките на Стратегијата за реформа на јавната администрација (СРЈА) 2018-2022 на сеопфатен и значаен начин. Исто така, нуди детален преглед на секое поглавје од Стратегијата. Паралелно на тоа, трудот ги прикажува главните сознанија од испитувањето на ЕЛС и заклучоците од регионалните тркалезни маси и работилницата.
Избрани сентенци од практиката на Основниот кривичен суд Скопје (2013-2019)
Publishing date: 14 јули 2020
Content type: Книга
Where we are: Мисија на ОБСЕ во Скопје
What we do: Владеење на правото
Publisher: Организацијата за безбедност и соработка во Европа
Публикацијата е избор на актуелни правни прашања од областа на законот за кривична постапка, вклучувајќи потврдени, укинати или преиначени одлуки само на Основниот кривичен суд Скопје донесени во периодот од 2013 до 2019 година, односно од отпочнувањето со примена на Законот за кривичната постапка од 2010 година. Целта на публикацијата е да се осврне на некои правни прашања кои се актуелни во секојдневното постапување на судиите на Основниот кривичен суд преку еден поширок пристап кој го вклучува и правното гледиште на второстепениот суд и јуриспруденцијата на ЕСЧП.
Анализа на податоците од набљудуваните судски постапки од областа на организиран криминал и корупција во 2019 година
Publishing date: 9 јули 2020
Content type: Извештај
Where we are: Мисија на ОБСЕ во Скопје
What we do: Владеење на правото
Publisher: Организацијата за безбедност и соработка во Европа
Во 2019 година, Мисијата на ОБСЕ во Скопје заедно со Коалицијата 'Сите за правично судење' имплементираше активности на следење судски постапки со фокус на кривични предмети од областа на организираниот криминал и корупцијата. Анализата на податоците добиени од набљудуваните судски постапки дава подлабок увид во примената на Законот за кривична постапка во предметите од организиран криминал и корупција и нуди препораки за идни интервенции и реформи насочени кон зајакување на правосудниот систем во Република Северна Македонија што, пак, би довело до зголемена доверба на јавноста во судството.
Анализа на актуелното системско позиционирање на Академијата за судии и јавни обвинители и нејзината улога во обуката на правосудниот кадар
Publishing date: 25 јуни 2020
Content type: Извештај
Where we are: Мисија на ОБСЕ во Скопје
What we do: Владеење на правото
Publisher: Организацијата за безбедност и соработка во Европа
Оваа анализа е поддржана од страна на Мисијата на ОБСЕ во Скопје, а е изработена во соработка со Академијата за судии и јавни обвинители со цел да и помогне на Академијата во процесот на правилно планирање и поставување на развојни приоритети. Во оваа анализа на актуелната состојба, придружена со емпириско истражување, се содржани бројни согледувања и препораки кои се надоврзуваат на други досега донесени стратешки документи, истражувања и препораки кои се однесуваат на правосудниот сектор во Северна Македонија и кои имаат допирни точки со работата на Академијата за судии и јавни обвинители.
Насоки за примена на начелото за неказнување на жртвата на трговија со луѓе и трговија со дете
Publishing date: 14 април 2020
Content type: Водич / Прирачник
Where we are: Мисија на ОБСЕ во Скопје
What we do: Combating trafficking in human beings, Човекови права
Publisher: Организацијата за безбедност и соработка во Европа
Мисијата на ОБСЕ во Скопје ја подготви оваа публикација во соработка со Националната комисија за борба против трговијата со луѓе и нелегалната миграција и Академијата за судии и јавни обвинители „Павел Шатев“, со цел да им помогне на сите надлежни органи и субјекти кои постапуваат по дела на трговија со луѓе и трговија со деца правилно да го применуваат начелото на неказнување на жртвите. Насоките се наменети да послужат како практична алатка и водилка во работата на органите за откривање, гонење и пресудување на овие тешки кривични дела, како и на органите и институциите надлежни за превенција, идентификација, помош и поддршка на жртвите и граѓанските здруженија да ги препознаат и утврдат претпоставките за неказнивост на жртвата.
