OSCE Centre in Bishkek

2013-жылдын 26-апрелинде «Исфана шаарында ичилчү суунун негизинде чыгып жаткан чыр чатактарды жоюуу» долбооруна багытталган ЕККУ, БУУнун Кыргызстандагы дүйнөлүк Азык-түлүк программасы, Германиялык эл аралык кызматташуу коомунун жана Баткен облусундагы Өкмөттүн Атайын өкүлүнүн арасында өз ара түшүнүшүү жөнүндө меморандумга кол коюлган.

Долбоор Кыргызстандагы ресурстук базаны башкарууну жакшыртуусуна жана ичилчү сууга үзгүлтүксүз жана тең мүмкүнчүлүк алууга көмөк көрсөтүү аркылуу чыр чатактардын пайда болуу коркунучун азайтууга багытталган. 

ЕККУнун Бишкектеги борборунун жетекчиси элчи Сергей Капинос белгилеп кеткендей: «Суу ресурстары Кыргызстан үчүн чоң мааниге ээ, анткени анын экономикасын негизинен айыл чарба сектору түзөт. Ичилчү жана ирригациялык суу сыяктуу ресурсту эффективдүү пайдалануу Исфананын жана Баткен облусунун өнүктүрүүсүнө түрткү берет. Оз кезегинде бул чыр чатактардын пайда болуу ыктымалын азайтуусуна жана саясий стабилдүүлүктү бекемдөөгө көмөк көрсөтөт».

ЕККУ борбору табигый ресурстарды башкарууда кызматташтыкты илгерилөө боюнча өз иш-аракетинин алкагында келишимде катышып келе жатат. Бул иш-аракети менен бирге 2011-жылы өлкөнүн түштүгүндө суу пайдалануучулардын Ассоциацисына көмөк берүү боюнча долбоору башталган. Анын иш-жүргүзүү аймагы кеңейтилди: азыр долбоор Талас облусунда дагы жүзөгө ашырылып келе жатат.