Водич за соодветно приспособување
Publishing date: 20 февруари 2020
Content type: Водич / Прирачник
Where we are: Мисија на ОБСЕ во Скопје
What we do: Човекови права, Владеење на правото, Толеранција и недискриминација
Publisher: Организацијата за безбедност и соработка во Европа
Водичот за соодветно приспособување, изготвен од Мисијата на ОБСЕ во Скопје, е систематски и аналитички преглед на правниот институт за соодветно приспособување за лицата со попреченост. Публикацијата се заснова на разгледување на постојните дефиниции и правните толкувања утврдени во Конвенцијата за правата на лицата со попреченост, како и во постојното домашно право, меѓународната и националната судска пракса, на судовите и различните тела за човекови права, но и во академската и сивата литература. Особено се образложени видовите на соодветно приспособување кои се однесуваат на потребите на жените и девојчињата со попреченост.
Барометар за еднакви можности
Publishing date: 21 ноември 2019
Content type: Извештај
Where we are: Мисија на ОБСЕ во Скопје
What we do: Владеење на правото, Толеранција и недискриминација
Publisher: Организацијата за безбедност и соработка во Европа
Истражувањето „Барометар за еднакви можности“, изработена од Мисијата на ОБСЕ во Скопје, ги опфаќа перцепциите за дискриминација и нееднаквост на севкупната јавност. Исто така, прави компаративна анализа на резултатите од трите истражувања спроведени во 2009, 2013 и 2018 година и дава преглед на правецот и интензитетот на промените на перцепциите, ставовите, познавањата и свеста за дискриминација и нееднаквост во земјата во периодот од 2009 до 2018 година. Во извештајот се испитуваат одговорите на мажите и жените во врска со дискриминацијата по седум основи- род, етничка припадност, религија или верувања, возраст, попреченост, сексуална ориентација и политичка припадност.
Годишен билтен за анти-дискриминација 2018
Publishing date: 15 август 2019
Content type: Брошура
Where we are: Мисија на ОБСЕ во Скопје
What we do: Владеење на правото, Толеранција и недискриминација
Publisher: Организацијата за безбедност и соработка во Европа
Билтенот е составен од сумирани информации од првостепените судови во однос на случаите на дискриминација и од годишните извештаи на Комисијата за заштита од дискриминација и на Народниот правобранител за 2018 година. Истиот овозможува податоци за случаите на дискриминација и активностите на државата и граѓанските организации на полето на превенција и заштита од дискриминација, како и препораки до институциите за подобрување на тековната состојба.
Истражување за виктимизацијата поради криминал од омраза, Извештај
Publishing date: 27 јуни 2019
Content type: Извештај
Where we are: Мисија на ОБСЕ во Скопје
What we do: Владеење на правото, Толеранција и недискриминација
Publisher: Организацијата за безбедност и соработка во Европа
Овој Извештај ги дава резултатите од истражувањето на виктимизација поради криминал од омраза спроведено во Северна Македонија во месеците јуни и јули 2018 година. Истражувањето, прв од ваков вид во земјата, претставува посеопфатен преглед на виктимизацијата поради криминал од омраза во Северна Македонија и нејзините ефекти отколку што било достапно претходно, како и да се идентификува степенот на непријавување на инцидентите од омраза преку вршење истражување на спектар од различни заедници со мнозински и малцински социјален идентитет врз основа на етничка припадност, религија, сексуална ориентација, попреченост и политички уверувања. Извештајот има за цел да нуди сведоштва за потребата да се разработат делотворни мерки што ќе се одзват на проблемот и ќе се борат против него, ќе ги водат таргетираните политики и стратегија од страна на националните и локалните власти, и ќе ги поддржуваат организациите на граѓанското општество во нивната работа на застапување.